Djegia e mandateve, deputetët e PD-së i bashkohen thirrjes së Bashës

Kryedemokrati, Lulzim Basha ka mbledhur sot grupin parlamentar të Partisë Demokratike ku po diskutohet propozimi i tij lidhur me djegien e mandateve. Gjatë mbledhjes disa nga deputetët e PD janë shprehur pro propozimit të Bashës. Ndër to janë Flamur Noka, Andon Frroka, Edmond Spaho, Agron Shehaj dhe Klevis Balliu.

Noka ka thënë se PD duhet t'i bashkohet qytetarëve sepse nuk mund të vazhdojnë të qëndrojnë një opozitë fasadë.

"Duhet djegie e mandateve, të bashkohemi me qytetaret. Ky eshte nje regjim, nuk mund te sillemi normalisht, te jemi opozite fasade", daklaroi Noka.

Edhe Andon Frrokaj i cili është shprehur pro djegies së mandateve e ka lidhur vendimin e tij me protestën e 16 shkurtit dhe pjesëmarrjen qytetare e cila sipas tij ishte një miratim se PD është shumicë.

"Me sakrifice. Ne duhet te dalim ti themi qytetarëve jemi si ju, pa asnjë ndryshim. Eshtë koha për veprim. Ajo pjesëmarrje është miratim për ne, ne jemi shumicë sot me qytetarët. Une jam i gatshëm per përballemi drejtperdrejtë me të. Ai ka votuar ca ka dashur, me ne në parlament, deklaroi Spaho.

Deputeti demokrat Edmond Spaho ka thënë se PD nuk duhet të lëkundet nga vendimi për djegien e mandateve.

"VOA ka dalë edhe ka pranuar që zgjedhjet janë vjedhur dhe janë kapur nga Rama. Nuk duhet kalojë kaq lehtë. Akuza që na kanë vënë është që nuk i cojme gjërat deri ne fund. Kështu qe nuk duhet te levizim nga djegia e mandateve. Zgjedhje me Ramen nuk hyjme se ai prapë do na i vjedhi. Keshtu që djegia eshte presioni me i mire dhe dalja ne krah te vullnetit te qytetareve", tha Spaho.

Agron Shehaj, një tjetër deputet pro djegies së mandateve ka thënë se nuk duhet të kërkojnë vetëm largimin e Ramës por edhe arrestimin e tij.

Largimi i rames nuk eshte garancia e vetme per zgjedhjet e lira. Ne duhet te veme kusht hetimin e rames dhe arrestimin e atyre qe kane vjedhur ne 2017. Une jam dakort qe mandatet duhen djegur, kjo eshte gjeja e duhur. Ceshtjet teknike i zgjidhni ju. Ne sduhet ti afrohemi parlamentit dhe komisioneve. Rama ka nevoje per normalitet, ne jo, deklaroi Shehaj në mbledhjen e grupit parlamentar të PD.

Ndërkohë që Klevis Balliu e quajti këtë vendim një sakrifice minimale për qytetarët, duke shktuar se mandatet e PD nuk kanë vlejtur në parlament. 

"Pro djegies se mandateve, eshte sakrifice minimale per qytetaret. Mandatet tona nuk kane vlejtur ne parlament. Kauza eshte me e rendesishme sesa mandatet. Rama eshte rrezik kombetar, ti bashkohemi shqiptareve pa mandate sic jane ata", tha Balliu.

Florion Mima deklaron se rruga e vetme për të qenë pranë qytetarëve është djegia e mandateve

"Njerezit na thone ju rrogat i merrni, ne vdesim per buke. Une jam per djegie mandatesh ne menyre absolute. Nuk jam per asnje skenar tjeter, kjo eshte rruga e vetme. Bashke me qytetaret aty, tha Mima.

Oriola Pampuri e quan djegien e mandateve një akt sublim që do mbahet mend gjatë.

"Akti më sublim që mund te bëjmë. Do mbahet mend gjatë dhe mbështes propozimin tuaj per djegie mandatesh", përfundoi deutetja Pampuri.

Gent Strazimiri deklaron se në paralament nuk arrihet të bëhet politikë.

"Kemi  gjithcka ne parlament por politike nuk kemi bere dot. Aty nuk arrihet te behet politike. Keshtu qe jam pro. Nuk ka moment me te mire pas pergjigjes qe na dha populli ne 16 shkurt. Ata qe na dhane mandatin, i themi ne nuk bejme dot politike ne ate parlament, ja mandati ja u kthejme juve. Eshte fillimi i nje rruge per demokraci. Per komunistet parlamenti ka qene legjitim edhe 46 vjet pa opozite. Ata jane mesuar me rregjim. Ti hapim betejë", tha Strazimiri.

Deputeti Aldo Bumci deklaron se djegia e mandateve duhet të shoqërohet për përshkallëzim në terren.

"Djegie mandatesh ne menyre te qarte dhe te shoqerohet me pershkallezim ne terren. Te jemi me qytetaret, rruga te jete politika jone. Nuk futemi ne asnje lloj zgjedhje", deklaroi Bumci.

Lajmi kryesor:

PD, LSI dhe aleatët e tjerë opozitarë pro djegies së mandateve, Lefter Koka kundër: Nuk heq dorë

TAG:
• lulzim basha
• djegia e mandateve