COVID/ Shifra shpresëdhënëse e të shëruarve në Itali! Në Europë shumë vdekje në azile...Studimi në Francë: Nikotina mbron nga koronavirusi

Për herë të parë të dhënat e pandemisë në Itali janë jashtëzakonisht shpresëdhënse.

Numri i të shëruarve dhe të pacientëve që kanë lënë spitalin është më i lartë se rastet e reja me koronavirus në teritorin italian. Kjo ishte deklarata e kreut të mbrojtjes civile në itali Angelo Borelli teksa prezantoi të dhënat e datës 23 prill në konferencën për shtyp.

Numri i të shëruarve sot është 3.333, ndërsa i personave pozitivë 2.646 raste, kurse në kujdesin intensiv janë të shtruar 117 pacientë më pak se dje.

Sipas autoriteteve të Emergjencës Civile Italiane, gjatë 24 orëve të fundit janë regjistruar 464 viktima nga koronavirusi.

Për të katërtën ditë radhazi Italia ka regjistruar rënie në numrat e rasteve të rinj të, identifikuar pozitiv nga koronavirusi krahas rënies së mprehtë të numrit të pacientëve të shtruar në kujdesin intensiv,  jo intensiv si dhe rritje të numrit të të shëruarve.

Britania e Madhe ka regjistruar në 24 orët e fundit  616 viktima nga infeksioni I koronavirusit teksa totali i vdekjeve në vend ka shkuar në rreth 19 mij rreth 19 mijë.

Nga totali i viktimave të ditës së sotme, 514 vdekje janë regjistruar në Angli,102 në Skoci, Uells dhe Irlandën e Veriut.

Autoritetet gjithashtu kanë raportuar për 4600 raste infeksioni të rinj që e çojnë bilancin total të të prekurve nga koronavirusi në më shumë se 139 mijë të infektuar.

Ndërkohë kryeministrja e Skocisë Nikola Sturgeon ka deklaruar sot se Skocia do të finalizojë një seri masash lehtësuese për rikthimin në normalitet, pavarësisht nga vendimet e Londrës.

Masat lehtësuese parashikojnë rifillimin e një pjese të aktiviteteve si dhe rihapjen graduale të shkollave, edhe pse paralajmëroi se aktivitetet masive “do të duhet të presin disa muaj”.

Teksa SHBA ka nisur “luftën” me Organizatës Botërore të Shëndetit duke e paralajmëruar për pezullimin e financimeve, Kina i ka dhuruar 30 milionë dollarë shtesë për të përballuar pandeminë COVID-19.

Lajmi është konfirmuar nga zyrtarë të qeverisë kineze. Zëdhënësja Ministrisë së Jashtme të Kinës, Hua Chunying shkroi në rrjetet sociale; “Kina ka vendosur të dhurojë 30 milion dollarë shtesë në OBSH për të mbështetur luftën e saj globale kundër # COVID19, veçanërisht forcimin e sistemeve shëndetësore të vendeve në zhvillim”, 

Ajo shtoi se Kina më parë kishte dhuruar 20 milion dollarë në ËHO më 11 mars. Javën e kaluar, presidenti amerikan Trump njoftoi se do bllokojë fondet për OBSH, duke thënë se ka qenë një “rol në keqmenaxhimin dhe mbulimin e përhapjes së koronavirusit”.

Kina kontribuoi afro 86 milion dollarë kontribute të vlerësuara dhe vullnetare në ciklin e financimit dy-vjeçar nga 2018 deri në vitin 2019. Kohët e fundit, skepticizmi ka qenë i synuar drejt marrëdhënies së OBSH me Kinën pasi kritikët kanë vënë në dyshim nëse OBSH është e pavarur.

Duke filluar nga dita e sotme në rajonin italian të Lombardisë ka nisur të kryen testet serologjike dhe po sot spitalet e Bergamo, Brescia, Lodi dhe Kremona kanë nisur për të testuar imunitetin e qytetarëve duke kërkuar antitrupa neutralizues në gjakun e tyre.

