Për herë të parë më shumë të shëruar se të infektuar në Itali, regjistrohen 464 viktima nga koronavirusi dhe 3333 të shëruar në 24 orë

Për herë të parë të dhënat e pandemisë në Itali janë jashtëzakonisht shpresëdhënse.

Numri i të shëruarve dhe të pacientëve që kanë lënë spitalin është më i lartë se rastet e reja me koronavirus në teritorin italian. Kjo ishte deklarata e kreut të mbrojtjes civile në itali Angelo Borelli teksa prezantoi të dhënat e datës 23 prill në konferencën për shtyp.

Numri i të shëruarve sot është 3.333, ndërsa i personave pozitivë 2.646 raste, kurse në kujdesin intensiv janë të shtruar 117 pacientë më pak se dje.

Sipas autoriteteve të Emergjencës Civile Italiane, gjatë 24 orëve të fundit janë regjistruar 464 viktima nga koronavirusi.

Për të katërtën ditë radhazi Italia ka regjistruar rënie në numrat e rasteve të rinj të, identifikuar pozitiv nga koronavirusi krahas rënies së mprehtë të numrit të pacientëve të shtruar në kujdesin intensiv,  jo intensiv si dhe rritje të numrit të të shëruarve.

Lajmi kryesor:

COVID/ Shifra shpresëdhënëse e të shëruarve në Itali! Në Europë shumë vdekje në azile...Studimi në Francë: Nikotina mbron nga koronavirusi

//Shqiptarja.com

TAG:
• Koronavirus