Futja e një aparati celular brenda në ambientet e qelive të burgut 313 në Tiranë, ka krijuar një situatë përplasjeje institucionale mes Prokurorisë, Gjykatës, Drejtorisë së Përgjithshme të Burgjeve si dhe Drejtorit të burgut 313 në Tiranë. Kjo pasi dy ditë më parë gjyqtarja Migena Laska, që ishte caktuar për shqyrtimin e kërkesës së Drejtorit të Përgjithshëm të burgjeve, Agim Ismaili dhe prokurori i çështjen Ervin Karanxha, dolën kundër kërkesës së Ismailit, për izolimin në sistemin e regjimit të veçantë të pandehurve të dosjes 339, Hajri Seferit, Astrit Avdylit, Altin Avdylit, Saimir Gjepalit dhe një italiani Giovani Di Cosimo. Mirëpo edhe pse gjykata dhe prokuroria refuzuan miratimin e kërkesës së bërë nga drejtori Agim Ismaili, sot e kësaj dite mësohet se pesë emrat e mësipërm që prej datës 22 maj 2020 ndodhen në izolim të veçantë dhe nën hetim nga prokuroria për akuzën e “Futjes ose mbajtjes së sendeve të ndaluara në institucionin, e ekzekutimit të vendimeve me burgim".
Izolimi i këtyre personave, për futjen e aparatit të telefonit dhe një karikuesi në qelitë e 313-tës, është bërë që prej datës 22 maj dhe ky izolim do të vijojë deri në datën 10 qershor 2020, pra në total 20 ditë izolim. I vetmi që do të qëndrojë 11 ditë në izolim ka qenë italiani Di Casimo, i cili ditën e nesërme në 1 qershor del nga izolimi, pasi afati përfundimtar i tij për të qëndruar në izolim të veçantë është 31 maji. Kjo masë disiplinore për 5 personat është marrë nga drejtori i burgut 313 në Tiranë, i cili duke u nisur nga gjetja e telefonit gjatë ushtrimit të kontrollit nga ora 23:25 deri në 01:25 të natës, ka ndërmarrë këtë masë ndëshkimore për pesë personat e pandehur.
Por për të njëjtin fakt të telefonit dhe kundërshtim të policëve në qeli, një ditë më pas në datën 23 maj 2020, Drejtori i Përgjithshëm i Burgjeve Agim Ismaili, në orën 17:00 me 5 urdhra të ndryshëm, ka vendosur nën regjimin e mbikëqyrjes së veçantë për 3 muaj, Hajri Seferit, Astrit Avdylit, Altin Avdylit, Saimir Gjepalit dhe italianit Giovani Di Cosimo. Kjo kërkesë është rrëzuar nga gjykata dhe prokurori i çështjes por edhe nga avokatët, pasi sipas tyre 5 të pandehurit momentalisht ndodhen në izolim dhe sipas ligjit nuk mund t'i vendoset një tjetër masë disiplinore me izolim të veçantë. Gjykata dhe prokuroria është shprehur me parimin e çështjes së gjykuar, pasi në këtë rast thotë gjykata, për futjen e telefonit në qeli pesë personat janë ndëshkuar dhe momentalisht ndodhen të izoluar. "…nuk mundet dhe është e paligjshme, që për të njëjtin fakt, këta të pandehur të ndëshkohen dy herë me masa të ndryshme izolimi…", thotë prokurori i çështjes Ervin Karanxha.
I kontaktuar në telefon nga redaksia e "Shqiptarja.com", avokati i Astrit Avdylit, Baftjar Rusi, deklaroi se "…urdhrat e nxjerë nga Drejtori i Përgjithshëm i Burgjeve Agim Ismaili janë të nxituar dhe në kundërshtim të hapur me ligjin. Ismaili ka bërë interpretim të gabuar të ligjit, pasi për 5 personat ka pasur një vendim izolimi dhe sot e kësaj dite të pandehurit janë në izolim, pasi masa ndëshkimore është marrë në 22 Maj nga drejtori i burgut 313 në Tiranë…". Avokati Rusi më tej shtoi duke hedhur akuza të rënda ndaj drejtorit të burgjeve, Agim Ismaili, duke e akuzuar këtë të fundit se kishte kryer veprime të paligjshme, pasi dyshon se ka ndërhyrë tek gjyqtarja, Migena Laska, për të ndikuar në mënyrë të paligjshme dhe jo etike, me qëllim miratimin e 5 urdhrave të tij, për izolimin me 3 muaj të 5 të pandehurve.