Të parët që po testohen janë mjekë dhe infermierë Lombardë, 500,000 në të gjithë rajonin.

"Në përgjithësi do të testohen ata që janë në karantinë, subjektet simptomatike dhe ata pa simptoma por që kanë patur kontakte me raste asimptomatike ose me simptoma të buta.

Testi serologjik është ai i zhvilluar nga ekipi i ‘Policlinico San Matteo’ i Pavisë i udhëhequr nga profesori Fausto Baldanti me 50 studiues të tjerë.

Për momentin janë të disponueshëm njëzet mijë teste në ditë dhe mendohet se deri në fund të muajit maj sasia do trefishohet.

Në 60 minuta tubi i provës analizohet dhe del përfundimi nëse antitrupat janë të pranishëm në organizmin e të testuarit.

Sipas autoriteteve pritet që vetëm 10, më së shumti 15% e qytetarëve të Lombardisë të jenë imune.

Autoritetet e shëndetësisë shpresojnë që informacionet e mbledhura nga këto teste do të shërbejnë si udhëzues për hapat që do të merren në vazhdim, teksat autoritetet vendase po lëvizin drejt zbutjes së masave të izolimit.

Studimet e fundit, si ai I kryer në prill nga Instituti Pasteur në Francë, kanë dalë në përfundimin se arritja e të ashtëquajturit “ imunitet I tufës” është më I vështirë të arrihet nga sa besohej deri tani, ndërsa nga ana tjetër nga Kina, Japonia dhe Italia kanë mbërritur informacione për pacientë që e kishin kaluar sëmundjen, dhe janë infektuar sërish. Si pasojë e këtij virusi deri më tani në gjithë botën janë infektuar mbi 2.6 milionë persona derisa mbi 180,000 kanë vdekur.

Është rritur bilanci i viktimave nga koronavirusi në Spanjë. Mësohet se në 24 orët e fundit kanë humbur jetën 440 persona, ndërsa në total numri i viktimave është 22.157.

Ndërkohë, ka pasur një rritje të numri të rasteve të reja, ku në 24 orët e fundit janë konfirmuar pozitiv 4,635 persona, duke e çuar kështu numrin e përgjithshëm të të prekurve në 213,024.

Krahasuar me ditën e djeshme, ku u shënuan 4.211 raste, kjo është një rritje me 2% të totalit, e cila është në përputhje me drejtimin gjatë 5 ditëve të fundit.

Nga totali i përgjithshëm, rreth 89,000 pacientë janë shëruar dhe janë larguar nga spitali. Kjo përfaqëson rreth 42% të të gjitha rasteve.

Javën e kaluar, numri i vdekjeve në 24 orë në Spanjë luhatej midis 500 dhe 600 personave. Kjo gjë ndryshoi të dielën, ku u regjistruan 399 vdekje, shifra më e ulët që nga 22 Marsi. Këtë javë, 430 viktima të hënën, 430 të martën dhe 435 të mërkurën.

Sipas vlerësimeve të OBSH në Europë gati gjysma e numrit të viktimave është regjistruar në shtëpitë e të moshuarve.

Sipas Drejtorit rajonal të Organizatës Botërore të Shëndetit (OBSH) për Europën, Hans Kluge "Mosha e përparuar e pacientëve, gjendja e tyre e shëndetit, problemet konjitive në të kuptuarit dhe ndjekja e këshillave për shëndetin dhe higjienën për shkak të aftësisë së kufizuar intelektuale ose demencës, janë faktorët që i vënë këta njerëz në rrezik më të madh krahasuar me të tjerët. Ai tha gjithashtu se shpesh ata janë ndaluar të kenë vizita nga familja dhe miqtë dhe ndonjëherë janë subjekt i kërcënimeve, abuzimeve dhe neglizhencave.

Sipas OBSH, shqetësuese është mënyra sesi funksionojnë këto institucione të kujdesit, mënyra se si pacientët marrin kujdes aty dhe që ndikojnë në përhapjen e epidemisë.

