Basha: Situata e paprecedent, qeveria s'ka plan! Paketa e dytë ende nuk është zbardhur

Gjendjen në të cilën ndodhet vendi aktualisht, Lulzim Basha e cilësoi si të paprecedentë. "Familjet në nevojë duhet të kishin marrë jo një, por më shumë paketa ushqimore. Pranë opozitës përditë po rritet volumi i ankesave të qytetarëve pa përkrahje. Ditën e hënë u lancua paketa e dytë, por ende sot nuk kemi detaje. Përshëndes ndihmën për punonjësit e larguar nga pandemia. Por vonesa ka nxjerrë në pah një problem, duke qenë të vonuar në mbështetjen që duhet ti jepnin biznesit, tani në vend që të mbështesin mbajtjen hapur.

Beteja është me virusin dhe pasojat jo me njerëzit, virusi luftohet njerëzit ndihmohen, qeveria po lë përshtypjen sikur po lufton njerëzit, nuk po bën mjaftueshëm. Akoma nuk e dimë nëse qeveria ka një strategji për daljen nga karantina deri kur të dalë vaksina. Nëse ka ta publikojë. Ia kam kërkuar dhe ia përsëris qeverisë, që të rrisë urgjentisht ndihmën për njerëzit, të ndryshojë buxhetin, koha nuk pret. Dy paketat nuk janë të mjaftueshme, e para nuk është zbatuar, e dyta nuk është zbardhur. Sot dua të them qartë, situata është e paprecedent në raport me cdo vend tjetër të rajonit" tha Basha.

Lajmi kryesor:

Ndryshimet e Kodit Penal për COVID-in, Basha: S'janë të nevojshme përveç njërit, tre gjërat që do të bëja po të isha kryeministër (VIDEO)

TAG:
• lulzim basha
• voltana ademi
• koronavirusi ne shqiperi