POP 5

Lajmet më të lexuara të 5 minutave të fundit

Kronikë

Arben Ahmetaj vijon betejën ligjore nga arratia, ankimon në Gjykatë Kushtetuese kontrollin e banesës së bashkëjetueses

Arben Ahmetaj ankimon në Gjykatën Kushtetuese kontrollin e banesës së bashkëjetueses.

TIRANE - Nga arratia ish zv/kryeministri dhe ish ministri i Financave, Arben Ahmetaj ankimon në Gjykatën Kushtetuese kontrollin e banesës së bashkëjetueses,.Erjola Hoxha në Hamallaj.

Ahmetaj  kërkon shfuqizimin e vendimit të Gjykatës së Lartë dhe dërgimin e çështjes për rigjykim në Apel.

Sipas ankimit, kontrollet janë në papajtueshmëri me ligjin dhe antikushtetuese, pasi nuk ka patur autorizim nga Kuvendi, sepse në njërën nga banesat jetonte edhe vetë Ahmetaj që gëzonte mandatin e deputetit.

"Pakushtetutshmëria dhe paligjshmëria e kërkesës dhe e vendimit për lejimin e kontrollit, pa autorizimin e Kuvendit të Shqipërisë, ndërkohë që në atë banesë bashkëjetonte me zj.Hoxha i hetuari z.Arben Ahmetaj, deputet i Kuvendit të Shqipërisë; pra, vendimi ka cenuar vullnetin e sovranit, të mishëruar në ligjin themeltar të Republikës (neni 73, par.2) dhe normën e KPP (neni 288.1); thuhet në vendim

Avokatët mbrojtjës kanë renditur katër pika pse e konsideron të paligjshëm kontrollin e banesave. Gazetarja e Report Tv, Keti Banushi ka siguruar dokumentin e ankimimit ku ndër të tjera argumentohet se Gjykata e Posaçme nuk ka tagrin që të autorizojë kontrollin e banesës së deputetit;


Vendimi nr. 114 akti, datë 08.03.2023 që lejoi kontrollin e banesës në pronësi të znj. Hoxha, ku ajo bashkëjeton me z. Arben Ahmetaj, deputet i Kuvendit të Shqipërisë, është një akt i marrë në tejkalim të kompetencës funksionale të gjykatës ratione personae, pasi Gjykata e Posaçme nuk ka tagra që të autorizojë kontrollin e banesës së deputetit; kjo e drejtë i përket Kuvendit. Në këtë këndvështrim, në kryerjen e këtij akti, ajo nuk i përmbushte kushtet e një “gjykate të krijuar me ligj” (neni 42, par.2);

Avokatët gjithashtu pretendojnë se nuk mungojnë shkaqet e ligjshme për kryerjen e kontrollit dhe për mungesë arsyetimi të lidhjes mes provave për kryerjen e faktit penal dhe sendeve që synohej të gjendeshin në banesë dhe se me shoqërimi me detyrim të zonjës Hoxha u dhuna e drejta e saj për liri e siguri, si dhe iu cenua e drejta e saj për t’i garantuar dinjitetin njerëzor dhe privatësinë e komunikimeve. 

Arben Ahmetaj vijon të jetë deputet por prej 24 gushtit 2023 administrata e Kuvendit i ka ndërprerë pagesën dhe shërbimet mbështetëse që vijnë për shkak të detyrës si deputet siç është pagesa për telefonin, automjetin, karburantin si dhe shpenzimet e banimit.

Ish ministri i Financave u largua nga Shqipëria para se të firmosej urdhër-arresti dhe nga arratia pat deklaruar se po qëndronte tek vajza në Angli. Arben Ahmetaj është shpallur në kërkim ndërkombëtar prej 24 korrikut 2023. Ai akuzohet për tre akuza “mosdeklarim, deklarim të rremë dhe fshehje të pasurisë”, vetëm dhe në bashkëpunim, “Korrupsion pasiv të funksionarëve të lartë shtetërorë ose të zgjedhurve vendorë” në gjashtë raste, “Pastrimit të produkteve të veprës penale ose veprimtarisë kriminale”. Bëhet fjalë një dosje voluminoze ku ai akuzohet se me veprimet apo mosveprimet e tij ka ndihmuar biznesmenët Klodian Zoto dhe Mirel Mërtiri të fitojnë projektet për inceneratorët e Fierit, Tiranës dhe Elbasanit.

(Kliko këtu për të lexuar dokumentin e plotë) Ankimimi i Arben Ahmetaj

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Scutari: 19/09/2023 13:56

    Tigri njësh me natyrën! Shih si e ka mbuluar me panele diellore...

    Përgjigju
  • Ladi: 19/09/2023 13:27

    Po kujt i intereson cfare ben ben ky hajduti, duhet te ishte prapa hekurave dhe jo ne zvicer duke u fsheh pas hetimeve

    Përgjigju
  • Bledar: 19/09/2023 13:06

    Beni qendro i fort se s.kan c.te bejn keta morrat e spakut.na ke ne gadishmeri ne c.di koh

    Përgjigju
  • Tepelena: 19/09/2023 11:50

    Ceshtja Ahmetaj mund te perbej rrezik per sigurine kombetare. Nje ishkryeminister i kerkuar nga organet e drejtesise arratiset drejt nje vendi si Greqia, e cila punon fuqishem kunder Shqiperise. Sa e lehte duhet te kete qene per sherbimin informativ grek qe te nxjerri sekrete nga nje person ne nje situate kaq te deshperuar. SPAK duhet te mesoj nga ky rast dhe te mos kete asnje rrjedhje te hetimeve. Mos te ndodhi me qe nje politikan i nivelit te lart te kuptoj se do arrestohet, qe mos te perfundojn duke u fshehur ne vende armiqesore. Shqiperia ka armiq te fuqishem. Nuk e kemi luksin te tregohemi kaq te pakujdesshem.

    Përgjigju
    • Or tej: 19/09/2023 14:54

      Po cfare sekretesh paskemi ne or teeeejjjjj

  • Tersi: 19/09/2023 11:01

    Tallet me popullin që e vodhi palaçua!.

    Përgjigju
  • E verteta: 19/09/2023 10:40

    E kane shpallur ne kerkim nderkombetar kete qe hajdut apo tallen me njerezit keta? Do arestohet ky apo burgu eshte vetem per fukarenjte?

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03