Në Qendrën Spitalore Universitare në Tiranë Trombectomia, një ndërhyrje urgjente dhe jetëshpëtuese, është zhvilluar 16 vite më parë por prej 10 vitesh është e pamundur sepse asnjë euro nuk është investuar në aparatura dhe pajisje.
Një investigim i Report Tv tregon se mjekë drejtues në QSUT i kanë dërguar shkresa të vazhdueshme drejtorisë së Qendrës Spitalore por edhe Ministrisë së Shëndetësisë duke e vënë në alert gjatë gjithë kohës për problematikën, rëndësinë e zgjidhjes së saj, por nga ana tjetër duke i mëshuar vështirësisë së zgjidhjes dhe faktit që kushton shumë.
Report Tv ka siguruar disa shkresa të drejtuara krerëve të shëndetësisë nga mjekët Mentor Petrela dhe Arben Rroji që kërkojnë një zgjidhje por të dy sot punojnë në Spitalin Amerikan 3 pikërisht për ta bërë trombectoni me një kosto operacioni për pacientët 20 mijë euro.
Në një shkresë që mban datën 11 shtator 2014, që i është drejtuar Drejtoreshës së Përgjithshme të QSUT-së në atë kohë, sot ministre e Shëndetësisë, Ogerta Manatirtliu, doktor Mentor Petrela e informonte drejtorinë e spitalit se operacione të tilla të vështira në tru me katetër pa hapje të kokës ishin bërë më herët në spital, 30 me donacion të profesorit francez Emmanuel Houdart dhe 10 të tjera me buxhet. Ndërkohë që kostoja e materialeve theksonte doctor Petrela shkon 7 deri në 10 mijë euro. Kujtojmë se Amerikani nuk të fut në operacion sot pa 20 mijë euro.
Një tjetër shkresë e dërguar në shkurtin e vitit 2015 ministrit të atëhershëm të Shëndetësisë Ilir Beqaj, për dijeni drejtoreshës së atëhershme të QSUT Ogerta Manastirliu, mjeku Mentor Petrela kërkontë më shumë vëmendje për urgjencën neurologjike, krijimin e një njësie që ai e quan ‘stroke unit’ për të rritur shërbimin.
Komunikimi mes mjekëve dhe autoriteteve ka vijuar në vazhdimësi, edhe kur drejtoresha e kaluar e QSUT u bë ministre. Në një shkresë të gjatë drejtuar Manasterliut më 7 korrik të vitit 2020 nga doktor Arben Rroji, në cilësinë e shefit të Kabinetit të Neuroradiologjisë Diagnostikuese Madje mjeku Rroji 3 vite më parë parashikonte 30 pacientë në muaj me një kosto totale vetëm me materiale, nëse aparatura do të ekzistonte 3 mln euro në vit.
“Nisur nga shifrat statistikore te regjistrit tone te STROKE kemi 30 paciente ne muaj qe duke llogaritur kostot materiale 10000 euro për pacient, shkojnë 300.000 euro në muaj ose 3 milion euro në vit“.
Mjeku më pas theksonte gjithashtu se trombektomia në QSUT se pari kërkon edukimin.
Shkresa e fundit e dërguar, që Report Tv ka zbuluar, është ajo e datës 28 qershorit 2021, drejtuar Enkelejdi Jotit, Drejtor i Përgjithshëm QSUT "Nene Tereza".
Edhe në këtë shkresë Arben Rroji, shef i Kabinetit të Neurorafiologjisë Diagnostikuese Intervecionuese, por që vijon dhe bën operacionin e trombektomisë në Spitalin Amerikan 3, I thotë eprorit të tij se kërkesat minimaliste për ta ofruar këtë shërbim në QSUT janë 1 mln euro stente, personel shtesë, aparatura shtesë.
Report Tv përmes burimeve ka mësuar se në QSUT aktualisht janë dy mjekë që mund ta bëjnë një operacion të tillë, të cilët duhet të jenë të dy pjesëmarrës në një ndërhyrje. Por sipas mjekut Rroji, i cili është një prej këtyre dy mjekëve që punojnë edhe te Spitali Amerikan 3, për për të ofruar shërbimin 24 orësh sipas njërit prej mjekëve duhen 18 mjekë, pasi kemi të bëjmë me një procedurë urgjente, që kërkohet të bëhet në çdo orar të ditës dhe natës dhe mjekët duhet të jenë në dispozicion.
