Naim Frashëri, idealet e të cilit për Rilindjen Kombëtare ia mësojmë brezit të ri në bankat e shkollës, ka pas thënë se “kusaria, ligësia, dhe sa te këqija janë, edhe gjithë marrëzia, padijen mëmë kanë.”
Është e trishtë se si si sot, në vendin të cilit Naim Frashëri i dedikoi jetën dhe veprën, fjalët e tij godasin më fort se kurrë, kësaj here pas një diskutimi publik absurd që ka përfshirë bektashijtë.
Naimi, i cilësuar si “krye-bektashiu i madh”, me të cilin krenohemi në librat e historisë, do të tmerrohej nga dallga e sotme e histerisë me të cilën po trajtohet besimi i tij nga analistë, gazetarë, gjithologë që nxitojnë të shpikin qëllime të fshehta mbi nismën për një entitet Sovran të Urdhrit të Bektashijve.
Naimi që u hapi shqiptarëve mendjen me forcën e penës së tij, do të lebetitej nga padija me të cilën po trajtohet nisma, dhe bashkë me nismën, edhe identiteti i bektashijve.
Naimi, që na mësoi dashurinë për atdheun, do të tmerrohej po të shihte se si atdheu, ai të cilit i ngjalli zemrën me vargjet e veta, po ndjek turravrapin e marrëzisë publike, pa tentuar për të kuptuar më parë se ç’do të thotë një entitet i pavarur i bektashijve dhe çfarë përfaqëson nisma për vetë komunitetin.
E gjithë mënyra se si po trajtohet në media kjo çështje, reflekton karakteristikën kryesore të diskutimit publik në Shqipëri, sipërfaqësoren që për lehtësi të komunikimit publik shitet si argument, padijen që sot me lirinë e kanaleve mediatike po shitet si e vërteta absolute.
Thënë kjo, teksa shumica vrapon të spekulojë se kush ishte ideatori, apo cfarë forcash të errëta qëndrojnë pas Baba Mondit, askush nuk tenton të kuptojë e sqarojë rëndësinë e një nisme të tillë, nismë e cila në fund të fundit nuk dëmton askënd, nuk cënon asgjë.
Të thuash se një entitet sovran i një komuniteti besimtarësh cënon sovranitetin e Shqipërisë, është po aq e ligë sa pretendimi se Baba Mondi është një kukull në duart e kriminelëve izraelitë.
Kush thotë se mbështetja për komunitetin e bektashijve i fut ata në konflikt me komunitetet e tjera fetare në vend, duhet të kujtojë Naimin, i cili promovonte rolin e bektashizmit në favor të civilizimit dhe progresit kur shkruante se:
“Bektashinjtë duan shpirtin e tyre dhe të tjerët mysliman e të krishterë, e shkojnë mirë e bukur me gjithë njerëzinë. Bektashiu e do njerëzinë, i ndih varfërisë, ka mëshirë e dhimbje është shpirtëmirë.”
Kush refuzon ta shohë me arsye të mprehtë këtë diskutim dhe që nuk duron dot të shohë ecurinë e procesit, thjesht po bie pre e ligësisë së padijes, asaj që ushqehet nga kolltuqet e ekraneve televizive.
Kjo lloj padijeje e marrëzie nuk ka asnjë lidhje me Shqipërinë për të cilën punuan, sakrifikuan, dhe shkruan vargje të tëra Naimi dhe gjithë rilindasit.
Nuk ka dhe nuk do të ketë kurrë lidhje as me fenë dhe besimin, që na udhëzojnë për të kërkuar gjithmonë “dijen e dobishme dhe punët e mira”.
Komente
Lajme të tjera
-
‘Vanguard’: Sovraniteti bektashian i Shqipërisë ofron shpresë kundër ekstremizmit në Afrikë
16 Nëntor, 14:38
-
Studiuesi i njohur, James Ker-Lindsay reportazh për krijimin e shtetit të ri sovran bektashi në Shqipëri
9 Nëntor, 15:55 -
Shteti bektashi në letër' Baba Mondi: Kur të ketë diçka të re ju njoftojmë! Në Mallakastër vihet shtatorja e Baba Haxhi Saliaj
25 Tetor, 14:25 -
Krijimi i shtetit Bektashi, ‘The Economist’: Shpresat për harmoninë fetare vijnë në jetë në Vatikanin mysliman
17 Tetor, 16:40 -
Ruhet me truproja/ Baba Mondi intervistë për ‘Jerusalem Post’: Gati për shtetin Bektashi, të mos humbet kohë! E quaj veten vëlla të popullit të Izraelit!
