Afro 9 mijë biznese në vend që i jepnin punonjësve një pjesë të rrogës në dorë, i janë përgjigjur pozitivisht thirrjes së tatimeve dhe kanë rritur deklarimet e pagave.
Drejtoria e Përgjithshme e Tatimeve njofton se prej datës 1 tetor 2024, i kanë dërguar njoftim 130 mijë bizneseve të regjistruara ku u kërkohej të bënin deklarim të saktë brenda datës 20 tetor, datë që përkonte me dorëzimin e deklaratës së listëpagesës për muajin shtator.
Kjo thirrje e bërë për shkak të nëndeklarimit të pagave të punonjësve, me pasoja negative në pensionet e qytetarëve, ka bërë që 9 mijë tatimpagues të rrisin pagat e punonjësve me një fond total prej 1.25 miliard lekë.
“Për muajin tetor 2024, Administrata Tatimore ka arritur një rritje të ndjeshme në mbledhjen e kontributeve, duke grumbulluar 819 milionë lekë ose 6% më shumë se plani i parashikuar”, thuhet në njoftimin e Tatimeve.
Mbi deklarimet e bëra deri më 20 tetor Administrata Tatimore ka bërë një analizë të listë-pagesave ku janë identifikuar 37.331 tatimpagues të cilët ende vijojnë informalitetin e pagave, që pavarësisht njoftimit të parë nuk kanë reaguar.
Për këto biznese, është dërguar një njoftim i personalizuar, për t’i dhënë bizneseve mundësinë e dytë dhe të fundit për të reaguar, në të kundërt do të jenë objekt kontrolli dhe do të përballen me gjobat siç parashikohet me ligj.
Aksioni kundër nëndeklarimit të pagave të punonjësve do të vijojë edhe përgjatë vitit 2025, ku përtej fushatave sensibilizuese, gjobave apo mbylljes së biznesit do të shkohet deri tek bllokimi i pasurive të paluajtshme që biznesi mund të ketë në pronësi. Në fokus të këtij aksioni, ku janë paralajmëruar edhe arrestime, do të jenë sektori i ndërtimit, turizmit, tregtisë dhe transportit, sektorë që kanë pagat më të ulëta të deklaruara në raport me zhvillimin e tyre të viteve të fundit.
Deklarata e plotë e Administratës Tatimore
Në datën 1 tetor Administrata Tatimore u ka dërguar një njoftim të përgjithshëm (pop up) 130 mijë tatimpaguesve në Republikën e Shqipërisë, të regjistruar deri në fund të shtatorit 2024. Mesazhi kishte në fokus ndërgjegjësimin dhe nxitjen e tatimpaguesve për deklarim të saktë në listëpagesat e tyre deri më 20 tetor, datë që përkonte me dorëzimin e deklaratës së listëpagesës për muajin shtator.
Pas këtij njoftimi për nismën e qeverisë shqiptare kundër informalitetit të pagave, me pasoja në pensionet e qytetarëve, Administrata Tatimore analizoi mbi bazën e riskut të gjitha listëpagesat e deklaruara për të identifikuar tatimpaguesit, që kanë reflektuar dhe tatimpaguesit me riskun e mosdeklarimit real të pagave. Si rezultatet i kësaj fushate, 9.000 tatimpagues kanë reaguar pozitivisht duke reflektuar në deklaratatat e listëpagesave të tyre, pas njoftimit të parë të Administratës Tatimore, duke rritur fondin e deklaruar të pagave me një total prej 1.25 miliard lekësh.
Gjithashtu për muajin tetor 2024, Administrata Tatimore ka arritur një rritje të ndjeshme në mbledhjen e kontributeve, duke grumbulluar 819 milionë lekë ose 6% më shumë se plani i parashikuar. Pas rezultateve të arritura nga analiza e të gjitha listëpagesave të deklaruar në muajin tetor 2024, Administrata Tatimore ka identifikuar 37.331 tatimpagues me risk në fushën e informalitetit të pagave, ata të cilët pavarësisht njoftimit të parë nuk kanë reaguar ende.
Për këto 37.331 tatimpagues, DPT ka dërguar një tjetër njoftim (pop up), këtë herë të personalizuar, për ti dhënë bizneseve mundësinë e dytë dhe të fundit për të reaguar, në të kundërt do të jenë objekt kontrolli dhe monitorimi në zbatim të sipas Ligjit 9920/2008, ‘Për Procedurat Tatimore në RSH’, i ndryshuar dhe Ligjit Nr. 7961, datë 12.7.1995 ‘Kodi i Punës i Republikës së Shqiperisë’ i ndryshuar”.
Lajme të tjera
-
Qindra portale 'fantazmë' në Shqipëri, Braçe: Dezinformojnë! Duhet një regjistër me çdo të dhënë të tyre
6 Nëntor, 15:29
-
Rama në Podcast: Po hapet një korsi e re për pensionet, do e realizojmë
2 Nëntor, 10:06 -
Ekonomia në rritje, por KE lë ‘detyra’ për qeverinë: Luftoni informalitetin në paga, stop rishikimit të buxhetit me akt normativ, mbroni fondet e BE
31 Tetor, 14:04
-
Pensionet/ Rama akuza të forta prokurorisë së Tiranës: Prej vitesh prokurorët mbulojnë me trupat e tyre dosje ulëritëse të evazionit fiskal
30 Tetor, 15:02
-
Projektbuxheti/ Ulja e nëndeklarimit të pagave do të sjellë 150 mln euro shtesë në buxhet në vitin 2025!
29 Tetor, 17:50
-
Dhoma Amerikane e Tregtisë: Nëndeklarimi të luftohet me politikë të fortë, jo me aksione të përkohshme! Të ulet TVSH-ja e produkteve ushqimore
28 Tetor, 11:30
-
Fatos Çoçoli: Dënim penal për pagë të trukuar? Pensionistët humbasin 60-70 milionë euro në vit nga pagat e deklaruara më pak nga sa janë në të vërtetë
26 Tetor, 09:33
-
Strategjia 2024 – 2030 për sigurinë në punë/ Në fokus goditja e pagave në dorë! Në sitë ndërtimi, bujqësia e minierat
25 Tetor, 16:29
-
Tatimet: Shtyhet deri më 20 nëntor afati i dorëzimit të të dhënave të pronësisë dhe kontratës së qirasë për vendushtrimin e aktivitetit ekonomik në e-Filing
25 Tetor, 10:46 -
ANALIZA e shifrave mbi nëndeklarimin/ Informaliteti në paga, një pjesë në dorë e tjetrën në bankë ‘krim ekonomik’ në kurriz të punonjësve
24 Tetor, 16:47
-
Lufta kundër informalitetit, 230 mijë punonjës me pagë minimale! Rama: S'pranojmë më deklarime që s'i besojmë! Mbyllim biznesin nëse s’paguhen sigurimet
23 Tetor, 10:21 -
Mosdeklarimi i pagave, Rama: Bizneset po grabisin pensionistët! Do përballeni me masa administrative e penale
22 Tetor, 11:24