Një shifër e tmerrshme që lidhet me mungesën e kësaj aparaturë në QSUT është ajo që lidhet me ndërhyrjet për heqjen e aneurizmave në tru ose që quhen ndryshe fluska në tru. Burime për Report Tv kanë konfirmuar se aktualisht ato operohen në spital por vdekshmëria është tmerrësisht shumë e lartë, 30-40% të pacientëve. Ndërsa nëse do të operohej me aparaturën moderne angliograf dhe pajisjet e nevojshme qe QSUT nuk disponon vdekshmëria është 8%. Pra rreth 30% të pacientëve që kanë probleme me aneurizmat vdesin në QSUT për shkak se një aparaturë nuk ekziston. Që të shpëtojnë edhe këta duhet të drejtohen te Spitali Amerikan.
Për ta përmbyllur, investimi për t’i shpëtuar jetën shqiptarëve ka qenë dhe është më shumë se i mundur, por neglizhenca, por edhe konflikti i interesit apo vullneti për t’ia lënë në dorë privatit një monopol kaq fitimprurës i ka lënë rreth 30 shqiptarë në muaj në mëshirë të 20 mijë eurove.
Siç mjekë të neurokirurgjisë në QSUT theksojnë ndërhyrjen e trombektomisë vetëm Kosova nuk e ofron në rajon. Por megjithatë kosovarët vijnë në Shqipëri, te privati në Tiranë, dhe pagesat ua mbulon shteti deri në 80% të shpenzimeve. Ne Shqipëri as kosto nuk e mbulohet nga shteti.
Qëmdra Spitalore Universitare Nënë Tereza ka kthyer një përgjigje në Email sa i takon shqetësimit të ngritur prej ditësh nga Report Tv për mungesën e aparaturës së Trombectomisë.
Në Qendrën Spitalore Universitare në Tiranë Trombectomia, një ndërhyrje urgjente dhe jetëshpëtuese, është zhvilluar 16 vite më parë por prej 10 vitesh është e pamundur sepse asnjë euro nuk është investuar në aparatura dhe pajisje.
Përgjigja e dhënë nga QSUT:
Pershendetje,
Në përgjigje të kërkesës tuaj për informacion, ju informojmë se: ne QSUT trajtohen një numër shumë i madh pacientësh me të gjitha llojet e patologjive. Vetëm për vitin 2022, janë shërbyer e trajtuar në total (shtrime dhe shërbime ambulatore) 525.616 qytetarë. Numri i pacientëve të trajtuar në Spitalin e Neuroshkencës për patologji neurovaskulare është 4816 pacientë për vitin 2022, të trajtuar nëpërmjet ndërhyrjeve kirurgjikale dhe trajtimeve invasive të llojeve të ndryshme.
Qendra e parë e trajtimit të aksidenteve vaskulare cerebrale (trombolizës) u krijua në QSUT në 2016. Qendra e trombolizës vazhdon aktivitetin me shifra suksesi të nivelit bashkëkohor, ku deri më sot janë shërbyer mbi 700 pacientë.
Trajtimi i aksidenteve cerebrovaskulare nëpërmjet trombolizës, kryhet me sukses të krahasueshëm me të njëjtin koeficient si në spitalet europiane, bazuar në protokollet mjekësore të kohës së përfitimit, falë mundësimit 100% të ekzaminimeve imazherike dhe laboratorike në kohë reale nga shërbimi i urgjencës dhe Njësia e Stroke.
Diagnoza e sëmundjeve neurovaskulare kryhet sipas standartit bashkëkohor nga neuroradiologë dhe teknikë të cilët kanë në dispozicion pajisje të fjalës së fundit, si rezonanca 3 Tesla, e vetmja e ketij lloji në Shqipëri, si dhe aparatura angioskanera me prerje të larta (deri 128). (Sa më sipër informojmë se aparaturat në Shërbimin e Neurokirurgjisë janë në sistem mirëmbajtje dhe përdoren të gjitha sipas protokolleve mjekësore të përcaktuara nga shërbimet klinike)
Përsa i përket procedurës DSA (vizualizimi me kontrast i rrjetit të enëve të gjakut të trurit), sot kryhet në Shqipëri nëpërmjet bashkëpunimit me Spitalin Memorial, pas konsultimit paraprak mes stafeve mjekësore, pra shërbimi për këtë protokoll sigurohet për pacientët që referohen për këtë ekzaminim.
Aparaturat e nevojshme për kryerjen e procedurave invazive të ketyre kategorive (enëve të gjakut të zemrës, kokës dhe periferike) janë angiografët. Në spitalin e Neuroshkencës ndodhet një prej katër angiografëve që disponon QSUT (të gjithë funksionalë), në të cilën kryhen procedurat endovazale prej vitesh me përfitim shumë të madh për jetën e pacientit.
