Champions League vijoi këtë të mërkurë me ditën e dytë në raundin e parë me formatin e ri. Duke nisur nga ora 18:45 u zhvilluan dy takime. Në Itali, Bologna dhe Shakhtar barazuan 0-0, ndërsa Sparta e Pragës mposhti 3-0 Salzburgun dhe një nga golat u shënua nga Qazim Laçi. Ndeshja më e rëndësishme e mbrëmjes u luajt në "Etihad", aty ku Manchester City dhe Inter barazuan 0-0. Tri pikë për Celtic,PSG dhe Dortmund.
Në "Renato Dall'Ara" Bologna barazoi 0-0 kundër Shakhtar Donetsk. Debutimi për herë të parë në Ligën e Kampionëve ka qenë me pikë për italianët, që shpëtuan në minutën e katërt me penalltinë e humbur nga Sudakev. Në fund barazim i thatë dhe dy skuadrat që ndajnë nga një pikë.
Në "Epet Arena" të Pragës, Sparta fitoi 3-0 kundër Salzburg. Kairinen dhe Olatunji shënuan në pjesën e parë, ndërsa tri pikët e vendasve i "vulosi" Qazim Laçi me një gol brilant. Mesfushori i Kombëtares bëri një veprim fantastik dhe shtriu në tokë tre rivalët, duke shënuar në debutim. Albion Rrahmani dhe Ermal Krasniqi morën minuta në pjesën e dytë për vendasit.
Në ndeshjet e orës 21:00, dueli më i rëndësishëm i mbrëmjes mes Manchester Cityt dhe Interit u mbyll 0-0. Loja ishte në pritshmërinë e tifozëve, me vendasit që dominuan dhe sulmuan deri në sekondat e fundit, por miqtë mbrojtën mirë.
Dortmund fitoi 0-3 në Belgjikë kundër Brugge. Gittens me dopietë dhe Guirassy (11 m) shënuan në pjesën e dytë. Më Paris, PSG iu fal Mendes në minutën e 90-të për të mposhtur Gironan, që debutonte në këtë turne.
Dueli që prodhoi më shumë gola u zhvillua në Skoci, ku Celtic fitoi 5-1 kundër Slovan Bratislavës. Scales, Furuhashi, Engels, Maeda dhe Idah shënuan për vendasit, ndërsa Uimmer për miqtë.
Champions League, raundi 1:
E mërkurë, 18 shtator 2024
18:45
Bologna 0-0 Shakhtar Donetsk
Sparta e Pragës 3-0 Salzburg
21:00
Celtic 5-1 Slovan Bratislava
Club Brugge 0-3 Dortmund
Manchester City 0-0 Inter
PSG 1-0 Girona
Renditja:
Qazim Laçi foli pas golit në ndeshjen e tij debutuese në Champions League. Sparta e Pragës fitoi 3-0 kundër Salzburg dhe Laçi shënoi supergol duke lënë në tokë tre mbrojtësit.
“Ndjenjat janë të mahnitshme, emocionuese”, tha Laçi para kamerave të Nova Sport 3 pas fërshëllimës së fundit.
“Kam luajtur për herë të parë në këtë kompeticion. Ne fituam dhe shënova gol. I gjithë ekipi luftoi, jam krenar për ta. Ishte jashtëzakonisht emocionuese”, vijoi ai.
Ai e zbukuroi mbrëmjen me një gol të mrekullueshëm kur arriti te topi në zonën e penalltisë.
“Sigurisht që jam i lumtur që shënova gol, por dua të përgëzoj shumë të gjithë ekipin”, mbylli Laçi fjalën e tij.
Qazim Laçi, mesfushori i Kombëtares ka shënuar në raundin e parë të formatit të ri në Champions League. Sparta e Pragës po fiton 3-0 kundër Salzburg dhe Laçi ka gjetur golin e tretë.
Duhej minuta e 58-të që Laçi të merrte një pasim nga Olatunji dhe me një lëvizje prej kampioni të shtrinte në tokë dy mbrojtësit dhe portierin, për t'ia ndalur topin në rrjetë.
Një veprim klasi nga Laçi, që edhe njëherë tregon cilësitë në fushën e lojës. Disa minuta në këtë ndeshje i mori edhe Albion Rrahmani, ndërsa Indrit Tuci mbeti në stol.
Lajme të tjera
-
UEFA i heq ‘San Siros’ finalen e Champions League për vitin 2027
25 Shtator, 11:04 -
GOLAT/ Chelsea bind me 5 gola, kalon në 1/8 e Carabao Cup! Kualifikohen edhe Man. City, Leicester e Aston Villa
25 Shtator, 09:30 -
‘Dhimbje koke’ për Guardiolën, Rodri këput ligamentet! Sezoni thuajse i mbyllur
24 Shtator, 13:51 -
GOLAT/ Milani dominon dhe mposht Interin 1-2 në derbi, nuk ndodhte prej gjashtë dueleve! ‘Zverdhet’ Asllani, shpëton Fonseca
22 Shtator, 22:47 -
Arsenali ‘dridh’ Man. Cityn në ‘Etihad’, e barazon 2-2 me një lojtar më pak! ‘Qytetarët’ shënojnë në minutën e 98-të, Haaland rekord
22 Shtator, 19:54 -
Milionat për Mbappe, PSG refuzon t’i paguajë shumën e majme ish-sulmuesit
22 Shtator, 17:00 -
Statistikat/ Interi ka fituar gjashtë derbit e fundit, Milani për të mbajtur Fonsecan në stol! Trajneri: Ndjej besimin e klubit
22 Shtator, 11:46 -
Kalendari i ngjeshur, futbollistët kërcënojnë UEFA-n: Po shkojmë drejt grevës
20 Shtator, 15:29 -
I 'kaloi' vdekjes pranë, historia motivuese e kapitenit të Spartës së Pragës që shkroi historinë në Champions League
20 Shtator, 14:16 -
Fitorja kundër Barcelonës, talenti i Monacos thyen rekordin e Mbappe
20 Shtator, 12:45 -
Berat Gjimshiti titullar në Champions League kundër Arsenalit, nota për kapitenin e Kombëtares
20 Shtator, 10:35 -
Humbja në Champions League, Flick i Barcelonës: Monaco e meritoi, kemi edhe shtatë ndeshje
20 Shtator, 10:01
