POP 5

Lajmet më të lexuara të 5 minutave të fundit

Ekonomi

Dhoma Amerikane: Klima e biznesit është përmirësuar! Ulet korrupsioni, shqetësim monopolet

Klima e Biznesit është përmirësuar në vitin e kaluar dhe sinjalet janë pozitive edhe për këtë vit. Ky është perceptimi i bizneseve amerikane në indeksin e fundit të publikuar. Pozitivisht vlerësohet ulja e korrupsionit dhe funksionimi i drejtësisë, por nga ana tjetër kompanitë vlerësojnë shqetësim gjetjen e punonjësve, prezencën e monopoleve dhe ekonominë informale.

Mungesa e punonjësve të kualifikuar është sfida kryesore me të cilat po përballen bizneset amerikane në vendin tonë.

Në konferencën vjetore të prezantimit të Indeksit të biznesit, drejtori ekzekutiv i dhomës Neritan Mullai listoi 4 problematikat kryesore me të cilat po përballen kompanitë ku kryeson mungesa e stafit.

“Gjetja e stafit të kualifikuar është problemi kryesor, monopolet dhe konkurrenca e pandershme, ekonomia informale dhe burokracitë qeveritare. Anëtarët e dhomës amerikane është në krye të listës si problem për anëtarët e dhomës dhe ky tregues ka një rënie me 1.4% dhe është problem kryesor”, u shpreh Mullai.

Ndërkohë është përmirësuar indikatori i luftës kundër korrupsionit si dhe vlerësohet pozitiv ndikimi që po jep drejtësia e re.

“Indikatori që ka një përmirësim është për mënyrat më të mira të luftës kundër korrupsionit, ka shënuar një rritje me 3.8%”, tha Mullai.

Në tërësi Dhoma Amerikane e Tregtisë vlerëson se klima e biznesit në vend është përmirësuar në vitin 2022, dhe mbeten pozitive edhe sinjalet e vitit aktual. Sipas raportit indeksi i biznesit për vitin e kaluar u rrit me 1.99 pikë dhe ishte në nivelin prej 43.4%.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gazmendi: 09/12/2023 21:46

    A është kjo një shaka e ditës së budallenjve?

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Sara Hoxha: Nuk kam qenë kurrë bashkëshortja e Ledri Vulës

Sara Hoxha: Nuk kam qenë kurrë bashkëshortja e Ledri Vulës

27 Prill, 08:15