Bilanci i pandemisë në Spanjë dhe Britaninë e Madhe

Në Spanjë në 24 orët e fundit u regjistruan 440 viktima nga koronavirusi për një total vdekjesh prej më shumë se 22 mijë kurse të identifikuarit pozitiv nga Covid janë 213 000 teksa numri i të shëruarve është rritur në rreth 90 mijë.

Në Mbretërinë e Bashkuar e cila ‘endet’ në pllajën e kurbës së pandemisë numri i përgjithshëm i atyre që kanë humbur jetën është 18 150 për një total të prekurish nga infeksioni prej rreth 135 mijë.

Sot Këshilli Europian, organi që përfshin krerët e shteteve dhe qeveritë e Bashkimit Evropian, do të takohet me videokonferencë për një nga takimet më të pritura vitet e fundit. Tema kryesore do të jetë krijimi i një mjeti të ri të ndihmës financiare për vendet evropiane më të prekur nga pandemia e koronavirusit.

Dy javë më parë, Eurogroup, që është asambleja joformale e ministrave të ekonomisë së eurozonës, propozoi mbështetje përmes tre kanaleve "tradicionale" si ESM, Banka Evropiane e Investimeve dhe Komisioni Evropian, me Integrimi Evropian Që nga ajo kohë, megjithatë, disa vende - përfshirë Italinë - kanë nxitur një masë edhe më ambicioze, pra më delikate për të negociuar. Një instrument i tillë mund të vendoset vetëm nga Këshilli Evropian, institucioni që përcakton axhendën politike për Bashkimin Evropian, pasi ai është i përbërë nga krerët e shteteve dhe qeveritë e vendeve individuale.

Për momentin ka dy propozime në tryezë. Propozimi nga i cili ka të ngjarë të fillojnë negociatat u paraqit nga qeveria gjermane dhe Komisioni Evropian (presidenti i të cilit, Ursula von der Leyen, konsiderohet se është shumë afër me kancelaren Angela Merkel). Me pak fjalë, ajo planifikon të krijojë një fond rimëkëmbjeje të financuar nga kontribute më të mëdha nga secili shtet në buxhetin e Bashkimit Evropian, i cili mund të lëshojë letra me vlerë dhe të mbledhë para në tregjet dhe pastaj t'i japë ato në vendet në vështirësi më të madhe. "Ne kemi nevojë për një përgjigje të shpejtë ndaj problemeve pandemike dhe Gjermania do të marrë pjesë në instrumente solidariteti që shkojnë përtej 500 miliardë të alokuar tashmë," tha Merkel disa ditë më parë gjatë një konference për shtyp.

Propozimi i dytë, i cili doli dje, u bë nga Spanja: ai parashikon një kompromis midis asaj gjermane dhe pozicioneve të disa javëve më parë në vende si Italia, e cila në thelb propozoi krijimin e "eurobonove" (dmth, bono të reja të qeverisë së BE-së të garantuara nga të gjitha vendet evropiane). Propozimi Spanjoll ndryshon nga ai gjerman në disa pika thelbësore: madhësia e jashtëzakonshme e Fondit, e cila duhet të ketë një kapacitet deri në 1.500 miliardë euro, dhe mbi të gjitha modalitetet e pagesave për vendet individuale.

Spanja në thelb propozon që Bashkimi Evropian të pranojë të kontraktojë një "borxh shumëvjeçar" për të lëshuar bono të BE-së, dhe për rrjedhojë të shpërndajë paratë nga Fondi pa i kërkuar vendeve për ta shlyer atë. Interesi për obligacionet e reja të BE-së do të paguhej përmes taksave "Evropiane", për shembull për prodhimin e dioksidit të karbonit. Në total, kontributi në buxhetin evropian të vendeve individuale do të rritet në 2% të PBB-së kombëtare.

Të gjitha shtetet gjermane kanë bërë të ditura planet për ta bërë të detyrueshme vendosjen e maskave, me qëllim të luftimit të koronavirusit të ri.

Bremeni ka qenë rajoni i parë federal që ka mbështetur masat, pasi Senati i tij ka konfirmuar vendimin të premten.

