Champions/ Shorti përballë Milanit, Ancelotti: Jo, e dua në finale! Napoli shkruan histiorinë, pas 17 vitesh 3 skuadra italianë në çerekfinale

Kishte premtime për surpriza, por Liverpool është mposhtur edhe njëherë nga Real Madrid. ‘galaktikët’ pas fitores 5-2 në Angli kanë mposhtur ‘the reds’ 1-0 edhe në Spanjë, duke treguar supermacinë ndaj një skuadre të përbetuar për hakmarrje. Në të njëjtën kohë Real Madrid rikonfirmohet edhe njëherë si skuadra numër 1 për fitimin e Champions League, që do ishte numër 15 për ta.

Në ‘Bernabeu’ golin e vetëm të përballjes e realizoi Benzema në minutën e 78 pas asistit të Vinicius Junior, me brazilianin që bëri një ndeshje madhështore. Kështu Real Madrid pret biletën e çerekfinaleve, ndërsa i pyetur pas kualifikimit trajneri i ‘galaktikëve’ Ancelotti ka thënë se ‘Milanin nuk e do në turin tjetër, por në finale’. Vlen të theksohet se kjo është hera e katërt në gjashtë vite që Real Madrid mposht Liverpool-in, dy prej të cilave në finale të Champions League.

Sakaq surpriza nuk ka patur as në ndeshjen tjetër mes Napolit dhe Eintrachtit të Frankfurtit. Madje italianët pas fitores 0-2 në Gjermani këtë herë ia kanë dalë lehtësisht 3-0 në stadiumin ‘Maradona’. Dy prej golave u realizuan nga Viktor Osimhen, ndërsa rrjeta tjetër pati autorësinë e Zielinskit.

Kjo sfidë më e vështirë ishte për policinë e Napolit, pasi për dy ditë me rradhë janë përballur me tifozët gjermanë të Frankfurti-t, të cilët nuk u futën në stadium, por zgjodhën trazirat në qytet. Gjatë natës pati djegie të makinave në qytet. Megjithatë ajo që vlen është se 3 skuadra italiane janë në çerekfinale për herë të parë pas 17 vitesh.

Në shortin që do të hidhet të premten, në orën 12:00 në Nyon të Zvicrës, do të hiqen kufizimet. Pra skuadrat italiane mund të përballen me njëra-tjetrën dhe me kuriozitet pritet të shihet nëse do të ketë një euroderbi si Inter-Milan apo jo.

Ne.k./KT/Shqiptarja.com

TAG:
• napoli
• Carlo Ancelotti
• real madrid
• Milan
• champions league