POP 5

Lajmet më të lexuara të 5 minutave të fundit

Politikë

Durrësi, Tirana e Lezha në gjendje të jashtëzakonshme/ Rama thirrje Bashës: Është koha me u paqtu e me u ftillu për njerëzit...Unë jam gati!

Në një thirrje të drejtëpërdrejt ndaj liderit demokrat Lulzim Basha, shesi i mazhorancës thotë se është koha për vetëpërmbajtje në fjalor dhe se të gjitha palët duhet të ulen bashkë për shqiptarët me mesazhin e qetësisë dhe durimit. "Unë jam gati", shkruan Rama.

Durrësi, Tirana e Lezha në gjendje të jashtëzakonshme/ Rama thirrje Bashës: Është koha me u paqtu e me u ftillu për njerëzit...Unë jam gati!

TIRANË - Teksa në Shqipëri është shpallur gjendja e emergjencës në tre qarqe, Durrës, Tiranë dhe Lezhë, kryeministri Edi Rama i ka bërë thirrje opozitës të bashkohen në një tryezë të përbashkët për të shpalosur aty të gjitha idetë dhe propozimet në përballimin e situatës së vështirë që vendi po kalon pas tërmetit të fuqishëm të 26 nëntorit që shkaktoi dhjetëra viktima. Shefi i mazhorancës i bën thirrje të drejtpërdrejtë kryedemokratit Basha duke thënë se në këto momente nuk është koha për politikë, por për paqe dhe "ftillim" siç ai shprehet, për t'i shkuar në ndihmë popullit shqiptar.

"U bëj apel forcave opozitare të ulemi pa humbur kohë në tryezë për të dëgjuar idetë dhe propozimet e tyre konkrete. Në këto rrethana të jashtëzakonshme duhet mbiprodhim energjish pozitive për fatkeqët që kanë humbur gjithçka e mbarë popullin që meriton përkujdesje psikologjike", shkruan kryeministri Rama në rrjetet sociale.

Në një thirrje të drejtëpërdrejt ndaj liderit demokrat Lulzim Basha, shesi i mazhorancës thotë se është koha për vetëpërmbajtje në fjalor dhe se të gjitha palët duhet të ulen bashkë për shqiptarët me mesazhin e qetësisë dhe durimit. 

"Lulzim Basha, është koha e bashkimit konkret sepse vetëpërmbajtja në fjalor, sado e mirëseardhur është krejt e pamjaftueshme! Të ulemi për shqiptarët dhe t’u japim mesazhin e qetësisë, durimit, sigurisë se askush nuk do të jetë vetëm në këtë luftë për mbijetesë. Unë jam gati!", shkruan Rama duke i bërë "Tagg" në Twitter, kryetarit të PD-së Lulzim Basha. 

Kreu i qeverisë thotë se kjo është koha kur politika duhet lënë pas, dhe të gjitha palët duhet të paqtohen për njerëzit.

"Për çdo gjë ka një kohë nën këtë qiell; një kohë me lind e një kohë me vdek; një kohë me i mledh e një kohë me i largu gurët; një kohë me rrëzu e një kohë me ngrit; një kohë me fitu e një kohë me hum; një kohë me u luftu e një kohë me u paqtu...Kjo është koha me u ftillu...për njerëzit", shkruan Rama.

G.M./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Flora: 30/11/2019 21:25

    O ZOTI RAMA MOS U merr me bashen e meten,,,ata jane kriminele,,c'fare mendimi do marresh nga krimineli dhe hajdut po ashtu,,mos jep asnje lek per shtepite e shembura qe kane qene pa leje,,,nuk eshte faji yt rama dhe yni qe keta shpellare e ndyresira vijne dhe shkatarrojne qytetet,,,asnje lek,nuk kemi pse paguajme ne nga taksat tona,,,ndihma ushqimore po...

    Përgjigju
  • Ops: 30/11/2019 15:42

    Ju duhet te shfatoseni nje here e mire te gjithe

    Përgjigju
  • I DEMTUARVE: 30/11/2019 15:08

    THIRJE PER Z Rama Lene politiken cfare plani ka qeveria si do kompesohet populli taksapagues i demtuar nga termeti SI DO JENE FORMAT E KOMPESIMIT NE PARA APO NE NDERTIME TE REJA

    Përgjigju
  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54