Vendosja e maskave do të jetë e detyrueshme kur përdoret transporti publik në gjithë Gjermaninë dhe gati të gjitha shtetet do të marrin vendim për vendosjen e tyre edhe gjatë blerjeve nëpër dyqane.

Kancelarja gjermane, Angela Merkel ka rekomanduar fuqishëm vendosjen e tyre javën e kaluar, kur ka lehtësuar masat e izolimit në nivel kombëtar.

Shtete të ndryshme kanë marrë vendime të ndryshme sa u përket udhëzimeve për përdorim të maskave.

Austria i ka bërë ato të detyrueshme gjatë blerjeve nga fillimi i këtij muaji, ndonëse Zvicra ka njoftuar të mërkurën se nuk të kërkojë vendosjen e tyre nga qytetarët, teksa lehtëson masat e izolimit.

Instiuti gjerman, Robert Koch ka konfirmuar për 145,694 persona të prekur dhe 4,879 të vdekur si pasojë e koronavirusit të ri në Gjermani.

Sëmundja Covid 19 ka efekte të shumta në trup. Simptomat më të zakonshme përfshijnë ethe, këputje dhe lodhje në përgjithësi, kollitje, dhimbje koke dhe dhimbje trupi, çrregullime të shqisës së shijes dhe nuhatjes ose diarre.

Tani ka njoftime për shenja të tjera jo të zakonshme për këtë sëmundje. Dermatologu italian, Sebastiano Recalcati, njoftoi për pulla ngjyrë mavi që ishin formuar në këmbët e një pacienti 13-vjeçar me Covid-19. Edhe mjekë të tjerë njoftojnë për shenja të ngjashme tek fëmijët dhe adoleshentët. Sipas Recalcatit ndryshime në lëkurë, kryesisht forma të ndryshme skuqjeje të lëkurës, janë konstatuar në 18 nga 88 pacientë me Covid-19.

Vëzhgime të ngjashme janë bërë në SHBA, ku "Akademia Amerikane e Dermatologjisë" ngriti madje dhe një bazë të dhënash në të cilën mjekët duhet të depozitojnë shenja përkatëse në rastet e pacientëve me Covid-19.

Shenja jo specifike

Skuqjet e lëkurës apo forma të tjera dermatiti nuk janë të rralla në rastet e sëmundjeve virale - shpesh ato nuk janë pasojë direkte por indirekte e infeksionit, për shembull kur sistemi imunitar reagon ndaj virusit ose për shkak të furnizimit të pamjaftueshëm me gjak që shkakton dëmtime në lëkurë. Sipas prof. dr. Bernd Salzberger, President i Shoqatës Gjermane për Sëmundjet Infektive, "ndryshimet e përshkruara në lëkurë me siguri nuk mund të klasifikohen si simptoma specifike të Covidit-19 dhe janë mjaft të rralla."

Salzberger i relativizoi fort edhe njoftimet e disa mediave, të cilat nisur prej njoftimeve të mjekëve në Itali, pretendonin për një metodë të re të mundshme për diagnostikimin e Covid-19. Edhe dermatologu Recalcati thotë se ndryshimet e lëkurës mund të jenë simptoma që shfaqen në shumë sëmundje virale dhe se baza e të dhënave është ende shumë e vogël për të arritur në përfundime bindëse.

Ka shkuar në 123 numri i viktimave në Greqi, pasi edhe dy persona kanë humbur jetën në orët e fundit.

Sipas mediave greke, kanë ndërruar jetë një burrë 88-vjeçar që ishte shtruar në spital në Njësinë e Kujdesit Intensiv të AHEPA, si dhe një burrë 76-vjeçar që po kurohej në “Kryqin e Kuq”.

Gjithashtu bëhet e ditur se 88-vjeçari që ishte i prekur nga Coivd-19, kishte edhe sëmundje të tjera të mbartura.

Por vetëm 7 rastet e reja të infeksionit të regjistruara në 24 orët e fundit, për një total prej 2408 personash, shihen me optimizëm nga qytetarët dhe ekspertët. 

