Dëshmia e Nevaldo Hajdarajt: Gjatë ndjekjes së Rashës më tha mos u afro se do të qëlloj

Në dëshminë e dy efektivëve të policisë, Nevaldo Hajdaraj dhe E.Gj. ata shprehen se Klodjan Rasha i ka kërcënuar se do t'i qëlloj. Mësohet se Nevaldo ka thënë se në fillim të ndjekjes së 25-vjeçarit, ky i fundit ka futur dorën në brez dhe ka nxjerrë një send në dukje armë. Efektivi i policisë shprehet se Rasha i ka thënë "mos u afro se do të qëlloj", por pa arritur të konfirmojë nëse sendi ka qenë një armë zjarri.

Më pas në dëshmi ai thotë se efektivi shtrihet në tokë dhe ka qëllua 1 herë në drejtim të këmbëve të Rashës të cilin nuk e kapi. Sipas Nevaldos, Rasha u tremb dhe tentoi të largohej në një rrugicë ku efektivi e ndoqi dhe më pas e ka qëlluar për herë të dytë, teksa dëgjoi 25-vjeçarin teksa bërtiste. Mësohet se Hajdaraj është shprehur se pasi kësaj, ai së bashku me kolegun e tij me iniciale E.Gj i janë afruar Rashës i cili ishte shtrirë dhe rënkonte.

Ndërkohë edhe efektivi tjetër mësohet të jetë shprehur në komisariat se gjatë ndjekjes së Rashës i është drejtuar atij, mos u afro se do të qëlloj por sërish pa konfirmuar nëse vërtet 25-vjeçari kishte armë ose jo.

Lajmi kryesor:

Ekskluzive/ Dëshmitë e efektivëve për vrasjen e Klodjan Rashës! Kontradikta mes 2 policëve kolegë për përplasjen fizike me 25-vjeçarin!

E.M./Shqiptarja.com

TAG:
• Klodjan Rasha
• nevaldo hajdaraj