"…kam të dhëna bindëse se një ditë para gjyqit, Drejtori i Përgjithshëm i Burgjeve Agim Ismaili, ka qenë në ambientet e gjykatës penale të Tiranës, ku ka takuar gjyqtaren e çështjes Migena Laska, me qëllim për të ndikuar dhe bindur atë për të miratuar urdhrat e tij. Unë këtë fakt e kam dhënë dhe gjatë zhvillimit të seancës gjyqësore, sepse kështu e kam informacionin. Që prej ditës së djeshme kam kërkuar pamjet filmike në gjykatë, për të vërtetuar prezencën e Ismailit në ambientet e gjykatës së Tiranës. Nëse arrij ta vërtetoj me pamje filmike këtë fakt, unë do depozitoj në ditët në vijim kallëzim penal në prokurorinë e posaçme SPAK, ndaj Agim Ismailit për akuzën e "Ushtrimit të ndikimit të paligjshëm tek gjyqtari".
Teksa mbetet për tu parë se çfarë nisme do ndërmarrin avokatët për këto akuza, nga ana tjetër Drejtori i përgjithshëm i Burgjeve Agim Ismaili, thotë se javën e ardhshme do apelojë vendimin e gjyqtares Migena Laska, duke kërkuar në Apel që 5 të pandehurit të futen në izolim të veçantë për 3 muaj dhe jo 20 ditë, siç ka vendosur drejtori i burgut 313 në Tiranë.
Komente
Lajme të tjera
-
GJKKO lë në fuqi 'arrestin me burg' për Astrit Avdylaj
1 Korrik, 12:45 -
Operacioni 'Revanshi' vijon/ SPAK e kërkonte, arrestohet në Shijak Astrit Avdylaj! Ndoka dhe Martinaj i kërkuan ndihmë për të vrarë Bamin
29 Qershor, 13:15 -
Megaoperacioni i SPAK/ Goditen 7 grupe kriminale! 50 urdhërarreste, 14 të ekzekutuara në Shqipëri, 6 jashtë! Sekuestrohen 4.5 mln prona, mes tyre gati 3 mln euro cash
18 Maj, 09:46 -
SPAK godet klanet kriminale, 43 urdhër arreste! Mes tyre për vëllezërit Duka, Avdylaj, Bami e Lul Berisha, ish drejtori i policisë Lezhë! Në kërkim ish-deputeti i PS, Arben Ndoka! (VIDEO)
17 Maj, 07:32 -
Lorenc Vangjeli: Letër nga ferri, të paraburgosurit leksion shoqërisë nga qelitë
14 Dhjetor 2023, 20:26
-
Laboratori i heroinës në Has, Apeli i GJKKO prish dënimin me 12 vite burg për Astrit Avdylin, rikthehet për gjykim! Ndryshim të vendimit edhe për 4 të tjerë
4 Prill 2023, 13:50 -
Dan Hutra i parehabilituar në burg, ekzaminimi që tregon se 40-vjeçari ishte i rrezikshëm kur doli! Specialistët: Nuk të jep besim! 2 muaj më pas i mori jetën 3 grave
5 Mars 2023, 22:12 -
‘Sytë e krimit' në Durrës, hiqen 47 kamera sigurie, 18 ‘pronë’ e Avdylajve në Shijak, 18 në Fushë-Krujë e Nikël! 8 nën hetim, mes tyre Plarent Dervishaj
27 Janar 2023, 09:50 -
Klejdis Çela emërohet drejtor i burgut 'Jordan Misja' në Tiranë
27 Dhjetor 2022, 11:14 -
Zhdukja e Martinajt, merret në pyetje Astrit Avdylaj: Nuk kam dijeni për të! S’kemi kontaktuar
25 Tetor 2022, 11:02
-
U mbaron afati, Emiljano Shullazi, Arbion Aliko dhe Genci Balla dalin nga regjimi i posaçëm i izolimit '41 Bis', kalon tek 313
2 Gusht 2022, 11:56 -
Dosja/ Kërcënohet me jetë ish drejtori i Burgut 313: Do të djeg ku të dhemb më shumë, gjaku yt do.... (ish zyrtari dhe familja e tij pa mbrojtje nga shteti)
4 Qershor 2022, 12:13
Migena Laska ka nje djale me nje eksponent te krimit ne tirane ne vitet 1998 - 2002. Nje gjyqtare qe punon per krimin e organizuar. Kontrollojeni e verifikojeni
Përgjigju