Me rënien e ndjeshme të shifrave nga koronavirusi, Greqia ka shpalosur edhe planin e rihapjes.

Sipas mediave greke, më 4 maj është faza e parë e rihapjes teksa qytetarët nga kjo datë nuk do të duhet të kërkojnë autorizim për të lënë shtëpitë.

Po ashtu në këtë datë do të lejohen edhe dyqanet dhe parukeritë të hapen.

Më 11-18 maj janë datat kur do të hapen për herë të parë pas mbylljes kafenetë, baret dhe restorantet, gjithashtu edhe institucionet arsimore si shkolla dhe universitete.

Edhe hotelet do të hapen në qershor, saktësisht në datën 15 qershor.

Me shikimin drejt të rinjve, Parlamenti Spanjoll miratoi kërkesën e qeverisë për zgjatjen e masave të bllokimit deri më 9 maj, një kërkesë e kaluar me 269 vota pro, 60 kundër dhe 16 abstenime.

Por nga 26 Prilli të miturit do të jenë lejohen të dalin nga shtëpia të shoqëruar nga një i rritur.

Spanja është i vetmi vend europian që nuk ka lejuar të miturit të largohen nga shtëpia deri më tani.

"Nga e diela e ardhshme – siguroi Kryeministri Pedro Sanchez- të miturit nën 14 vjeç do të lejohen të dalin nga shtëpia të shoqëruar nga një i rritur.

Deri tani në Spanjë janë regjistruar mbi 208 mijë raste infeksioni dhe më shumë se 21 700 vdekje.

Pasi deri tani është menduar si një virus që godet drejtpërdrejtë rrugët e frymëmarrjes, covid-19 po provon të jetë shumë më i frikshëm. Nga dita në ditë po vërehet se koronavirusi sulmon edhe veshkat, zemrën, zorrët, mëlçinë dhe trurin.

Shumë mjekë gjithashtu po raportojnë raste çuditëse dhe shqetësuese, pacientët me nivele të ulëta oksigjeni që vazhdojnë të bien në mënyrë të menjëhershme, aq të ulëta sa që ata bëhen të pavetëdijshëm dhe shkojnë afër vdekjes. Gra shtatzëna asimptomatike befas kalojnë në arrest kardiak. Pacientët me përkeqësim të sëmundjes brenda disa minutave dhe që vdesin në shtëpi.

Disa shkencëtarë hipotezojnë se të paktën disa nga këto anomali mund të shpjegohen me ndryshime të rënda në gjakun e pacientëve.

Shqetësimi është aq i mprehtë sa që disa grupe mjekësh kanë ngritur mundësinë e diskutueshme për t'u dhënë pacientëve hollues gjaku.

Mpiksja e gjakut, në të cilën lëngu i kuq kthehet në formë xhel, duket se është e kundërta e asaj që ndodh me Ebola, Dengue, Lassa dhe ethet e tjera hemorragjike që çojnë në gjakderdhje të pakontrolluar. Por ato në të vërtetë janë pjesë e të njëjtit fenomen - dhe mund të kenë pasoja të ngjashme shkatërruese.

Autopsitë kanë treguar që mushkëritë e disa njerëzve mbushen me qindra mikroklote. Mpiksjet e gjakut mund të shkëputen dhe të udhëtojnë në tru ose zemër, duke shkaktuar atak të menjëhershëm.

Sistemi i qarkullimit të gjakut ose kardiovaskular i trupit shpesh përshkruhet si një rrjet i rrugëve që lidhin zemrën me organet e tjera. Gjaku është sistemi i transportit, përgjegjës për lëvizjen e lëndëve ushqyese në qelizat dhe largimin e tyre prej tyre.

Një studim Hollandez i botuar më 10 Prill në revistën Thrombosis Research thotë se te 38 përqind e 184 pacientëve të Covid-19 në një njësi të kujdesit intensiv në Holandë ishte vërejtuar gjak që mpiksej jonormalisht në trupin e tyre.

