Akuzat e PD/ Prokuroria administron gjurmët e gishtërinjve të Agim Kajmakut

Prokuroria administron gjurmët e gishtërinjve të Agim Kajmakut. Gazetari i Report Tv Arsen Rusta raporton se deri më tani janë administruar të gjitha provat e nevojshme për verifikimin e akuzave ndaj kryebashkiakut të Vorës, si dokumentacioni i publikuar nga PD dhe gjurmët e gishtërinjve ndërkohë që organi i akuzës është në pritje të letërporosisë nga autoritetet greke.

PD-ja ka publikuar një dokument sipas saj nga sistemi TIMS me foton e Jorgo Totos në pasaportën me nr. Z 0148497, me të cilën është arrestuar dhe një tjetër po nga sistemi TIMS që tregon pasaportën me emrin Agim Kajmaku nga ku del në përfundimin se janë i njëjti person. Sipas selisë blu kjo vërteton se personi i kërkuar nën emrin Jorgo Toto në Greqi në fakt është Agim Kajmaku.

Kajmaku i ka hedhur poshtë të gjitha këto detaje duke deklaruar se ai nuk është arrestuar asnjëherë dhe kjo është e vërteta e vetme.  Do të jetë prokuroria që do i jap përgjigje kësaj çështje duke përcaktuar përmes gjurmëve të gishtërinjve nëse ato të Agim Kajmakut janë të njëjta apo jo me ato të Jorgo Totos, të arrestuar në Greqi.

TAG:
• Agim Kajmaku