Përgjatë ketyre viteve në mënyrë të vazhdueshme, mjekët specialistë neuroradiologë kanë kryer procedurat endovazale, me metoda invasive, si dhe po aftësohen në vijimësi për trombektominë dhe kryerjen e saj.
Në kuadrin e investimeve të reja nga MSHMS, në Spitalin Qendror të QSUT është instaluar një pajisje e re, Angiograf, e tipit COMBI në Urgjencë, që mundëson kryerjen e diagnozës dhe trajtimit të trombeve (me shkaqe të ndryshme) në enët e gjakut të zemrës, kokës dhe periferike. Paralelisht me kryerjen e procedurave të ekzaminimeve dhe trajtimeve invasive në zemer, apo vazat karotide, po punohet njëherazi për fillimin e kryerjes në këtë strukturë dhe të trombektomisë sipas protokolleve përkatëse.
Në vijim të punës për shtimin e trajtimeve të reja në QSUT, sikurse është procedura e trombektomisë, po ecet me një plan veprimi të qartë dhe një grup pune, që po ndjek hap pas realizimin në një kohë të afërt të kësaj procedure.
Me respekt,
Komente
Lajme të tjera
-
Dy muaj e gjysmë jashtë funksionit, pamjet nga dëmi i shkaktuar nga zjarri në Urgjencën e QSUT-së! Vijon puna për rikthimin në normalitet
23 Prill, 09:13 -
Bonusi i bebes, nga viti 2019 përfituan mbi 210 mijë fëmijë
23 Prill, 08:18 -
QSUT 4 muaj pa shintigrafi, mungon sërish jodi për funksionimin! Një muaj pas denoncimit të Report Tv MSH s’e siguron! Dhjetëra pacientë te privati
22 Prill, 13:32
-
Programi për kujdesin e shikimit, mbi 55 mijë fëmijë kryen kontrolle
22 Prill, 12:50 -
Financim nga qeveria, do rehabilitohen 5 shkolla në Shkodër, Rama: I ndryshojmë faqe infrastrukturës arsimore
20 Prill, 14:22 -
Zjarri në Urgjencën e QSUT-së, Prokuroria e Tiranës urdhëron riekspertim të shkaqeve, merren në pyetje dhe teknikët
16 Prill, 09:36
-
Zjarri në urgjencën e QSUT, 30 milionë lekë rehabilitimi! Ministrja Koçiu në Komisionin e Shëndetësisë: Brenda majit kthehet funksioni
15 Prill, 11:24 -
Dita Ndërkombëtare e Romëve, Koçiu: Fuqizim i dijeve dixhitale për punësimin e të rinjve të komunitetit rom dhe egjiptian
8 Prill, 15:41 -
‘Ikën dritat 2 orë e vdiqën 4 të intubuar' QSUT i përgjigjet Vokshit: E pavërtetë! Pati luhatje energjie, por jeta e pacientëve s’është cënuar
8 Prill, 13:44 -
'Shëndetësia'/ Opozita kërkon dëgjesë me ministren për zjarrin në QSUT: Ende s’dimë shkakun! PS: Koçiu do flasë të enjten në Kuvend
8 Prill, 11:13 -
ISHP kryen për herë të parë analiza të thella gjenetike për viruset respiratore
29 Mars, 22:38 -
Miliona euro dëme, endoskopia e pacertifikuar, pediatria në rrezik shembjeje… Shkeljet që gjeti raporti i KLSH në QSUT në Tiranë
27 Mars, 17:32
O komentues po lexoni nje here artikullin pastaj komentoni, apo keni frike se ju ikin sufllaqet. Mjeket e kane vene ne dijeni edhe Manastirliun edhe Beqjen
PërgjigjuO sufllaqe. Ne c’dijeni e kane vene shtetin? Pse punojne dhe ne shtet dhe ne privat? Nese nuk e bejne ne shtet (mbase skane materiale) le ta lene shtetin dhe te punojne ne privat.
Veting mjekeve , pas policeve ne veting duhet te hyne sezben mjeket . Kane fuoristrada lek ne banka shtepia tuj rrjep popullin
PërgjigjuNdodh që edhe me aparaturat e shtetit bëhen nderhyrje në privat se ka palo mjek kemi, turp e faqezinje të rendomte që nuk kanë asnjë lidhe me betimin e Hipokratit, lkist të krimbur që ku kalbshin kryet.
