Vrasja e Aleks Nikës më 21 janar përpara kryeministrisë po hetohet nga SPAK, e cila tashmë disponon edhe një provë, audio regjistrimin e komunikimit mes gardistëve ku jepet urdhër për të qëlluar në trup gjatë protestës.
Në ‘Studio Live’ juristët Kujtim Cakrani dhe Romeo Kara debatuan lidhur me hetimet e Prokurorisë së Posaçme. Cakrani shprehet për Arbër Hitajn se kjo ngjarja ka pasur hetime dhe gjykime, si pasojë nuk mund të ketë ridënim të personave pasi nuk e lejon kodi penal.
'Duhej ti nënshtrohet ekspertizës, kur është bërë si është bërë. Afatet proceduriale lidhen me veprën penale, çfarë akuze do ngrihet nga SPAK. Nëse ka shpërdorim detyre është parashkruar. Nëse vrasje me rrethana cilësuese nuk parashkruhet. Duhet pritur si do e mendojë SPAK nuk besoj se do ngrihet akuzë. Mungojnë elementët për akuzë. Kundër kujt do i ngresh akuzë. Ndrea Prendi është hetuar, gjykuar dhe dënuar. Nuk mund ti rihapet hetimit që ti rëndohet pozicioni.
Edhe sikur zëri të jetë i Berishës apo Bashës nuk i implikon dot. Garda mbron objektin dhe individët. Garda nuk merr urdhër nga askush.'
Ndërsa Kara mendon se kemi të bëjmë me një krim shtetëror, teksa nga ana tjetër serverat e kryeminsitrisë janë shkatërruar.
'Po nuk u rregulluan padrejtësitë e të kaluarës nuk entuziazmohet e ardhmja. Kemi krim shtetëror. Edhe konstatohet nga Gjykata e Strasburgut. Ndodhi ditën për diell. Aleks Nika nuk u vra në territorin ku mund të qëllonte garda. Është vrarë përballë kur mbaroi protesta. Nuk kishte arsye për shkatërrim provash. Serverat janë shkatërruar. Kemi provë të re dhe rihapet çështja nga e para. Rihetohen personat aty. Është dhënë një lloj orientimi. Prova duhet verifikuar. Nëse nuk do e kishim bërë kaq të madhe dhe bravo asaj familje që e ndoqi me fanatizëm.'
Sa për Berishën në atë kohë kryeministër, Kara thekson se nuk ka lënë njeri të qetë qoftë në shtet apo privat, pasi ka rrënuar këdo, ndër të cilët edhe atë vetë.
'A guxon njeri sot të përdori armë?! E drejta e protestës është shumë më e madhe se e drejta e Berishës për karrige. Kemi të bëjmë me një mendësi që karrigia ime nuk preket. Ka ënjtur në dru në 96 edhe ata që kishte ministra si Imami apo ata përballë si Edi Rama. Nuk ka lënë njeri në shtet apo privat të qetë. Kusur nuk i ka lënë. I ka rrënuar. Një nga ata persona jam unë. Ka qenë përballë meje. Edhe të tjerë. Mbolli diktaturë në demokraci. Bazohet tek vrasja e fjalës së lirë.'
Gishtin për këtë vrasje shtetërore ai e vë tek Berisha.
'Ne nuk kemi liri. Kërkojmë lirinë dhe demokracinë. Këta që vodhën dhe bënë kulla i dhanë të drejtë vetes se sollën liri dhe demokraci, ku e kanë lirinë. Morali nuk ka të bëjë me numrin e njerëzve. Trima pas pilafit dhe demokratë pas pilafit ka pasur shumë.'
Për mua gishti tani shkon drejt tek Berisha. Në vendimin e Strasburgut nuk mund të prevalojë mbrojtja e një prone mbi të drejtën e jetës. Do të vëmë drejtësi, është një vrasje shtetërore. Dhe të themi këtu ka shtet. Ka rregulla.'
Gazetari Fatos Mahmutaj zbuloi në Studio Live se në 21 janar ishte bërë plani për vrasjen e Paro Laçit ish gardistit të Berishës dhe ish presidentit të klubit Partizani.
Gjithashtu sipas gazetarit, do vritej edhe Edi Rama në atë kohë kryetar opozite, për shkak të djegies së dy makinave tek Piramida gjatë protestës së 21 janarit 2011, si shenjë hakmarrje.
'Më 21 janar do vritej Paro Laçi por shyqyr që shërbimi sekret e mori e nxori jashtë Tiranës. I tha Edi Rama nuk mund të mbajë mbi shpinë vrasjen tënde, se nuk po të vras unë.
