Basha jep zgjidhjen: Votimi dhe numërimi elektronik, shmang shitblerjen e votës

Partia Demokratike kërkon votim dhe numërim elektronik, pasi vetëm në këtë mënyrë mund të sigurohet një votim i lirë dhe të shmanget shitblerja e votës. Gjatë konferencës 'live' me qytetarët në Facebook, që duhet theksuar ishte e montuar dhe nuk i përgjigjej në kohë reale pyetjeve të qytetarëve, Basha iu përgjigj disa pyetjeve ku një ndër to kishte të bënte pikërisht me sistemin zgjedhor.

Basha tha se "do të bëjë gjithçka që të realizohet votimi dhe numërimi elektronik. Votimi elektronik dhe numërimi elektronik janë prioritetet e Partisë Demokratike dhe opozitës së bashkuar në tryezën e Reformës Zgjedhore. Janë një nga pikat e programit të punës. Ne kemi parë në dhjetor se si mund të ndërtohet një sistem për votimin elektronik relativisht brenda një kohe të shkurtër, një sistem i thjeshtë, i cili mund të mos e eliminojë, por do ta bëjë shumë më të vështirë procesin e shitblerjes së votës apo të identifikimit të mënyrës se si kanë votuar zgjedhësit. Pra do ta bëjë shumë më të lehtë për qytetarët që ta shprehin vullnetin e tyre pa u ndikuar nga paratë e pista apo nga krimi'.

Lajmi kryesor:

Basha gënjen qytetarët! E shet si 'live' videon me militantët e PD-së, por del zbuluar

G.M./Shqiptarja.com

TAG:
• lulzim basha