Deamishel afrohet me Shpatin: Mu kthye humori kur erdhe ti! Dua që të njihemi më mirë! Më mungon Amosi sepse krijuam një marrëdhënie të afërt

Deamishel është afruar me Shpatin, banorin më të ri brenda Big Brother VIP. Ajo I ka thënë se i pëlqen të luajë e të argëtohet, duke justifikuar veten teksa thoshte se veprimet që bën kundrejt tij nuk janë tendencioze. 

“Para se të vije ti kam qenë shumë e mërzitur dhe kur erdhe ti mu kthye humori edhe sikur u çela. E shoh se si mund të keqinterpretohet dhe nuk dua të të vë pozitë. Do tërhiqem që të njihemi më mirë me njëri-tjetrin edhe si karakter”-tha Dea. 

Ndërsa Shpati kishte dyshimet e tij për përgjigjen e Deas, të cilën e pyeti nëse i mungon ose jo Amos. Ajo tha se e ndjen mungesën e tij, pasi kishin krijuar një marrëdhënie brenda në shtëpi. 

“Më mungon, sepse ne krijuam një marrëdhënie shumë të afërt edhe pse nuk ishim të lidhur. Dhe e kam shpjeguar, nuk di në çfarë gjuhe ta shpjegoj”-u shpreh banorja e “BBV.” 

Më tej Dea shprehu interes për tu njohur me Shpatin. Teksa po bisedonte me të, Dea i tha Shpatit që është mirë që ata të dy të njihen me njëri-tjetrin dhe të njohin karakteret e njëri-tjetrit, ndërsa i tha se nuk ka më besim te askush në shtëpi. 

“Nuk kam më besim te njerëzit pas kaq ditësh. Nuk e lejoj veten të krijoj miqësi ose të kem besim te dikush sepse e di që do përfshihet loja në mes dhe unë lëndohem shumë, e vuaj shumë”-tha Dea. 

A.M./Shqiptarja.com

TAG:
• deamishel
• big brother