‘Alkooli shkakton kancer’, Altin Joka: Edhe një lugë çaji alkool ka efekte kancerogjene

Me nutricionistin Altin Joka në emisionin “Rreze Dielli” flasim në lidhje me impotencën seksuale tek meshkujt, ku një ndër faktorët ndikues në impotencë është edhe përdorimi i alkoolit. Por cilat janë rreziqet e tjera për shëndetin fizik që lidhen me konsumimin e alkoolit?

”Efektet e alkolit në trupin e njeriut varen nga organizmi, kemi persona që kanë jetuar mbi 100 vjeç edhe pse kanë pirë gjithë jetën e tyre alkool, por kjo nuk është aspak për të vënë në diskutim efektet negative që sjell përdorimi i alkoolit në organizëm” u shpreh Altini. Sipas Organizatës Botërore të Shëndetësisë, alkooli vret mbi 3 milion njerëz në botë çdo vit.

Sipas Altinit është një lëndë toksike që vetëm probleme shkakton në organizëm, madje disa nga sëmundjet më të frikshme të trupit. “Pasi gëlltitet, mëlçia e metabolizon menjëherë duke qenë faktori kryesor në shkaktimin e kancerit, veçanërisht atë të zorrës, atë të gjirit dhe disa kancerave të tjerë” theksoi ai.

”800 mijë persona në vit i shtohen të sëmurëve me kancer vetëm nga alkooli, kjo e vërtetuar dhe me statistika nga agjencitë e shëndetit. Asnjë sasi e vogël e alkoolit nuk mund të jetë e shëndetshme, sepse 1 në 20 vdekje vjen si pasojë e konsumit të alkoolit sipas studimeve të Oxfordit. 27% e kancerave tek gratë, vjen si pasojë e konsumimit të alkoolit, sikurse 19 % e kancerave tek burrat” shprehet Joka.

Sipas studimeve, personat që konsumojnë alkool kanë probleme me memorien, me kontrollin e emocioneve, me goditjet në tru apo me zemrën, pasi është vënë re se alkooli është një çrregullator në afektimin e lobit frontal në tru, duke shkaktuar atrofi, pa harruar që dëmton dhe metabolizmin e glukozës. Alkooli është faktori kryesor i kancerit të pankreasit, të gjirit dhe të zorrës” theksoi

Lajmi kryesor:

Impotenca, pse ndodh dhe si ta trajtojmë në mënyrë natyrale / Altin Joka: Nis në tru

MC/Shqiptarja.com

TAG:
• Perdorimi i alkoolit