Basha ultimatum Ramës: Shkulu nga 'Instagrami' dhe merr masa kundër Covid! Mos fabriko kauza se s'futem në lojën tënde (VIDEO)

Kreu demokrat Lulzim Basha i ka dhënë ultimatum kryeministrit Edi Rama duke i thënë të heqë dorë nga lajmet sipas tij të fabrikuara dhe të qëndrojë në rolin që i takon duke marrë masa të tjera për mbajtjen e situatës së Covid në kontroll.

"Të gjithë po shkojnë drejt mbytjes drejt falimentit. Ku i gjejnë paratë për të bërë paketë të tretë vendet e tjera, per shembull Maqedonia e Veriut.

Unë e di se çfarë stresi po kalojnë mjekët tanë. Një infermier për 15 pacientë. Të kujdesemi për ta e ti mbrojmë. Për të gjitha këto vendimet i merr qeveria. Unë ditë për ditë kam kërkuar që vëmendja të jetë te pandemia. Ata po mundohen me çdo kusht që ta heqin vëmendjen nga pandemia.

Kjo po u kushton jetë njerëzish. Kam refuzuar dhe do të refuzoj të futem në atë lojë. Më shqetëson jashtë mase gjendja e një kryeministri që refuzon të shohë realitetin. Ti vërë gishtin kokës. Smund të fshihesh dhe as të bësh sikur nuk ekziston apo të krijosh e fabrikosh vetëm e vetëm për të mos bërë detyrën. Unë sot e ftoj të ngrihet në nivelin e detyrës që mban.

Ai se ka humbur kontrollin ndaj pandemisë. I kërkoj urgjentish të shkulet nga ekranet, nga instagrami dhe të bëjë atë që i kërkon ligji dhe që i kërkon detyre. Ju jap fjalën se do të vazhdoj ta bëj ditë për ditë. E di se e keni shumë më të vështrië se kolegët tuaj në vende të tjera por edhe ia keni dalë. Por e vërteta prap se prap ka dalë në pah. Lutem për shëndetin tuaj, u kërkoj të keni kujdes. E keni parë që unë e mbaj maskën e bëj për tu dhënë një mesazh edhe qytetarëve e për tu thënë se kjo nuk është një lojë, por edhe për tu mbrojtur ju. Të marrë masa për të mbrojtur jetën dhe shëndetin e njerëzve, ska gjë më të çmuar, është detyra e parë e një qeverie është arsyeja e ekzistencës së tyre", thotë Basha


Lajmi kryesor:

Basha- Ramës: Mos fabriko kauza se s'futem në lojën tënde! Kam anëtarë të familjes të shtruar te spitalet Covid, shkulu nga Instagrami e merr urgjentisht masa


/b.ha./Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Dy humbjet në miqësore, Kombëtarja humbet pozicione në FIFA! Rivalët në Euro 2024 në 'top 10'

Dy humbjet në miqësore, Kombëtarja humbet pozicione në FIFA! Rivalët në Euro 2024 në 'top 10'