Aktorja Monika Lubonja pozitive me COVID, mesazh të fortë nga karantina: Kush e ka provuar e di që kjo është një luftë e ashpër mes jetës e vdekjes

Aktorja e njohur Monika Lubonja është infektuar me COVID.

Lajmin e ka bërë me dije vetë ajo përmes një postimi në rrjete sociale, përmes të cilit tregon se është në karantinë.

"Jam e mbyllur në shtëpi ,duke u kuruar nga COVID-19. Sigurisht që kjo është një tjetër lloj lufte dhe të gjithë kemi për t’u përballur me këtë luftë të re. Por ajo që sot më bëri të ulem, e të shkruaj këtë mesazh është një fenomen që po ndodh me ne. Me dashje ose pa dashje ne po vrasim njëri - tjetrin duke mos e treguar që jemi të prekur nga COVID-19.

LEXO EDHE:
S’përmbahet Monika Lubonja, zbulon partnerin e ëndrrave

Vemi deri aty sa ulemi me njëri - tjetrin , pijmë kafe, shkjomë dhe për dreka , a darkojmë , qeshim e qajmë, madje kur ndahemi për të treguar që e duam shumë njëri- tjetrin i japim dorën dhe s’mjafton kjo, po në fund e puthim , Po ,po e puthim fort ,madje më fort , aq fort sa i rrasim buzët tek faqja e shokut /shoqes apo dhe mikut si për ti dhënë një urim zemre “e gëzofsh”, shkruan ajo

Në mesazhin e saj ajo u ka bërë dhe një apel të gjithë të prekurve me Covid që në momentin që e mrrin vesh  se janë të infektuar të qëndrojnë në shtëpi. Këtu shton se kush është infektuar e di që kjo ështe një luftë dhe është një luftë e ashpër mes jetës e vdekjes.

"Por ka dhe nga ata që e kanë këtë Corona ,e dalin me vetëdijen e tyre të plotë duke vazhduar jetën, punën e tyre, argëtimet dhe vendosin një maskë në fytyrë , se fundja këtë kanë bërë gjithë jetën e tyre, e jo më tani që u bë koha e maskave. Dhe pyetje lind nëse kanë ndërgjegjie ,kur në darkë kthehen në shtëpinë e tyre , a kanë bërë një bilanc se sa veta kanë filluar të vrasin ?

Kush nuk e ka provuar se kupton, kush e ka provuar e kupton që kjo ështe një luftë dhe është një luftë e ashpër mes jetës e vdekjes. Përveç injorancës që na rrethon, që se pranojnë kur na vjen kjo e flamosur sëmundje, por dhe tek mjeku shkojmë nga fundi ,kur kjo sëmundje e ka bërë tashmë të veten...

Pra këtu është fundi i gjithçkaje si shoqëri. Për mua si individ ,si qytetare mos të treguarit për prekjen nga Covid është baraz me vrasje. Ne po vrasim njëri - tjetrin në një formë a ndonjë tjeter. Zot na jep forcë", shton ajo.

TAG:
• Monika Lubonja