Drejtuesja e Gjykatës së Elbasanit kërkon ndjesë: S’jam krenare për videot e publikuara, sulm për të më prishur imazhin! Pres me qetësi verifikimin e situatës

Drejtuesja e Gjykatës së Elbasanit Enkeleda Kapedani ka reaguar për gazetarin e Report Tv Ronaldo Gjoshi pasi ILD ka nisur hetim ndaj saj lidhur me videot që kanë qarkulluar në rrjet ku ajo shihet duke sfiluar në zyrë. Kapedani thotë se videot janë sulm ndaj saj për ti prishur imazhin. Ndërsa thekson se nuk ndihet krenare për videot e publikuara ajo kërkon ndjesë ndaj çdokujt që është ndjerë keq. Ndërkaq ajo thotë se do të presë me qetësi verifikimin e kësaj situate.

“Si gjyqtare në radhë të parë dhe si nënkryetare e Gjykatës ndjehem keq nga publikimi i këtyre videove vetëm për të më dëmtuar imazhin. Unë si gjyqtare e kam të ndaluar të komentoj, por do pres me qetësi verifikimin e kësaj situate.

LEXO EDHE:
SHBA kërkon ndalimin, TikTok: Do të cenohej fjala e lirë e 170 milionë amerikanëve

As si individ as si gjyqtare nuk jam krenare për vidiot e publikuara. Shpresoj që ky sulm mos të jetë ndaj meje sepse jam grua dhe nene. Ndërsa kërkoj ndjesë për cilindo që është ndjer keq nga ato video. Dua të theksoj me forcë se asnjë insinuatë apo përbaltje nuk do më influencojnë të jap drejtësi dhe të punoj ndershmërisht si deri më sot”, tha ajo.

Lajmi kryesor:

Drejtuesja e Gjykatës së Elbasanit ‘modeling’ për TikTok duke sfiluar në zyrë, ILD fillon hetim disiplinor! Gjonaj: Kërkova hetim që kur liroi një kriminel! Enkeleda Kapedani: S'jam krenare

TAG:
• Everest Çaka
• vrasja e Pjerin Xhuvanit
• Enkeleda Kapedani
• Emiljano Ramazani
• tik tok
• gjykata e elbasanit
• viktor ymeri