Elvis Vladi është dënuar nga Gjykata e Tiranës me 1 vit e 6 muaj burg për gjetjen e 3.4 milionë euro në Portin e Durrësit brenda një makine "Toyota Yaris" në 2018. Për shkak të pranimit të gjykimit të shkurtuar, Vladi do të bëjë vetëm 1 vit burg. Çështja e nisur me bujë të madhe, ajo e 'Toyota Yaris' është sfumuar në gjykim, ku Elvis Vladi u dënua për veprat e mosdeklarimit të hollash, ndërkohë që akuza fillestare ka qenë “pastrim parash në kuadër të grupit të strukturuar kriminal”.
Kujtojmë se kjo çështje në fillim u përdor si një 'kal beteje' nga opozita shqiptare për të akuzuar ashpër kryetarin e Grupit Parlamentar të Partisë Socialiste, Taulant Balla.
Por i rrezikuar për t'u marrë i pandehur si dekonspirues i operacionit, Kryetari i PD-së, Lulzim Basha, u paraqit më datë 25 korrik 2019 për të dhënë shpjegime përpara prokurorit. Ai bëri një denoncim në një fjalë në Kuvend, dy ditë para se të bllokoheshin në portin e Durrësit automjetet që vinin nga Belgjika, në të cilat ishte fshehur shuma prej 3.4 milionë eurosh.
Taulant Balla e paditi Lulzim Bashën për shpifje, lidhur me deklaratat që ky i fundit bëri në Kuvend se shuma e 3.4 milionë eurove e zbuluar ne dy makinat ‘Toyota Yaris’ i përkiste kreut te grupit socialist. Lulzim Basha u dënua nga gjykata me 50 mijë lekë gjobë për shpifje ndaj Taulant Ballës.
Si u zbuluan 3.4 euro brenda makinë "Toyto Yaris
Mbrëmjen e 24 qershorit 2018, policia shqiptare sekuestroi rreth 3,4 milionë euro të fshehur në dy makina tip “Toyota Yaris” në portin e Durrësit. Makinat u gjetën në një karoatrec në tragetin që vinte nga Bari në Durrës. Së bashku me dy makinat me para, në trailerin që i përkiste një kompania shqiptare transporti, kishte dhe 8 makina të tjera. Itenerari i makinave ka qenë Belgjikë-Gjermani-Itali-Shqipëri.
Menjëherë në vendngjarje policia arrestoi pronarin e kompanisë së transportit Edi Lika, Klevis Lika, djalin e pronarit të kompanisë, dhe shoferin e kamionit, Agim Çeku.Një ditë më pas, më 25 qershor, policia arrestoi Alban Mollaymerin, biznesmenin që ka porositur makinat nga Belgjika.
Policia shpalli në kërkim dy vëllezërit Elvis dhe Alfred Vladin, që dyshohet se ishin personat që do të merrnin paratë. Megjithatë policia nuk ka treguar informacion të plotë rreth rolit konkret të dy vëllezërve Vladi në këtë çështje.
Më 21 qershor, pasdite, burime vendase njoftuan Policinë e Shtetit për një ngarkesë me karoatrec që do të sillte disa mjete tip ‘Toyota’, e cila pritej të vinte nga Belgjika, e mes tyre ishte një mjet me sasi eurosh të padeklaruara. Në datë 24 qershor, në orën 07:30, makinat mbërritën në portin e Durrësit që u kapën nga policia
Paratë e sekuestruara në makinën 'Toyota Yaris'
Lajme të tjera
-
'Ndërhyri në dosjen e 'Toyota Yaris dhe në hetimin pasuror të Suel Çelës!' Ja pse u arrestua kryeprokurori i Vlorës! Aurel Zarka me 4 llogari Sky Ecc
30 Korrik, 11:30
-
Bisedat në Sky ECC/ Pushimi i hetimit për 3.4 milionë eurot e gjetura në Toyota Yaris çoi në pranga kryeprokurorin e Vlorës, gati dosje e re për 'Metamorfozën'
30 Korrik, 07:30 -
Avokati i arrestuar me kryeprokurorin e Vlorës Zarka mbrojti kushërinjtë Vladi në dosjen e ‘Toyota Yaris'
29 Korrik, 15:42 -
Apeli i GJKKO konfiskon 3.4 mln eurot e ‘Toyota Yaris’, i kalojnë shtetit
24 Maj 2022, 15:13 -
Dy orë rresht para prokurorëve belg për 'Toyota Yaris', zbardhet dëshmia e Lulzim Bashës, zbulohet se kush i dha informacionin
1 Mars 2022, 12:49 -
Ish prokurori Eugen Beci për Report TV: Pyetja e vetme që prokurorët belgë i bënë Bashës
14 Shkurt 2022, 18:16 -
'Toyota Yaris', Balla: Basha po 'korr atë që mbolli', sot është në listën e të dyshuarve, pyesni autoritetet belge! U 'dogj' nga leksionet e Berishës
14 Shkurt 2022, 11:31 -
Dosja 'Toyota Yaris', Berisha akuza Bashës: U thirr për bashkëpunim me një organizatë kriminale, por prokurorëve belg i dha një variant tjetër! PD: 'Non grata' një gënjeshtar ordiner
11 Shkurt 2022, 18:58 -
Analisti Andoni në 'Kontrast': E kaluara do i sjellë probleme Bashës! Në Grupin e Rithemelimit janë shumë të paqartë, Berisha është i vetmi i mbytur që ‘bërtet’
11 Shkurt 2022, 18:34 -
Dosja ‘Toyota Yaris’, eksperti i kriminalistikës për Report Tv: Basha nuk mban përgjegjësi penale për deklaratat në Kuvend! Drejtësia belge do t’i shkojë deri në fund kësaj historie
11 Shkurt 2022, 14:13 -
Hetimet për 'Toyota Yaris', prokurorët belgë ikin sot nga Shqipëria! Basha nuk u tregoi se kush e informoi për 3.4 mln eurot që po vinin në Shqipëri
11 Shkurt 2022, 10:09
-
Kreu i PD para prokurorëve belgë, debati në Repolitix! Kulluri: Seanca e pyetjeve mund të jetë ndërprerë se hetuesit janë ndier të fyer nga Basha
10 Shkurt 2022, 21:39
