Basha piknik me të rinjtë në Elbasan: Më pret skuqja e salsiçeve, në videon në Instagram po skuqja mëlçi pule (VIDEO)

Kreu i PD-së, Lulzim Basha, ishte sot në Elbasan, në një piknik me të rinjtë. Gjatë fjalë së tij para tyre, Basha tha se sot e priste një detyrë e veçantë "skuqja e salsiçeve", për të cilat tha se nuk ja ka marrë shumë dorën, pasi në videon që bashkëshortja i postoi duke gatuar, ka qenë duke skuqur mëlçi pule.

"Prandaj pa e zgjat shumë, se kemi ardhur për pikinik dhe më presin detyra të veçanta, siç është skuqja e salsiçeve në zgarë, jo nuk ja kam marrë dorën se nuk kam qenë duke skuqur salsiçe atë ditë, kam qenë duke skuqur mëlçi pule", tha Basha.

Mes të tjerash ai i kërkoi votën të rinjve, duke i premtuar arsimim cilësor dhe punësim.

"Unë ju siguroj se shumë shpejt rinia shqiptare do të ketë të njëjtën përgatitje si ajo europiane dhe do të jenë gati për tregun e punës. Po ju them se gjërat mund të ndryshojnë dhe ju jap garancinë time personale se mund të ndryshojnë. Ju do të keni të gjitha mundësitë të punësoheni në një ekonomi që do të zgjohet nga letargjia 8 - vjeçare. Deri më 25 prill kam nevojë për ndihmën tuaj, energjinë tuaj dhe besimin tuaj. Ndryshimi po vjen", shtoi Basha.

Lajmi kryesor:

Prapë pa maska e pa distancim social, Basha mbledh dhjetëra të rinj në Elbasan: Do arsimoheni si të rinjtë në Europë (VIDEO)

B.K./b.ha./Shqiptarja.com

TAG:
• lulzim basha
• Fushate elektorale
• masat anticovid
• zgjedhjet parlamentare 2021