Kemi rastin e djegies së makinave tek Piramida, dy prej tyre do vrisnin Edi Ramën për hakmarrje, për djegien e makinave, por i kapi prokuroria pas 2 muajsh.'
Avokati Kujtim Cakrani mendon se ish gardistët Ndrea Prendi dhe Agim Llupo janë gjykuar dhe dënuar një herë, prandaj nuk mund të ketë ridënim pasi nuk e lejon kodi i procedurës penale, rëndimin e pozicionit të një të dënuari.
Ndërsa Romeo Kara thekson se janë vrarë 4 bijë nënash, teksa u gjuajt ndaj njërit prej tyre kur po largohej për të dhënë mesazhin që pushteti i Berishës nuk preket.
Cakrani: Ai që ka qëlluar është dënuar. Qoftë Ndrea Prendi, qoftë Agim Llupo. Nuk e lejon kodi ta rihetojmë dhe të ridënohet. Ndrea Prendi e mori përsipër e ka kryer dënimin. Dhe zoti Llupo e ka marrë përsipër dhe është dënuar. Ka një gjykim, hetim dhe një dënim për këta. E trajtojmë sikur nuk janë dënuar. Ka qenë edhe drejtuesi i grupit të zjarrit që është kryetar bashkie. Janë bërë ca hetime, janë bërë ca dënime. Nuk ja rëndon më pozicionin nuk e lejon kushtetuta. Jam kundër rrymës jakobiniste ndaj kujto qoftë. Jam për shtetin e së drejtës. Të marri përgjegjësinë mbi bazën e shtetit të së drejtës.
Kara: Janë gjykuar në atë kohë për ato prova që janë gjendur. Dhe morën një dënim si fletë lavdërimi. Janë vrarë 4 bijë nënash. Ky i fundit ishte duke u tërhequr. Gjuajtje për mesazh që pushteti im nuk preket. Edhe ai gardisti kryetar bashkie, të marri dënimin. Edhe palët e tjera që organizuan protestën të marrin dënimin. Por kur Berisha thoshte 4 snajpera, edhe ajo do merret pjesë. Pse u frymëzuan këto njerëz. Duhet parë roli i çdo personi.
Gazetari Fatos Mahmutaj theksoi në Studio Live se garda i mori urdhrat me dru për të qëlluar në 21 janar në trupin e protestuesve. Kjo vërehet tek syri i nxirë i kreu të Gardës në atë kohë Ndrea Prendi, që u rrah nga shefi i shërbimit të Berishës.
'Garda i mori urdhra me dru. Ndrea Prendin i nxiu syrin shefi i sigurisë së Berishës. Ç’urdhra? Urdhra me dru. Jo me shkrim. Një vend ku nuk ka shtet, e rrahën me dru, i morën armën dhe qëlluan rob. Po të ishte ligjore me shkrim, do e zbatonte? Jo. Nuk qëlloi ai, qëlluan ata. Urdhri nuk e dha ai, e dha pasi hëngri dru. E prezantoi kryeministri të nesërmen si hero që e rrahën protestuesit, e rrahi ai. Shteti ekziston me ligje. Atje kishte dru, jo ligje. Kam qenë personi që kisha pozitë më të mirë nga kolegët e tjerë. Isha live duke transmetuar dhe kisha fushë pamje. Ishim sipër një platformë me 25-30 veta. Të gjithë përveç meje, ishin duke parë protestën nga një kënd më i lartë dhe duke bërë video.
Qytetarë protestues. U qëllua nga dy drejtime drejt njerëzve. Kam parë një gardist ku ndodhet hyrja e bodrumit e kryeministrisë. Më pasi ky doli Agim Llupo. E kishte të drejtuar në tokë, me një gju në tokë. Armën e kishte me grykë nga toka. Në një moment nga tarraca, nga këndi drejt nesh flaka e armëve po vinte drejt grupit ku isha unë. Ishte errësirë për momentin prej tymit. U bë si një lloj nxirje. Të dy këta persona qëlluan drejt turmës, ai nga sipër me pistoletë dhe poshtë Agim Llupo. Është e fiksuar në media.'
Avokatët Kujtim Cakrani dhe Romeo Kara debatuan ashpër në Studio Live lidhur me ngjarjet e 21 janarit dhe hetimet që ka rihapur SPAK.
Cakrani e sheh si jakobinizëm dhe gjyq popullor atë që po i bëhet kësaj ngjarjeje dhe Berishës.
Ndërsa Romeo Kara më pas ndërhyri, teksa debati kaloi edhe në histori personale.