13 Tetor, 16:13 -
Veton Surroi: Hapat e Leninit në Tiranë
3 Tetor, 08:19
-
Eduard Zaloshnja: Cikli 3-ditor i lajmeve të rëndësishme
30 Shtator, 10:02
-
Alban Daci: Shpesh nuk jemi kundër Ramës, por për shkak të ideve që ai ka!
26 Shtator, 13:52
-
Ben Blushi: Bektashizmi dhe Shqipëria
26 Shtator, 12:33
-
Eduard Zaloshnja: Projektet 'fasadë' të Ramës janë bazuar në studime sociologjike
26 Shtator, 10:54
-
Shteti bektashi/ Kulluri: Rama bëri faull, fyeu dhe njerëzit e ditur! Nesturi: Debati duhet të bëhet qetë! Alibali: Kjo ide vdiq sapo lindi
25 Shtator, 21:39 -
Mero Baze: Çfarë kërkojnë bektashinjtë, çfarë promovon Rama dhe çfarë fantazojnë shqiptarët
25 Shtator, 20:22
Ka akoma njerez te shitur si Kajsi qe ka guximin te perdor emrin e Naimit per interesa personale qe flet hapur ky shkrim. Te pakten te studioje historine e vendit para se publikoj artikuj te tille.
PërgjigjuVeprimtaria pateiotike e letrare e Baimit Asnjehere nuk Ka qene e lidhue me Bektashizmin,myslymanizmin.Ka shkruar si shqiptar atdheedashes,Jo si beshiktashas.Keto dy gjerat duhen pare te ndara.Kusaria,vjedhja,poshtersia Jane pjese e moralità njerezore,nuk lidhjen e nxitjen nga feja.A Ka ndikim feja ne kete ceshtjen? Sigurisht sepse Jane pare si mekatet.Por burimin eshte morali njerezore qe Ka lindur para fese.Jane njerezit qe krijuan fene dhe e trajtuan si moral i shoqerise,si Shkolle edukimi moral.Por nuk mund te Themi qe feja eshte shpirtim ,themeli i patriotizmit.Aq me teper fete e huazuara, te imponuara.Lejtmotivi i patriotizmit nga rilindasit eshte permbledhur ne nje fjali:" Feja e shqiptarit eshte shqiptaria".Keni lexuar gje te thuhet se feja e shqiptarit eshte Bektashizmin?Sic Duket po' shkoni drejt kesaj shprehjeje.
PërgjigjuNaimi, Samiu e Abdyli,po te ishin Shqiptare te mire duhet te luftonin per shpalljen e pavaresise para se perandoria otomane te binte, por pasi u çliruan Greku,Bulkgari,Rumuni e Serbii i ra ndermend Naimit se paska edhe Shqiperi,,, pas renies se peramdorise otomane ishin te tjere qe kontribuan per pavaresine,apo rilindjen.Keto tre livadhisnin perseri haremeve te stambollit e shkruanin poezi e poema.
PërgjigjuPikerisht ngaqe ka qene fetar do dilte sot ne mbrojtje te shtetit laik. Ndarja e shtetit nga feja garanton lirine e fese per te gjithe dhe mundeson bashkejetesen paqesore mes feve.
PërgjigjuBravo Kajsiu! Paska akoma njerez racional Shqiperia!
PërgjigjuJa ke fut kot Pena! Vetem racionalizem nuk ka, aneksim total ne baze interesi...
Bravo Rama!
PërgjigjuBravo Rams per idiot*sirat qe flet ne publik. Sa para eshte ne loje per kete plan?!
O Edi i kristaqit mos e kryaj me gjethe fiku .lere kete perralle me shtete islamike se nuk e ha njeri .or debil a e kupton cfar po ben .mjaf i thone mjaft
Përgjigju