TIRANE-Çifti i biznesmenëve Petrit dhe Aferdita Laze që u plagosën mbrëmë me armë zjarri nga dy persona të armatosur që u futën për t'i grabitur, kanë dalë nga rreziku për jetën. Gjendja e 61-vjeçarit që mori një plumb në bark, pas daljes nga ndërhyrja kirurgjikale është stabilizuar, po ashtu edhe e gruas së tij, që ka një plagë në kofshë nga të shtënat e njërit prej autorëve. Report Tv ishte sot në banesën e çiftit, ndërsa gazetarja Xhensila Kodra zbardhi dinamikën e ngjarjes dhe dëshmitë e gruas dhe vajzës.
Vajza ka qenë ajo që ka ndjerë fillimisht zhurmën dhe më pas shkuar me shpejtësi te dhoma e prindërve. Në dëshminë e saj para grupit hetimor, vajza e çiftit, që ka qenë e pranishme në shtëpi në momentin e grabitjes, por fatmirësisht nuk është lënduar është shprehur se autorët ishin dy persona të maskuar dhe njëri prej tyre kishte armë. "Ishin dy persona të maskuar me kapuç dhe njëri kishte armë. Kishim planifikuar për të dalë jashtë Tiranës" është shprehur vajza.
Ndërsa 59-vjeçarja tregon se fillimisht pasi dëgjuan zhurmën në korridor doli burri, ndërsa hajdutët i drejtuan pistoletën. Ajo është shprehur se autorët kërkonin lekët, por nuk arritën të merrnin asgjë. "Ndodheshim brenda në shtëpi. Vajza dëgjoj zhurmë dhe na tha dikush po hyn brenda. Petriti doli në korridor dhe një nga autorët i drejtuan pistoletën. Pasi dëgjova të shtënën dola dhe më qëlluan. Autoret kapërcyen murin dhe ikën me vrap. Kërkonin vetëm lekë. Nuk mundën të merrnin gjë" tha ajo.
Policia dyshon se autorët janë të afërm ose fqinj të çiftit, pasi dinin lëvizjet dhe faktin që kishin planifikuar për të lëvizur nga banesa mbrëmjen e djeshme. Gjithashtu ata kanë hyrë nga mbrapa banesës, pasi nga dera kryesore ishin vendosur kamera dhe sistemi i alarmit. Një tjetër detaj që përforcon këtë pistë është edhe fakti që autorët kanë shkuar direkt në dhomën ku dyshohet se çifti mbante lekët, por sipas gruas nuk kanë arritur të marrin asgjë, pasi hasën rezistencë dhe situata u doli nga kontrolli pas të shtënave.
Policia vijon kërkimet duke ushtruar kontrolle në banesat e disa personave me precedentë, por deri tani nuk ka asnjë të arrestuar. Dyshimet janë se autorët që kanë vepruar kanë qenë tre, dy u futën brenda për të grabitur, njëri me armë për të kërcënuar dhe tjetri për të kontrolluar, ndërsa i treti i priste jashtë me makinë për t'u larguar me shpejtësi. Familja Laze jetonte në katin e dytë të vilës, pasi i pari ishte biznes, furrë buke dhe prodhime të tjera të brumit. Ngjarja tronditëse ndodhi mbrëmë në orën 21:40 minuta në rrugën 'Njazi Meka' në zonën e Alliasit. Çifti me origjinë nga Skrapari, prej 1994 ishin zhvendosur në Tiranë ku kishin hapur biznesin e tyre, ndërsa mbrëmë ranë pre e grabitjes.
Familja Laze sapo kishte kaluar një moment të vështirë në jetën e tyre, pasi gruaja Afërdita vuante nga tumori, por që fatmirësisht ia doli të fitonte këtë betejë.
Afërdita Laze, gruaja e biznesmenit Petrit Laze ka dhënë dëshminë para grupit hetimor lidhur me ngjarjen mbrëmjen e djeshme. 59-vjeçarja është shprehur se autorët kërkonin lekët, por nuk morën gjë. Ajo tregon se fillimisht pasi dëgjuan zhurmën në korridor doli burri, ndërsa hajdutët i drejtuan pistoletën. "Ndodheshim brenda në shtëpi. Vajza dëgjoj zhurmë dhe na tha dikush po hyn brenda. Petriti doli në korridor dhe një nga autorët i drejtuan pistoletën. Pasi dëgjova të shtënën dola dhe më qëlluan. Autoret kapërcyen murin dhe ikën me vrap. Kërkonin vetëm lekë. Nuk munden të merrnin gjë" tha ajo.
Përleshja mes çiftit që bëri rezistencë dhe autorëve ndodhi në korridorin e katit të dytë të vilës, pasi kati i parë ishte i përshtatur në biznes. Por si e njohin familjen Laze dhe si e mësuan ngjarjen fqinjët? Disa prej tyre u shprehën për Report Tv dëgjuan të shtënat gjatë tentativës së grabitjes.