PërgjigjuKorrupsioni ne shendetesi eshte i njohur. Po te flasesh per te do te thone eshte i cmendur
PërgjigjuMjekët punojnë në shtet të sabotojnë aparaturat dhe sherbimin dhe të ulin imazhin e publikes me qëllim të fitojë privati. Unë po i coj ministrat në burg që të fitojë Basha, pra unë e Saliu bashkë
Ju kujtohet ai hollandezi,a belgu a cfare ishte qe beri nje leter te hapur per gjendjen e spitaleve,pasi i kishte provuar dhe vete? Ju kujtohen qesendite dhe ironite me te cilat u prit letra e tij? Ju kujtohet pergjigjja e ministrise,apo spitalit ndaj letres se tij? Ishte pergjigje shabllon, shume e ngjashme me kete te sotmen.Besoj se ai zoteria i huaj nese do te ndiqte kete /drame/ te spitaleve tona,do te /qeshte i fundit/,si i thone fjales! Nejse, te na rrojne rrogat e deputeteve/zyrtareve,qeraja e sateliteve e te tjera si keto,pa per spitalet,po mbeti ndonje cent do ua japim!
PërgjigjuDisa pyetje qe deshiroj ti pergjigjet gjak piresi mentor petrela. 1- pse kjo procedure realizohej ne qsut deri ne momentin qe ky profesor nuk kishte filluar ne spitalin amerikan? 2- thot qe kishte materjale dhurat per 30 pacient, po te tjeret si i ka trajtuar? 3- pse ky profesor nuk ka kerkuar qe spitali amerikan ta uli cmimin per keto operacione jet shpetuese? Cuditerisht tani dalin shkresat e mentor petreles. Faji i qeverise sepse nuk behet pazar me jet njerezish. Keta mjek te punojne ose ne shtet ose ne privat. JO TRAFIK JETESH NJEREZORE
PërgjigjuAmerikan leshi! Ne ate spital qe rrjep shqiptaret ska shkelur kurre kembe amerikani
Në qoftëse do të kishte qënë koha ime besoj se soji dhe sorollopi i këtyre të ashtuquajturve prof.dokt. emjekësh do të bënin punën me një këmbë.Këta të sotmit janë si tregëtarët e bulmetit apo ndonjë produkti tjetër që dhe në institucionet shtetrore kërkojnë kusurin pa më të voglin hezitim.Në kohën eatij të ashtuquajturit diktator për një kokë bagti kërkohej informacion si,qysh e tek ndodhi si ngordhia enjë bagtie dhe një difekt.Nuk justifikoj qeverin se në pikpamjet e mia jan diametralisht kundra por ,personeli mjekësor të bëjnë detyrën si ai...Hipokrati dhemë pas të presin shpërblimin që e kërkojnë pa pikën e turpit.Për mjekët dhe personelin teknik paga t'u bëhet me koefiçent gatishmërie dhe mjekimi.
PërgjigjuShume histori e gjate. Ne QSUT nuk arrijne te bejne analiza gjaku,dhe po na flasin per operacione te nderlikuara.
PërgjigjuPër miqtë e SPAK-ut, a nuk është vrasje me plot kuptimin e fjalës fakti që kanë vdekur njerëz nga sabotimi që mjekë dhe pëgjegjës kanë bërë duke mos mbajtur operative atë sallë dhe aparatura për urgjencat që duhet të trajtojnë?
PërgjigjuKriminela! Po luani me jeten e njeriut dhe te femijeve te tij!
PërgjigjuKy quhet krim shteteror ne mjekesi, eshte e pa falshme, spitali Amerikan eshte kriminal dhe eshte vetem per te rjepur popullin ne ate spital ka pasur raste qe paciente kane vdekur ne renimacjon dhe i kane mbajtur aty vetem per ti cvarur familjaret por ne nje vend ku nuk ka shtet keto jane normale. Na rrofshin dodinat e bukura se brenda vdekjen e ke te sigurt.
PërgjigjuJa keni ba rrogen mjekut 2 milion lek nuk Po ngjallin te vdekurit nga vorri thjesht Po bejne punen dhe marrin rrogen per ate paguhen. Japin mesim edhe neper fakultete rroge plus , zoti rama veting mjekeve dhe do shikosh sa do rritet GDP e shqiperise
PërgjigjuMjeket duhen paguar mire ne shendetesine publike, qe te kesh mundesi te te afrohen me te miret, keshtu ndodh ne gjithe boten!! Sot normal eshte kjo situate sepse shteti e ka lene qellimisht hapesiren e konfliktit te interestt te mjekeve, sepse mjeku i mire do qe te paguhet per zotesine e tij, dhe e gjen te arsimi, apo tek sherbimi mjekesor privat ate kompesim. Duhet te biem dakord ne shqiptaret c'fare duam,o korrupsion, o keshtu si eshte sot kjo forme e ligjeshme por ne konflikt interesi per mjeket, ose duhet qe te kontribohet me shume e me mire per shendetesine, sepse mjeku i zote duhet te paguhet per sherbimin, dhe eshte gjeja me normale, ajo qe nuk eshte normale eshte qe shteti nuk mundet te kthehet nga ana tjeter kur behet fjale per jeten e shqiptareve. Eshte nje e drejte kushtetuese qe shteti ti garantoje sherbimin mjekesor publik, dhe shqiptaret paguajn konttibute per kete, nje administrate publike duhet te gjeje menyren qe shqiptaret qe nuk kane mundesi ekonomike te mos vdesin sepse nuk munden nga ana ekonomike te mund te sherohen, per ndryshe, mund te quhen edhe vdekje si pasoje e mosveorimeve shteterore!!