Të dhënat e hershme nga Kina për një mostër prej 183 pacientësh treguan më shumë se 70 përqind e pacientëve që vdiqën nga covid-19 kishin mpiksje gjaku.

Megjithëse ende mendohet se ataku në rrugët e frymëmarrjes duket të jetë shkaku kryesor i vdekjeve në pacientët me covid-19, komplikimet e gjakut te pacientët duket se janë rruga e re e sulmit të Covid për të shkaktuar më shumë viktima.

Në Itali, Heparina 'ilaçi i shpresës'

Sipas specialistëve në Itali, “Problemi kryesor nuk është virusi por reagimi imunitar që shkatërron qelizat ku hyn virusi”. Sipas tyre, problemi është kardiovaskular, jo i frymëmarrjes.

“Ne – thonë studiuesit- besojmë se kemi gjetur shkakun e vdekshmërisë nga koronavirusi. Nëse kjo vërtetohet atherë mund të themi se intubimet nuk do të jenë më të nevojshme si dhe do të parandalohen trompozat që janë shkaku i vdekjeve”.

Ata shprehen se është e panevojshme intubimi kur në fakt gjaku nuk arrin në mushkri. “Prandaj, efektiviteti i trajtimit terapeutik na bën të besojmë se kjo është arsyeja kryesore e vdekjeve të shumta”.

Me pak fjalë duket se virusi shkakton një reagim inflamator mjaft intensiv i cili gjithashtu shkakton dëme të mëdha në enët e vogla të gjakut, nga ku nis koagulimi që sjell më pas trompozë difuze.

Një studim mbi ilaçin heparina kundër infeksionit prej koronavirusit, studim i cili do të përfshijë 300 pacientë, ka filluar në 14 qendra në Itali.

Agjencia e italiane e ilaçeve (Aifa)  ka dhënë OK për të nisur trajtimi me heparin te pacientë me pamje klinike të moderuar ose të rëndë, trajtim i cili do të koordinohet nga Pierluigi Viale, profesor i Sëmundjeve Infektive të Universitetit të Bolonjës dhe drejtori i Njësisë Operative të Sëmundjeve Infektive të Spitalit Sant'Orsola-Malpighi.

Të dhënat paraprake të eksperimentit të mbledhura në spitalin parizian të La Pitié-Salpetrière. Sipas studimit, duhanpirësit do të ishin vetëm 4.4% e 343 pacientëve Covid-19 të shtruar në spital

A mbron nikotina nga koronavirusi? Ende është vetëm një hipotezë e parë që vjen nga vëzhgimi klinik në spitalin parizian të La Pitié-Salpetrière ku, sipas një studimi, vetëm 4.4% e 343 pacientëve të shtruar me Covid-19 (të moshës mesatare 65 vjeç) janë duhanpirës.

Hulumtimi, i sapo botuar në faqen e internetit Qeios, ekzaminoi gjithashtu profilin e 139 pacientëve që u këshilluan me një mjek pasi kishin simptoma jo serioze të koronavirusit(mosha mesatare 44 vjeç) dhe rezultati ishte i ngjashëm me studimin e mësiperm të "La Pitié-Salpetrière". Nga 139 pacientë vetëm 5.3% e tyre ishin duhanpirës. Në pamje të parë, është një fakt që shtrembëron bindjet e shumicës së virologëve të cilët thonë  se duhani është ndër faktorët e rritur të rrezikut që përballen me një sëmundje të tillë si Covid-19 që shkakton insuficienca serioze të rrugëve të frymëmarrjes.

Sipas studimit të spitalit parizien duhanpirësit kanë një shans shumë më të ulët për të zhvilluar një infeksion simptomatik ose të rëndë krahasuar me popullatën e përgjithshme.
Sipasstudiuesve nikotina pengon receptorin qelizor të përdorur nga koronavirusi, të depërtojë në qeliza dhe të përhapet në të gjithë trupin.

Sipas Jean-Pierre Changeux i Institutit Pasteur", receptori nikotinik i acetilkolinës" luan një rol kryesor në përhapjen e koronavirusit dhe është në origjinën e shumëllojshmërisë së simptomave të Covid-19, duke përfshirë humbjen e shijes, aromës dhe çrregullimet e tjera neurologjike.

