'Ajo ka lënë shtetësinë shqiptare për atë holandeze', aktivistja: Basha të rikthejë njëherë bashkëshorten pastaj atë anonimin nga autobusi

Teksa ka komentuar 2 prej spoteve elektorale të PS dhe PD, aktivistja e njohur, Brizida Gjikondi ka pasur një mesazh të drejtpërdrejtë për Lulzim Bashën.

Duke iu referuar një spoti të PD-së ku Basha thotë se do të rikthejë të rinjtë shqiptarë nga emigracioni, Gjikondi thotë se kreu i PD duhet të rikthejë njëherë në vend, bashkëshorten e cila ka lënë shtetësinë shqiptare për të marrë pasaportën holandeze, e më pas të rikthejë shqiptarët.

“Spoti i Ramës ka një shtrirje shumë të madhe, vaksinimi është një sukses i qeverisë shqiptare në krahasim me të gjitha qeveritë e Ballkanit. Rama ka dhënë mesazhe pozitive sa i takon turizmit. Kurse spoti i Bashës është skandaloz,se Basha ka fajet e veta sa i përket largimit të njerëzve se është pjesë e opozitës shqiptare. Bashkëshortja e tij ka nënshtetësinë holandeze e ka lënë atë shqiptare, së pari t‘i kthehet bashkëshortja në Shqipëri e të votojë.

LEXO EDHE:
Vota e diasporës dhe problematikat e emigrantëve, Basha takim me bashkatdhetarët në Itali

Ka përgjegjësi personale, t’i mbushë mendjen bashkëshortes që la shtetësinë shqiptare. Përgjegjësia është e barabartë, është një opozitë që ka braktisur pushtetin,  përpara se të kthejë anonimin nga autobusi. E ke parë se çfarë programi ka Basha? Program emocional, asgjë konkrete”, ka thënë aktivistja Brizida Gjikondi.

K.T./Shqiptarja.com

TAG:
• lulzim basha
• Brizida Gjikondi
• fushata elektorale
• zgjedhjet parlamentare 2021