Basha: Mbi 2500 teste në ditë, të rimbursohen të prekurit me COVID që s'janë të shtruar në spital! Bonus për të gjithë mjekët për 6 muajt e ardhshëm

Një nga pikat kryesore të planit të rimëkëmbjes së PD-ë është mbështetje dhe përgatitje e sistemit shëndetësor, teksa kryedemkrati Lulzim Basha u ndal të analizonte të gjitha pika.  

"Përgjigja që ne do t'i jepnim situatës nëse sot do të ishim në drejtimin e vendit dhe është oferta që i bëjmë qeverisë që të lërë propagandën dhe të bëjë detyrën dhe në tërësi sigurisë së shqiptarëve. Plani përbëhet nga këto drejtime, mbështetje dhe përgatitje e sistemit shëndetësor, për një valë të dytë i cili është hartuar nga specialistët më të mirë. Një plan i detajuar, rritje të numrit të testimeve, 2500 testime në ditë. Çdo i sëmurë me COVID , që nuk shtrohet, ka një kosto minimale 600 mijë lekësh për trajtimin, duhet rimbursim. Sigurimi i pajisjeve mbrojtëse për personelin dhe të kapaciteteve spitalore. Pika tjetër është me bonusin e premtuar nga kjo qeveri, 1000 euro për mjekët dhe 500 euro për infermierët për 6 muajt e ardhshëm për të gjithë", tha Basha.

Lajmi kryesor:

Pandemia/ Basha: Paketë anti-COVID me 5 pika, kushton 312 milionë € për 6 muaj! Të merren nga anulimi i tenderave korruptiv

B.K./r.k./Shqiptarja.com

TAG:
• lulzim basha
• koronavirusi ne shqiperi