Kreu i grupit parlamentar të Partisë Socialiste, Taulant Balla ka postuar videon nga Asambleja Parlamentare e Këshillit të Evropës ku kryetarit të PD-së Sali Berisha, i është fikur mikrofoni.

Drejtuesja e seancës mbyll mikrofonin teksa Berisha akuzonte se Shqipëria është kthyer në një narkoshtet. 

Balla shkruan se Berisha është mësuar në Kuvendin e Shqipërisë që vjell vrer pa fund, ndërsa në KiE koha është strikt. Të njëjtat rregulla, shkruan Balla, do të integrohen dhe në parlamentin tonë.

Ndërkohë Balla nuk e anashkaloi faktin që Berisha ka shkuar në KiE duke i marrë vendin Albana Vokshit.

“Bufi është mësuar që përroin psiqik ta zbrazë për minuta pafund në foltoren e Kuvendit. Ndërkohë që në Asamblenë Parlamentare apo parlamentet e Europës koha është 1-2 minuta. Shikojeni si ja ndërpret fjalën drejtuesja e seancës. Nuk po komentoj edhe faktin që ka shkuar atje fshehurazi. Është koha që këto rregulla t’i kemi edhe në Kuvend. E paimagjinueshme në Europë diskutime 10 minuta”, shkruan Balla në postimin e tij.


Lajmi kryesor:

VIDEO/ Berisha shkon të denoncojë ‘narkoshtetin’ e Ramës, por i ndërpritet fjala në KiE! Albana Vokshi ‘në panik’