Berisha injoron thirrjet e ambasadës së SHBA e BE-së! Nuk heq dorë nga aktet e dhunës: Deputetët nuk tuten! Nxit dhe anëtarët demokratë të këshillave vendorë në mosbindje civile

Kryetari i PD-së injoron thirrjen e SHBA dhe BE-së për të ndalur përshkallëzimin e situatës në vend në një kohë që Shqipëria është shumë pranë integrimit në BE.

“Deputetët as nuk tuten as frikësohen. Jemi të vendosur ta cojmë përpara. Ftoj demokratët, strukturat e PD-së, këshilltarët dhe drejtuesit e saj të vijojmë betejën e nisur gjer në rikthimin e votës së lirë të shqiptarëve. Një kauzë e drejtë duhet të mbrohet me çdo çmim. Mbrotja e së vërtetës kërkon dhimbje e sakrifica por triumfi I saj është triumfi i njeriut të lirë.” tha sot Berisha.

Ish kryeministri Sali Berisha i marrë i pandehur nga SPAK për korrupsion pasiv për aferën e privatizimit të ish kompleksit Partizani, akuzë për të cilën Berisha ndodhet nën masën e sigurisë 'arrest shtëpie'. Nga shtëpia përmes një videkonference i bëri thirrje anëtarëve të këshillave lokalë të bëjnë gjithcka në kuadër të mosbindjes civile.

“I bëj thirrje deputetëve të parlamenteve lokale të bëjnë gjithçka për mosbindje civile për ti shkurtuar ditët regjimit. Të gjithë drejtuesit lokalë dhe qëndrorë të PD-së të dalin në ballë të revoltave dhe mosbindjes civile në të 4 anët e vendit tu faktojmë shqiptarëe dhe botës se diktatura në Shqipëri i ka ditët e shkurtra' tha Berisha në një konferencë me videcall që realizon nga shtëpia pasi ndodhet i paraburgosur për akuzën e korrupsionit pasiv.

Aktet e dhunës dje në Kuvend nga deputetët e opozitës janë në një linjë me politikën e Berishës të cilat i justifikon si të duhurat, pavarësisht apelit të ambasadës amerikane dhe të BE-së të cilat shprehën shqetësimin dhe keqardhjen

"Ajo që keni parë dje në parlament është pjesë e qëndrimeve të PD-së. E vërteta është që kurrë jashtë zgjedhjeve të lira Shqipëria nuk do të ketë paqe dhe stabilitet. Drejtësia është shndërruar në një zyrë të PS-së"  tha Berisha. 

Berisha përmendi dhe propozimin e bërë publik dje nga Paloka për ngritjen nga  parlamenti të Komisionit të së Vërtetës, ku sipas tyre do të hetohen dhe bëhen publike lidhjet e politikës dhe zyrtarëve me krimin.

“Garantoj partnerët ndërkombëtarë se ka vetëm një zgjidhje për ti dhënë përgjigjen e plotë atij everesti të zi të lidhjeve të tmershme me krimin nga Edi Rama e poshtë të këtij shteti dhe kjo është një truth komision, ( Shënim: Berisha e thotë në anglisht, në shqip është komisioni I së vërtetës) me prani edhe të përfaqësuesve partnerëve ndërkombëtarë. Me një komision të vërtetës do të presim lidhjet nga kthetrat e tmerrshme të krimit. Komision I së vërtetës në parlament e kudo”

 Çfarë do të ndodhë më 7 shtator po më pas?

Veprim, veprim, veprim... Nuk mund të them të përjavshme apo të përditshme, por të vazhdueshme gjer në rikthimin e votës së lirë, qeverisë teknike' tha Berisha

Në një moment Berisha sulmoi dhe Vangjel Tavon i cil dje u betua si kryetar i bashkisë së Himarës

Dje u betua hajduti I mandatit të Himarës, Tavo. Dje një mafioz u emërua në Himarë në një kohë kur qytetarët e Himarës e votuan kundër vetëm për të mbështetur vjedhjen e pronave nga Edi Rama dhe organizata kriminale e tij.

Lajmi ne përditësim... 

S.G/Shqiptarja.com

TAG:
• spak heton partizanin
• PD kaos ne kuvend
• komisioni i se vertetes
• sali berisha