POP 5

Lajmet më të lexuara të 5 minutave të fundit

Kronikë

Dita e 11 e grevës, naftëtarët mbyllin derën dhe marrin vendimin ekstrem: Do dalim vetëm kur të na nxjerrin me barela (VIDEO)

Naftëtarët e Ballshit të cilët ndodhen prej 11 ditësh në grevë urie kanë marrë një vendim ekstrem.

Naftëtarët e Ballshit të cilët ndodhen prej 11 ditësh në grevë urie, kanë marrë një vendim ekstrem.

Duke parë neglizhencën e organeve të shtetit dhe kompanisë përgjegjëse ata nuk do të lejojnë asnjë person që të futet brenda në ambientet ku po zhvillojnë grevën e urisë.

Ata e kanë mbyllur derën dhe nuk lejojnë asnjë person që të futet brenda. Naftëtarët janë shprehur se do të vetëflijohen për ta kuptuar se nga kjo grevë mund t'i nxjerrin vetëm me barelë.

"Do të mbyllim derën kryesore dhe askush nuk do të futet brenda. Vetëm kur të na nxjerrin me barelë", mësohet të kenë thënë naftëtarët.

"Sot është dita e 11 e grevës sonë dhe nuk shikojmë asnjë reagim ashtu siç pritet dhe siç duhet të jetë. Deri në këto momente që flasim unë ndihem vetë keq nga gjendja shëndetësore, por të gjithë kolegët e mi kanë marrë një vendim që të gjithë të jenë të bindur. Këtu nuk ka show. Falënderojmë mediet sepse falë jush problemet tona kanë shkuar në instancat më të larta. Nga ky moment u konsultuam me të gjithë kolegët dhe nuk do të pranojmë më as shërbim shëndetësor dhe as ju të medies. Do iu kërkojmë mirëkuptimin tuaj. do të fikim të gjithë telefonat, do të kyçim dhe derën e jashtme, vetëm kur të na nxjerrin me barela, që ata të kuptojnë që këtu nuk hyhet as kafja as uji dhe asnjë gjë tjetër. Edhe ujin do ta ndërpresim. Vetëm kur të na nxjerrin me barela që këtej. Le të bëjnë show me jetët tona ata",- tha kreu i sindikatës Sokol Dautaj.

Pavarësisht se iu premtua zgjidhje edhe nga kreu i PD-së Lulzim Basha, asnjë ndihmë konkrete nuk ka ardhur për naftëtarët e Ballshit.

Ndërkohë që kryeministri Edi Rama tha se e gjithë kjo gjendje ka ardhur për shkak të privatizimit kriminal të kompanisë së rafinerisë.

Rama u shpreh se ka folur me Presidentin e Azerbajxhanit dhe po përpiqet që të gjejë një zgjidhje.

Në anën tjetër nuk ka ende një zgjidhje për kërkesat e naftëtarëve. Ata kërkojnë marrjen e pagave të prapambetura si dhe rifillimin e punës në uzinë.

 

Kreu i sindikatës së naftëtarëve duke mbyllur derën ku ndodhen në grevën e urisë

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 09/10/2020 00:31

    Kjo eshte tragjedia shqipetare.Eshte e tmerreshme qe nafta eshte jona,rafinerite jane tonat,por Rama duhet t'i puthe ....,presidentit te nje nga vendeve me te fundit te Euro-Azise,Azerbaxhanit.Ka ardhur koha qe shteti shqiptar te rimarre ne dore pasurite kombetare.Duhen gjetur mekanizma te tilla ligjore qe keto pasuri si dhe minierat,guroret etj qe jane kryesore,por qe jane privatizuar nga te huajt te rimerren ne nje menyre qe te mos perfundohet ne arbirtrazh.Ligje duhen bere qe kure me pasurite kombetare te jene ne duar te te huajve.Duhet vepruar njelloj si me bregdetin.Gjithashtu shteti kur behet fjale per pasuri kombetare te rifilloje blerjen e aksioneve,aq shume sa qe ne rast se ta zeme ,privati tenton te shese aksionet e tija nje te huaji, shteti te kete mundesi me veto aksionesh te bllokoje nje shitje te mundshme te nje I huaj.Pra shteti te jete aksioneri kryesor,dhe asgje te mos behet pa lejen e tij dhe kur te behet te aksioneret te jene vetem vendas.

    Përgjigju
  • Kafsha 2: 08/10/2020 16:26

    Ja pra keshtu eshte kur voton partite : I voton qe kur te vine ne pushtet te ushtrojne vendime dhe ligje per te drejtat e tua!! Kush ata: ata qe ti I zgjedh me deshire me vote dhe flasin gjithe parime ne emrin e popullit!! Sa mbrapa qe jemi vertet.

    Përgjigju
  • Populli: 08/10/2020 10:18

    si fillojne grvat ne kete vend njesoj si zjarret ne vere..

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

2-vjeçari me tumor priti mbi 10 ditë për ilaçin e kimioterapisë, Partia e Lirisë: Duhet hetim, sistemi shëndetësor ka degraduar

2-vjeçari me tumor priti mbi 10 ditë për ilaçin e kimioterapisë, Partia e Lirisë: Duhet hetim, sistemi shëndetësor ka degraduar

26 Dhjetor, 20:00