Me 205 km/ orë në Rrugën e Kombit! 'Alert' në tunelin e Kalimashit, gjobiten 135 shqiptarë të Kosovës, u pezulluan 9 patenta

Policia ka shtuar kontrollet në Rrugën e Kombit me qëllim identifikimin e shkelësve të rregullave të qarkullimit rrugor

Kështu  shoferi i një Audi A8 u gjobit me 40 000 lekë të rinj pasi qarkulloi me shpejtësi 205 km/orë, në Rrugën e Kombit

Gjatë 2 javëve të para të muajit korrik, shërbimet e Njësisë së Policisë Rrugore për Sigurinë e Autostradës “Milot-Morinë”, të pajisura me mjete logjistike bashkëkohore, ndëshkuan 144 shtetas që drejtonin automjetin përkatës, me shpejtësi nga 150 km/orë deri në 205 km/orë, prej tyre:

-135 shtetas kosovarë u ndëshkuan me masë administrative sa dyfishi i masës administrative që parashikon Kodi Rrugor;

-9 shtetasve shqiptarë iu është pezulluar leja e drejtimit për periudha nga 3 deri në 12 muaj, si dhe iu janë zbritur nga 5 deri në 8 pikë nga leja përkatëse e drejtimit.

Gjithashtu, gjatë kësaj periudhe, 70 automjete janë shpallur “Alert”, pasi qarkullonin me shpejtësi tej normave të lejuara, në tunelin e Kalimashit.

Në fundjavë, në çdo aks ka radarë.

M.T/S.G/Shqiptarja.com

TAG:
• rregullat e qarkullimit
• rruga e kombit
• kalimash