Djegia e karrigeve të Kuvendit nga PD, fatura e dëmit rreth 765 mijë lekë të rinj! Bardhi do zhdëmtojë 'pjesën e luanit', lista me 4 deputetët e gjobitur (DOKUMENTI)

TIRANË- Djegia e karrigeve gjatë seancës kaotike parlamentare të 30 shtatorit në Kuvend nga ana e opozitës, ka edhe një faturë financiare. Grupi i Kontrollit dhe auditit të inventarit të dëmeve që ngriti vetë Kuvendi, ka përfunduar bilancin dhe nxori në përfundim shifrën e 764.922 mijë lekëve të reja.

Gjithashtu janë nxjerrë edhe listat e përgjegjësve dhe faturat që do paguajë secili prej deputetëve të opozitës.

Konkretisht sipas filmimeve në dëmtimin, djegien e karrigeve, shkatërrimin e mikrofonëve, dyerve dhe foltores, janë deputetët e PD Gazment Bardhi, Flamur Noka, Bledjon Nallbati dhe Elda Hoti, të përjashtuar me 40-60 ditë nga Kuvendi dhe madje të dënoncuar në Prokjurori bashkë me 19 kolegë të tjerë.

Gazetarja e Report TV, Esiona Konomi ka siguruar edhe dokumentin e raportit të dëmeve.

Bardhi duhet të zhdëmtojë dëmet me vlerë 209.175 lekë dhe ka ‘pjesën e luanit’ të faturës, Noka duhet të zhdëmtojë dëmet me vlerë 187.455 lekë, Nallbati vlerën 187.455 lekë dhe Hoti duhet të zhdëmtojë dëmet me vlerë 180.837 lekë.

Pas dënimit të Ervin Salinajit me 1 vit burg për kallëzim të rremë në dosjen Babale, opozita nisi skenarët e kaosit në Kuvend. Edhe seancës e së enjtes priten skenarë kaosi. 

A.Q/SI.E./Shqiptarja.com

TAG:
• PD kaos ne kuvend
• Parlamenti
• gazment bardhi
• elda hoti
• flamur noka
• Bledjon Nallbati
• Djegia e karrigeve