Basha: Në Kukës jetojnë vetëm 1/3 e popullsisë! Rama nuk ka ndërtuar asnjë km rrugë, nuk mund të krahasohet me ne

Basha gjithashtu kishte dhe një përgjigje për deklaratën e kryeministrit Rama nga Kukësi mëngjesin e sotëm (31 tetor). Ai tha se në Kukës jetojnë vetëm 1/3 e banorëve ndërkohë që pjesa tjetër është larguar. Basha deklaroi se Rama, i cili nuk ka ndërtuar asnjë kilometër rrugë, nuk mund të bëjë krahasim me qeverinë e vjetër.

"Sot në Kukës jetojnë 1/3 e banorëve që kishte qyteti kur Edi Rama erdhi në pushtet. 2/3 e kuksianëve janë detyruar të ikin nga vendi prej diskriminimit që u ka bërë Edi Rama në 7 vite. Ka premtuar 300 mijë vende pune, ka larguar 500 mijë shqiptarë nga vendi. Shqiptarët e dinë se kanë përballë një gënjeshtar kronik, që u ka kushtuar qytetarëve shumë jetë. Lëviz nëpër Shqipëri si pushtues, i pasigurtë nga shqiptarët. Një njeri që për 8 vite nuk ndërtoi asnjë km rrugë nuk ka cipën që të krahasohet me rrugët e bëra në të shkuarën. Ai përpiqet të largojë vëmendjen e asaj që do të vijë më 25 prill. Është njeriu që vazhdon të vjedhë. Nuk i ka mbetur asgjë tjetër veçse të gënjejë dhe të shpifë në prag të largimit.

E gjithë kjo sjellje e tij, ka vetëm një qëllim të mos japë përgjigje për pyetjet që shtrova në këtë konferencën për shtyp. I arratiset pyetjeve nga Kukësi e në Bejrut. po mundohet të gjejë një vrimë ku të fusë kokën e të mos japë llogari para shqiptarëve që i ka lënë në mëshirë të fatit. Më 25 prill kjo do marrë fund. Do hetohet dhe korrupsioni me rindërtimin. Nëse nuk do kishin pasur fokus vjedhjen, shumica e dëmeve do ishin riparuar.  Nëse ka një shpresë që rindërtimi të bëhet siç duhet është largimi i Ramës më 25 prill. Hajdutët e rindërtimit të vihen para drejtësisë. Do i ndjekim hap pas hapi”, deklaroi Basha" - tha Basha.

Lajmi kryesor:

‘Rrugë të lëna rrugëve’, Basha: Rama i frikësuar, fshihet pas thashethemeve pa vlerë! Nuk mund të krahasohet me ne

E.M./Shqiptarja.com

TAG:
• lulzim basha