POP 5

Lajmet më të lexuara të 5 minutave të fundit

Politikë

BE pritet të hapë negociatat për Shqipërinë më 15 tetor, Hasani: I kemi bërë detyrat! Ministri: Vota e diasporës në zgjedhjet e 2025 garantohet nga vendi i tyre pritës

Shqipëria ka mbërritur në orët e fundit për çeljen e negociatave me Komisionin Europian që pritet të bëhen në konferencën ndërqeveritare Shqipëri - BE që do të mbahet më 15 tetor. 

Shqipëria ka mbërritur në orët e fundit për çeljen e negociatave me Komisionin Europian që pritet të bëhen në konferencën ndërqeveritare Shqipëri - BE që do të mbahet më 15 tetor. 

 “Kemi mbërritur në orët e fundit për çeljen e negociatave me Komisionin Europian për kapitujt e parë për anëtarësimin e vendit tonë në BE, një hap më tej i njohjes së seriozitetit të reformave dhe angazhimeve tona për këtë proces jetik të Shqipërisë dhe për të gjithë shqiptarët kudo që jetojnë e punojnë, dhe falë jush këto realitete po bëhen gjithnjë e më të prekshme” tha ministri në Samitin e V të Gruas Shqiptare të Diasporës mbajtur sot në Tiranë

Ndërkohë në një prononcim për Top Channel ai tha se Shqipëria i ka bërë detyrat. 

“Shqipëria shkon e mirëorganizuar, e qartë në atë që përfaqëson dhe e bindur që ka kryer të gjitha detyrimet e veta. E gjithë përpjekja është e gjithë qeverisë që ne të vazhdojmë punën që kemi arritur deri sot. Do kërkojmë hapjen e kapitujve. Ky është momenti më i rëndësishëm  marrëdhënies së Shqipërisë me BE”, u shpreh ai.

Ministri për Evropën dhe Punët e Jashtme, Igli Hasani, në fjalën e tij në këtë samit dha dhe lajmin se zgjedhjet e pranverës së ardhshme vota e diasporës do të garantohet nga vendi i tyre pritës.

“Një lajm i mirë është që në zgjedhjet e pranverës së ardhshme, vota e anëtarëve të Diasporës do të garantohet nga vendi i tyre pritës, duke bërë të mundur një të drejtë kushtetuese, por dhe një kërkesë të vazhdueshme nga diaspora jonë. Vota e diasporës është një moment historik dhe një “borxh” që u kthehet shqiptarëve që jetojnë jashtë”- u shpreh ministri Hasani.

Gjatë fjalimit të tij në Samitin e Gruas Shqiptare, ministri Hasani vuri theksin te krijimi i Regjistrit të Diasporës së Kualifikuar dhe zbatimi i programeve kombëtare dhe atyre të përbashkëta me institucione ndërkombëtare.

"Tërheqja e anëtarëve të kualifikuar të diasporës është një nga sfidat më të rëndësishme për Ministrinë për Evropën dhe Punët e Jashtme dhe strukturat e saj. Me kënaqësi konstatoj se këtij regjistri i shtohet edhe ky rrjet i Gruas së Diasporës Shqiptare." shtoi ai

Samiti i V i Gruas së Diasporës, organizuar nga Ministria për Evropën dhe Punët e Jashtme, Agjencia Kombëtare e Diasporës dhe Dhoma e Biznesit të Diasporës, mblodhi për të pestin vit radhazi në Tiranë përfaqësuese të diasporës nga mbarë bota. Samiti u mbajt nën moton "Leading the Ëay to the European Union," duke theksuar rolin udhëheqës të grave shqiptare në përparimin drejt integrimit në Bashkimin Europian.

S.G/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • A...Zh: 11/10/2024 14:04

    Me 15 korrik? Mos eshte me 15 tetor!

    Përgjigju
  • asolingo: 11/10/2024 13:38

    Nje vrime ne uje keni bere po nejse...

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Gjermani/ Sulmi në tregun e Krishtlindjeve, mes viktima është një fëmijë 9 vjeç! 41 nga 205 të plagosurit janë në gjendje të rëndë

Gjermani/ Sulmi në tregun e Krishtlindjeve, mes viktima është një fëmijë 9 vjeç! 41 nga 205 të plagosurit janë në gjendje të rëndë

21 Dhjetor, 18:08