Cakrani: Jakobinizmi në këtë vend ka vrarë njerëz.
Kara: Kush është jakobin?
Cakrani: Janë njerëzit që duan gjyqe popullore.
Kara: Gjyqet popullore janë amerikane me juri.
Cakrani: Nuk është të flasësh si do qejfi të vrasim atë të internojmë atë. 4 shkurti duhet të vriteshin 8400. E kam fituar luftën me historinë. Jam historia e Shqipërisë. Ju jeni historia e Erdoganit në Shqipëri. Dilni nesër kur të vijë Erdogani, dil protesto nëse je shqiptar. Mbroni Shqipërinë nga Erdoganizmi nesër. Je shqiptar i mirë, dil nesër. Mos bëj patriotizëm part time. Kur të do partia.
Kara: Ju jeni ballistët.
Cakrani: Ballistët ishin ajka e kombit.
Kara: Ishin me pula, pulaxhi.
Komente
Lajme të tjera
-
5 vite SPAK/ Romeo Kara në Report Tv: Berisha sfida kryesore! Jo heqje non gratash, por shpallje të reja! Shabani: Saliu e Meta të akuzuar se kanë porositur vrasje
20 Dhjetor, 19:19 -
Mbledhja e Kuvendeve Kosovë-Shqipëri, Kreshnik Çollaku: Ngjarje pozitive! Rama provokoi, bëri fushatë kundër Kurtit
20 Dhjetor, 17:44 -
Arlind Isa në 'Studio Live': Artan Grubi mund të jetë në Kosovë! Ilir Aliaj: Listat e non-gratave do shtohen! Këmbana për ata që duan të dëgjojnë në Shqipëri
19 Dhjetor, 19:07 -
Noka shtyu Shehajn në Kuvend/ Haklaj: Sherri, me urdhër të Ballukut! Islami: Këta zihen si qentë për kocka! Mërtiri: Ndodhi për koncesionarin, mik me Berishën
19 Dhjetor, 17:45 -
Studio Live/ Dosja 'Toyota Yaris', Petraj: Hetimet u mbyllën por nuk dihet origjina e parave! Softa: Ka mangësi, por besoj do kemi prova të reja
18 Dhjetor, 19:48 -
'Studio Live'/ Qefalia: Shqipëria me hapat e duhur për në BE! Po mendohet shërbimi i detyrueshëm ushtarak! Sidi Hasanaj: Non-gratat përfaqësojnë interesat pro-ruse
18 Dhjetor, 18:16 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
SHBA mesazh të prerë për Berishën/ Basha në 'Studio Live' tregon 2 grupet që i shkojnë pas kryetarit PD! Përpiqet të mashtrojë militantët, ndërkohë ka aleancë me Ramën
17 Dhjetor, 18:37 -
'Non-grata e Berishës e pakthyeshme', Ngjela: Shpresa te Trump, e kotë! Kërkon të mbaj përkrahësit e tij! Kur erdhi në '92 shkatërroi vendin me urdhër të Beogradit
17 Dhjetor, 17:31 -
Rishfaqja e Parashqevi Simakut, këngëtarja Qirjako për Report Tv: Shteti të ndërhyjë! Gjata në lot: Turp po e shfrytëzojnë! Duhen pensione dinjitoze për artistët
16 Dhjetor, 20:07 -
Kosova drejt zgjedhjeve të 9 shkurtit/ Deputeti i PDK: I gjithë kabineti i Kurtit në hetim nga Prokuroria Speciale! Diplomati: Vetëvendosja nuk ka kualitet në lista
16 Dhjetor, 19:17 -
Shorti i Botërorit/ Prodani në ‘Studio Live’: UEFA gaboi me shortin e Shqipërisë, s’duhet t’i kemi frikë! Serbia ‘armiku ynë’, shans për të bërë histori! Seitllari: Duka rrudhi buzët
13 Dhjetor, 20:30
Zoti Caktani! Sikur të ishte vrarë larg qoftë një familiar yti si dotë kishe reaguar ndaj këtyre vrasësve?
PërgjigjuBRAVO ROMEO, ATA JU NGJITËN OKUPATORIT SI MUTI PAS KËPUCËS.BALLISTËT JANË HËM FASHISTË E HËM NAZISTË QË HISTORIA E LUFTËS 2 BOTËRORE I ÇOVI NË GJYQIN E HAGËS.LE TË THOTË AI CAKRAN QENEFI NJË KËNGË QË PARAARDHËSIT E TIJ KËNDONIN NË FORMACIONET E TYRE DHE ËSHTË I LARË.
Përgjigju