Duncan bën deklaratë të fortë: Qeveria britanike e zhgënjyer me kodin e ri zgjedhor, ndryshe nga 5 qershori! Të formohet Kushtetuesja

Ambasadori britanik në Shqipëri Duncan Norman nga Korça, ka folur për miratimin e Kodit të ri Zgjedhor, duke thënë se ndihen të zgënjyer që ka pasur një vazhdimësi për ndryshimet kushtetuese përtej asaj çfarë ishte dakordësuar në 5 qershor.

"Siç jeni në dijeni Britania e Madhe Ambasada Amerikane dhe ajo e BE kanë qenë ngushtësisht të përfshira në reformën zgjedhore dhe në marrëveshjen e 5 qershorit për të cilën u desh një kohë e gjatë pune për të arritur që të përputhej me rekomandimet që ka bërë OSBE ODHIR në lidhje me të. Kjo gjë nuk ka ndryshuar. Pra marrëveshja e 5 qershorit nuk ka ndryshuar ato ç'kanë ndryshuar janë ato çfarë u pasuan me ndryshimet kushtetuese pas miratimit të 5 qershorit. Unë po them atë që kam thënë më parë që qeveria britanike është e zhgënjyer që ka pasur një vazhdimësi për ndryshimet kushtetuese përtej asaj çfarë ishte dakordësuar në 5 qershor", tha ai.

Nga Korça, Duncan tha se ky qëndrim i ambasadës nuk ka ndryshuar. Sakaq ai shton se është e rëndësishme që Gjykata Kushtetuese të formohet sa më parë.

"Kjo gjë nuk ka ndryshuar përsa i përket ambasadës sonë. Pjesa për të cilën unë jam zhgënjyer është fakti që Shqipëria ka një kohë të gjatë bërjesh reformash në mënyrë konsensuale dhe këtë herë kjo gjë nuk ndodhi. Ky është burimi i shqetësimit tim. Unë mendoj se nuk do ishte e drejtë si ambasador të komentoja mbi ate çfarë është ose jo e drejtë të bëjë presidenti i një vendi.

Në mendimin tim është shumë e rëndësishme që Gjykata Kushtetuese të formohet sa më parë sepse mendoj që luan një rol të rëndësishëm jo vetëm sa i përket zgjedhjeve por dhe më gjerë, pra duhet të jetë prioritet absolut formimi saj, përsa i përket zgjedhjeve të lira dhe të ndershme çdo vend mund të ketë zgjedhje të lira e të ndershme për sa kohë politikanët punojnë ta bëjnë këtë gjë që të ndodhë. Ndonjëherë dëshira ose vullneti politik është më i mirë sesa sistemi politik.

Nuk pranoi të përgjigjet nëse këto vendime të mazhorancës socialiste dëmtojnë integrimin e Shqipërisë, duke thënë se Mbretëria e Bashkuar nuk është më pjesë e BE-së. dhe për këtë duhen pyetur ambasadorët e Bashkimit Europian", shtoi ambasadori.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Loli: 13/10/2020 19:18

    Ti ben mire te rregullosh punet per vete me BE-ne. Je bere me keq se Pitkini shites qumeshti. Kushtet i ka vene BE-ja dhe jo Dunkan e Londra se ju per vete jeni larguar mga Europa.

    Përgjigju
  • Tirona: 13/10/2020 15:49

    Ore ke ngateruar rrugen , cpune ka ky me Ne, ne nuk kemi bere kerkese me tiu bashku Mbreterise se Bashkuar ne kemi bere kerkese per tu futur ne BE dhe me mbeshtetjen e SHBA do bojme ate qe na rekomandon BE

    Përgjigju
  • alo alo: 13/10/2020 15:07

    Po mirë more ambasador i nderuar, mund të shpjegosh se çfarë ndryshime u miratuan në "marrëveshjen" e 5 qershorit ? Se sistemi zgjedhor i arritur me paktin Rama-Berisha në 2008 ishte skandaloz prandaj dhe u kërkua ndryshimi i tij dhe pati një takim PS-PD ku u arrit kjo "marrëveshje" edhe me ndihmën tuaj. Çfarë u nënshkrua në këtë "marrëveshje" ? Që sistemi të mos ndryshohej dhe ti jepej tenderi 15 Milion Euro për pajisjet elektronike PD-së ? Se numëruesit dhe komisionerët do vazhdojnë të jenë partiak sipas kërkesës së PD-së dhe jo nga shoqëria civile siç kërkohej me ngulm nga OSBE-ODHIR! Atëherë çfarë ishte kjo "marrëveshje" dhe çfarë përfitonte populli ? Tani të paktën e votojmë një emër njeriu real dhe jo vetëm një listë partie, nuk është idealja por më mirë se sistem aktual është. Se nëse nuk do ishin bërë këto ndryshime atëherë do shkohej në zgjedhje me sistemin e 2008-së dhe "marrëveshja" thjesht i jep 15 Milion Euro Lulit për të humbur prapë siç ja dhanë për pallatin e vjerrit kur humbi zgjedhjet e 2017-tës.

    Përgjigju
  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

'S'i bashkon raporti, por leku' PS dhe PD votojnë pro një page shpërblim për orët shtesë në Komisionin e TIMS

'S'i bashkon raporti, por leku' PS dhe PD votojnë pro një page shpërblim për orët shtesë në Komisionin e TIMS