Faleminderit Z . Carlo Bollino që bërët një investigim të plotë në lidhje me aparaturat për ndërhyrje kirurgjikale në tru ( trombocitopeni) . Unë mendoj që fajin më të madh e ka shefi i neurokirurgjsë de facto mentor petrela
PërgjigjuKu ka informacion populli se cfar makinacionesh behen ne Ministrine e shendetsise ! Report ka kohe qe publikon kete maskarade qe ndodh me sherbimet e spitaleve publike , i detyron te paguaj e mijera euro ku mundesia me kete popull fukara eshte xero ti gjej.Te vdesin njerezit? Manasstirliu duhet te dal ti pergjighey popullit dhe jo te na bej show me inagurime,ku me teoer flet ajo se sa mjeket e fushes.Paguesh nga oarate e popullit pergjigju situated se krijuar ne institucionin tend ose largohu perfundimisht nga afminisyrata publike dhe shko sherbeji spitalit amerikan
PërgjigjuNUK ka SHTET !! SHTETI ka réné né dorén e BANDAVE KRIMINALE dhe ORGANIZATAVE MAFIOZE qé prishin PAJISJET SHTETÉRORE , dhe Mjekèt PUNOJNÈ edhe tek PRIVATI edhe né SHTET !!!!! SHTET KURVÉ fund e krye !!! 33 Vjet VJEDHJE , GRABITJE , PLAÇKITJE , KORRUPSION KORRUPSION KORRUPSION KORRUPSION !! Vetém ENVER HOXHA punoi me NDERSHMÉRI dhe PASTÉRTI , pér POPULLIN SHQIPTAR . KRIMINELÈT , BANDITÈT dhe KRYE HAJDUTÉT e Politikès 33 Vjeçare kané SHKATÉRRUAR gjithçka dhe kanè VJEDHUR gjithé DJERSÉN e POPULLIT SHQIPTAR !!!
PërgjigjuMentor Petrela, èshtè sinonimi i korrupsionit nè radhèt e mjekève, pa asnjè skrupull dhe format njerèzor. Jo, korrespondenxa e kètij sharlatani me kukullat e kèsaj qeverie tè korruptuar, nuk duhet tè ketè asnjè vlerè informuese apo vkerèsuese. Petrela, èshtè KORRUPSIONI QÈ VRET SHQIPTARÈ nè spiralet shqiptare. Njèherè e njèkohè, edhe ky kryeministèr fjalèshumè, e pèrmendte Petrelèn si ikonè tè korrupsionit por si shumè gjèra tè tjera qè ai ka thènè mè parè,,,kanè mbetur ashtu si ato bajgat e lopès. Problemi ynè shfarosès sot, èshtè korrupsioni masiv qeveritar, qè shfaqet dukshèm, aty ku qytetari ka nevojè pèr shèrbimin e shtetit. Shèndetèsia, èshtè njè nga kèto shèrbime jetike.
PërgjigjuKry.ministrit e ministres se shendetesise duhet tu vije turp per kete mjeksi qe ka shqiperia,korrupsion, aparatur te prishura,pisllëk ne spitale,banjo skandaloze ne urgjenca(ne Lezhe)
PërgjigjuMbajne peng vendin e punes per tu siguruar qe sherbimi te mos ofrohet ne shtet, dhe sherbimin e ofrojne vetem ne privat
PërgjigjuE tere pergjegjesia per kete mungese sherbimi bie mbi KRYEMINISTRIN E ZI TE TE ASHTUQUAJTURËS "rilindje" I CILI PREJ 10 VJETESH END RRJETEN E KRIMIT E TE KORRUPSIONIT MONUMENTAL DUKE E KTHYER SHTETIN SHQIPTAR NË NJË XHUNGEL TE NJOHUR JO VETEM NE BALLKAN POR NE EUROPE E PERTEJ ATLANTIKUT.
Përgjigju