Basha: Reja më ekspert se Panucci. Partizani? Nuk mund të them asgjë, kam edhe 1 vit kontratë

Prej ditës së hënë në Durrës po stërvitet një pjesë e futbollistëve të kombëtares shqiptare për dy ndeshjet e qershorit me Islandën dhe Moldavinë. Në pritje të listës zyrtare që do të shpallet të hënën, sot për herë të parë kanë dalë në konferencë për shtyp dy futbollistët e kombëtares Migjen Basha dhe Kastriot Dermaku.

Mesfushori Basha fillimisht tregoi për përgatitjet e zhvilluara gjatë kësaj jave duke thënë se lojtarët janë stërvitur vetëm fizikisht, pasi grupi nuk është i plotë. Më pas ai ka treguar për ndryshimet mes Panuccit dhe Rejas, i cili për herë të parë po stërvit kombëtaren gjatë kësaj jave.

“Reja ka më shumë eksperiencë, shikohet që raporti me lojtarët është më ndryshe. Pastaj për pjesët e tjera të shohim në javët e ardhshëm. 

Basha më pas komentoi edhe zërat që e shohin  te Partizani për ndeshjet që ekipi kampion i Shqipërisë do të luajë në Kupat e Europës.

“Çdo lojtar ka qejf të luajë në Champions, por nuk mundem që unë të jem pjesë e Partizanit kur kam kontratë me Arisin. Nuk mundem të them diçka më shumë.”

Ndërkohë mbrojtësi Dermaku fillimisht deklaroi se shpreson që të ketë minuta në dy ndeshjet e radhës, ndërsa më pas zbuloi diçka edhe në aspaktin personal.

“Kam biseduar me disa ekipe në Serinë A me menaxherin tim. Kontrata ime përfundon tani dhe do të shkoj në Serinë A.”

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Nedim Bajrami objektivi i klubit surprizë të Serie A, drejtori e ndjek në stadium

Nedim Bajrami objektivi i klubit surprizë të Serie A, drejtori e ndjek në stadium