Për të provuar hipotezën, spitali parizian ka nisur një eksperiment bazuar në aplikimin e nikotinës me doza të ndryshme dhe me qëllime të ndryshme parandaluese për të kuptuar nëse ajo mund të ndihmojë në mbrojtjen e stafit mjekësor-shëndetësor, si dhe me qëllim terapeutik për pacientët e shtruar në spital, për të parë nëse pas aplikimit të nikotinës do kenë ulje të simptomave apo  ringjallje të simptomave.

Që në fund të muajit mars, një studim kinez i botuar në New England Journal of Medecine kishte nxjerrë në pah përqindjen e ulët të duhanpirësve në mesin e pacientëve me Covid.

Publikimi i studimit francez, me një eksperiment të nisur në një nga spitalet më të rëndësishëm Paris, ndezi një reagim të shpejtë. "Mos shkoni të blini nikotinë," tha Ministri i Shëndetësisë Olivier Véran. Rreziku është të krijoni shpresa të rreme midis shumë duhanpirësve si dhe të krijoni raste të reja me koronavirus.
Drejtori i Përgjithshëm i Shëndetësisë, Jerome Salmon, kujtoi se pirja e duhanit shkakton 75,000 viktima çdo vit në Francë, dhe është një faktor rëndues për sëmundjet kardiovaskulare, të frymëmarrjes dhe të kancerit.

E njëjta maturi ka ardhur edhe nga Italia. 

"Eshtë e rrezikshme të lavdërosh një zakon të keq siç është duhanpirja dhe të mendosh se mund të ndihmojë në trajtimin e asaj që është tani emergjenca epidemike", komentoi Giovanni Maga, drejtor i Institutit Moletik të Gjenetikës të Këshillit Kombëtar të Kërkimit të Pavia-s .

Epidemia e COVID-19 ka shkaktuar vdekjen e 21 373 personave në Francë që nga fillimi i pandemisë.

Presioni ndaj spitaleve vazhdon të lehtësohet, me tani dy javë rënie të numrit të pacientëve në kujdesin intensiv, njoftoi sot Drejtori i Përgjithshëm i Shëndetësisë, Jérôme Salomon.

“Në total, 13 236 njerëz kanë vdekur në spitale, 336 më shumë në 24 orët e fundit dhe 8 104 në azilet e pleqve dhe institucione të tjera mjeko-sociale (+208)”, tha Salomon, në konferencën e tij të përditshme për shtyp.

Aktualisht, ka 5 218 pacientë në kujdesin intensiv, gati 2 000 më pak se dy javë më parë.

Ndërkohë numri i përgjithshëm i personave të testuar pozitiv nga koronavirusi është mbi 157 mije infeksione.

Turqia konfirmoi 117 viktima të tjera nga koronavirusi i ri (COVID-19) gjatë 24 orëve të kaluara, duke e çuar numrin e përgjithshëm të të vdekurve në 2.376.

Numri i përgjithshëm i rasteve me COVID-19 në Turqi ka shkuar në 98.674, pasi 3.083 persona të tjerë kanë rezultuar pozitivë në virusin, tha ministri i Shëndetësisë Fahrettin Koca në një konferencë për media pas takimit të Bordit Shkencor të Koronavirusit.

Deri më tani, gjithsej 16.477 pacientë janë larguar nga spitalet pas shërimit nga virusi, me 1.559 të liruar vetëm gjatë ditës së sotme, shtoi ministri turk.

Ndërkaq, gjithsej 37.535 teste janë kryer gjatë 24 orëve të kaluara, me çka numri i përgjithshëm i testimeve arrin në 750.944, raporton Anadolu Agency (AA). Pas shfaqjes në Wuhan të Kinës në dhjetor të vitit të kaluar, koronavirusi është përhapur në gjithë botën, duke shkaktuar vdekjen e mbi 180 mijë njerëzve, ndërsa më shumë se 700 mijë janë shëruar.