"Kanë 20 vite këtu, janë familje e mirë, në punë dhe hallin e tyre. Hajdutët duhen varë, shteti nuk duhet të ketë mëshirë në këto raste. E mora vesh kur dëgjova zhurmën, të shtënat. Çifti ka një djalë dhe një vajzë. Kanë biznes, furrë buke" tha njëri prej tyre.
"Nuk ka siguri, kjo është siguria. Ai tjetri furnizon popullin me bukë, ai tjetri nuk të lë. Ngjarjen e mora vesh kur erdhi një makinë policie" tha një tjetër.
"Ata shikonin punën e tyre që kur erdhën këtu. I kemi të afërm nga Korça. Na erdhi shumë keq, se janë edhe prindër. E shoqja ka qenë e sëmurë rëndë. Ai i shkreti të shpëtojë për jetën e tij. Gjithmonë ai që i njeh vjen, ata janë të njohur, që të hyjnë brenda, se i huaji që nuk i njeh nuk hyn brenda" tha një tjetër banore.
Banesa e çiftit Laze që u tentua të grabitet mbrëmë në Tiranë ka kamera sigurie dhe sistem alarmi. Report Tv siguron pamjet që tregojnë kamerat e sigurisë në murë. Por autorët kanë hyrë nga pjesa e pasme e vilës, pasi krahu tjetër nuk kishte kamera sigurie. Pas banesës dy katëshe të familjes Laze është një tjetër vilë katër katëshe, ku disa hyrje ishin lëshuar me qira. Autorët kanë kaluar murin rrethues nga depozitat duke u futur në vilën e çiftit Laze. Çifti ka dy fëmijë, ndërsa në momentin e grabitjes në banesë ndodhej vetëm vajza, ndërsa djali jo.
Report Tv sjell pamjet nga vila e çiftit të biznesmenëve Laze që u tentua të grabitet mbrëmjen e djeshme në zonën e Alliasit në Tiranë. Sipas të dhënave nga grupi hetimor, autorët kanë qenë tre, dy u futën brenda për të grabitur, njëri me armë dhe tjetri kontrollonte për të gjetur lekët, ndërsa i treti i priste jashtë me makinë për t'u larguar.
Komente
Lajme të tjera
-
Tiranë/ Pallati gjysmë i rrënuar nga tërmeti kthehet në strehë për përdoruesit e drogës, ankohen banorët: Shteti ta shembë
29 Qershor 2023, 14:10
-
Pensionistët ‘dynden’ për të tërhequr bonusin e akorduar nga qeveria! Radhë e gjatë të moshuarish në Lezhë dhe në Tiranë (VIDEO)
6 Janar 2023, 11:07 -
Tymi mbulon pallatin në Tiranë, zgjohet mes flakëve apartamenti në Allias (VIDEO)
23 Nëntor 2021, 09:28 -
Plas një kapsollë në sheshpushimin e një pallati në Tiranë, trembet banori, alarmon policinë për lëndë plasëse
5 Shtator 2021, 09:44 -
Plagosi çiftin Laze në Allias, ekstradohet nga Kosova i riu! Ishte kthyer në 'makth i Tiranës', autor i mbi 500 vjedhjeve
5 Maj 2021, 10:01
-
Sherr mes 5 personave në Tiranë, njëri prej tyre qëllon me armë zjarri në ajër
23 Prill 2021, 21:22 -
‘Grabitje me pica’, u trokitën në derë dhe u përleshën me pronarët e banesës! Si i tradhtuan shenjat e gishtave hajdutët në Tiranë (FOTOT-EMRAT)
12 Prill 2021, 22:41 -
“Mos luaj oj nuse”, hajdutët iu hyjnë në kuzhinë, gratë tmerrohen
7 Prill 2021, 16:15 -
Grabitet me armë filiali i një institucioni financiar privat në Tiranë! Kërcënohen punonjësit dhe merret një shumë parash! Policia ngre pika kontrolli për kapjen e autorit
23 Janar 2021, 14:08 -
Përplasi për vdekje të miturën në Tiranë, burg për shoferin e dënuar më parë: Godita diçka me pasqyrë, s’e pashë ç’a ishte e u largova (Dedikimi i babait)
20 Janar 2021, 09:48 -
Shoferi që përplasi për vdekje 6 vjeçaren në derë të shtëpisë ishte i dehur! Ahmeti: Rruga s’ka sinjalistikën e duhur
18 Janar 2021, 14:05 -
6-vjeçarja aksidentohet për vdekje në derë të shtëpisë në Tiranë! Banorët: Rruga problematike, makina me 3 burra u largua! Policia kap shoferin
17 Janar 2021, 13:06
Kapini dhe te varen qente
PërgjigjuMENDON QE HAJDUTERIA NE SHQIPERI KA NJE DAKORTESI NGA SHTETI mere jemi shtet fukara
Përgjigju