Bashkitë po mbledhin më shumë para këtë vit se në 2023-shin, ndikuar edhe prej ecurisë pozitive të turizmit, shtimit të ndërtimeve apo edhe prej mbledhjes më shumë të tarifave vendore.
Për këtë arsye në rishikimin e fundit të buxhetit të shtetit, janë rritur pritshmëritë për të ardhurat e pushtetit vendor me 8 miliardë lekë. Po kaq planifikohet të rriten edhe shpenzimet. Në total deri në fund të vitit 61 bashkitë e vendit do të mbledhin 79.3 miliardë lekë, nga 71.3 miliardë lekë që ishte parashikimi i mëparshëm. Po në këto vlera janë edhe shpenzimet.
Nga janari në korrik të ardhurat nga pushteti vendor janë 24.5 miliardë lekë dhe, krahasuar me 7-mujorin 2023 janë +7.3 miliardë lekë ose 42.5% më shumë.
Ndërkohë mënyra se si do të shpërndahet buxheti për bashkitë vitin e ardhshëm pritet të ndryshojë dhe të përshtatet me të dhënat e reja të censit të popullsisë dhe banesave. Për këtë është ngritur grupi i punës mes Ministrisë së Financave dhe asaj të Pushtetit vendor, që do të synojë rishikimin e formulës për transfertën e pakushtëzuar.
Shtysë për këtë janë të dhënat e reja të popullsisë, ku rezulton se 11 qarqe përveç Tiranës janë me rënie të fortë të popullsisë, ndërkohë 15 bashki numërojnë më pak se 10 mijë banorë (Pustec, Libohovë, Këlcyrë, Fushë-Arrëz, Konispol, Delvinë, Pukë, Memaliaj, Tepelenë, Kolonjë, Përmet, Dropull, Himarë, Poliçan dhe Selenicë).
Ndërkohë që vetë shpërndarja e buxhetit për bashkitë bazohet tek treguesit e numrit të popullsisë, dendësisë së popullsisë dhe numrit të nxënësve. Në formulën e re të ndarjes së buxhetit që qeveria po diskuton, pritet të përfshihet edhe dhënia e granteve në bazë të performancës së bashkisë.
Për këtë viti transferta e pakushtëzuar që i është shpërndarë bashkive është 36.5 miliardë lekë, dhe brenda kësaj vlere është përfshirë edhe kostoja për rritjen e pagave.
BUXHETI I PUSHTETIT VENDOR
TË ARDHURAT SHPENZIMET
Ishin 71.377 mln lekë 71.377 mln lekë
Bëhen 79.377 mln lekë 79.377 mln lekë
Rritja +8 mld lekë +8 mld lekë
G.M./SI.E./Shqiptarja.com
Sondazhi i ditës:
Ervin Salianji dënohet me 1 vit burg për kallëzim të rremë, si e vlerësoni?
-
Të drejtë
75.2%
-
Të gabuar
19.7%
-
Nuk e di
5.1%
Vota total: 2602
Votat totale janë unike
Lajme të tjera
-
“Hallet e vjetra” bashkojnë të majtë e të djathtë, kryebashkiakët: Plehrat e ujëra të zeza ‘sfidë’ për turizmin
25 Shtator, 15:57
-
Shteti mbledh 10 milion euro nga taksa e karburantit! Në 8 muaj u furnizuan 450 jahte, 13 kroçera në portin e Durrësit
19 Shtator, 15:19
-
Rënia e euros godet buxhetin, 112 mln euro dëmi në 7 muaj, por ka tkurrur edhe borxhin me 5.4% në 3 vite
9 Shtator, 20:27
-
Detyrimet e papaguara/ 4 bashki thellojnë borxhin! Kavaja rekord, arrin në 818 mln lekë
29 Korrik, 17:16
-
Në 2023, bashkitë fituan 4 mln euro nga taksa e hoteleve! Rriten të ardhurat, por vetëm 1/3 e turistëve regjistrohen
14 Qershor, 16:46
-
Buxheti i shtetit arkëtoi mbi 2.2 mld euro 4-mujorin e parë të 2024-s, përmirësohen dhe investimet
17 Maj, 15:07
-
Formulë e re/ Buxhet sipas censit dhe performancës, Ministria e Financave rishikim mënyrës së shpërndarjes së fondeve të bashkive
6 Maj, 14:51
-
Në tre muaj 328 mln euro të ardhura më shumë se shpenzimet, brenda vitit paketë e re mbështetjeje për shtresat në nevojë
1 Maj, 15:52
-
Edhe 5 ditë afat, mbi 73 mijë persona duhet të dorëzojnë DIVA-n! Tatimet për Report TV: Vjet ishin mbi 49 mijë individë në më shumë se 1 punë
25 Prill, 15:55
-
Në 3 muaj 1.6 mld euro në arkën e shtetit, por bien fitimet e biznesit! ‘Financat’: Shpenzimet publike 1.2 mld €
23 Prill, 16:59
-
Bashkitë rrisin borxhet me 291 mln lekë! Nuk paguan investimet as shërbimet! Vora e Kavaja në vështirësi financiare
27 Shkurt, 18:08
-
Ministria e Financave do kontrollojë bashkitë të ‘lajnë’ borxhet, monitorim nga një mbikëqyrës! Në ‘lupë’ tenderat
26 Janar, 16:26