/ ATSH / - Fenomeni i grumbullimit dhe depozitimit të mbetjeve urbane në Qarkun e Shkodrës tashmë po kthehet në një problem mjedisor.
Përqëndrimi  i  drejtuesëve të bashkive dhe komunave te fushata elektorale për zgjedhjet vendore, duket se ka bërë që këta  të lënë pas dore detyrat që kanë në administrimin e pushtetit lokal.
Mjedisi është i pari që po vuan pasojat e kësaj neglizhence, pasi mbetjet kanë pushtuar sipërfaqe të tëra toke, brigje lumenjsh dhe segmente rrugore.
Gjendjen  alarmante e pranojnë  edhe  kryeinspektori i Mjedisit në Shkoder, i cili e konsideron të turpshme mosmenaxhimin e mbetjeve dhe heqjen dorë nga detyrimet ndaj komunitetit, duke  theksuar  se në  prag të sezonit turistik vemendja do të përqëndrohet në  zonat turistike dhe kryesishtë në Velipojë.
Në landfillin e Bushatit depozitohen mbeturina nga Shkodra, Lezha e komunat përrreth, ku kapaciteti shkon në 130 ton në ditë.