32-vjeçari i vetëdorëzuar Dorian Alia, i vetmi mes 4 të rinjve në rrahjen brutale ndaj Sokol Mëngjesit, të cilin policia e ka në dorë dhe po e merr në pyetje, ka pohuar para hetuesve se personi që i urdhëroi të sulmonin avokatin është Dritan Nano. Një dëshmi e rëndësishme kjo, përballë qëndrimit mohues që po mban në polici 58-vjeçari i arrestuar si organizator, personi që shihni në foto.
“Të gjithën e kemi bërë prej miqësisë me Dritan Nanon dhe na e ka kërkuar ai. Kanë pasur konflikt për shkak të një pagese që Dritani nuk i shlyente avokatit për një pronë sipas kontratës që kishin. Pasi e kishim planifikuar rrahjen, e kemi ndjekur Mëngjesin dhe vazhdimisht kemi komunikuar me të tjerët e grupit për vendet ku ai lëvizte”, mësohet të jetë shprehur Dorian Alia në polici.
Gjendja e rëndë në të cilën e lanë avokatin pas dhunës me grushte, leva e doreza metalike, që shtyu policinë të ngre akuzë për vrasje e funksionarëve publikë, mbetur në tentativë, sipas dëshmisë së autorit të arrestuar, i doli jashtë kontrollit.
“Donim t’i bënin presion Mëngjesit të hiqte dorë nga gjyqi që kishte hapur. Ishim përgatitur për t'i dhënë mesazh që të tërhiqej nga padia që kishte bërë, pa menduar se situata do të rëndohej dhe do të merrte dëme të rënda, aq më pak për ta vrarë. Unë e godita vetëm me grusht”, mësohet të ketë dëshmuar 32-vjeçari Doaian Alia
Në dallim nga 32-vjeçari, Dritan Nano për të cilin drejtuesi i Policisë së Tiranës Tonin Vocaj u shpreh publikisht se ka dyshime të forta të jetë organizator i kësaj ngjarje kriminale, ka mohuar të jetë porositës dhe në asnjë moment nuk ka bashkëpunuar me grupin hetimor.
Një ditë pas ngjarjes, teksa avokat Mëngjesi ndodhet në spitalin e Traumës, 3 personat e tjerë të përfshirë në dhunën barbare, janë ende në arrati dhe për këdo që jep informacione policia ka vënë në dispozicion 20 mijë euro. Drivald Alia, 21 vjeç, Elton Kasaj, 33 vjeç, dyshohet të jenë dhunuesit, bashkë me të arrestuarin, ndërsa i treti në kërkim, Romario Tabaku 26 vjeç, i ndihmoi të iknin nga vendi i ngjarjes me një automjet Audi. Policia akoma nuk i ka lokalizuar, pavarësisht disa kontrolleve në banesat e tyre dhe bisedimeve me familjarët për t’i bindur të vetëdorëzohen. Fotot e tyre janë dërguar në të gjitha pikat kufitare.
Autorët i dinin lëvizjet e avokatit dhe e sulmuan rreth orës 08:50 pasi la djalin e vogël në kopshtin nr.31 në zonën e ish bllokut, një itinerar i përditshëm i tij. Nga pamjet e kamerave të sigurisë agresorët e qëllojnë fillimisht në fytyrë në hyrje të portës së kopshtit. Avokati bie menjëherë përtokë, ndërsa më pas e qëllojnë pa mëshirë në kokë dhe largohen.
Dritan Nano dyshohet të ketë organizuar sulmin ndaj Mëngjesit, për shkak të detyrës. Ai ishte avokat i tij, si pjesë e një familje me 8 trashëgimtarë, në një proces civil që e kishte mbyllur me fitore edhe në shkallë të parë edhe në Apel. Si trashëgimtar i pronës së fituar në gjyq, në një pjesë të së cilës janë ndërtuar kullat e biznesmenit Bashkim Ulaj pranë Digës së Liqenit, Dritan Nano nuk ka pranuar të shlyejë avokatin sipas kushteve të kontratës nënshkruar me studion e tij ligjore “Akterum sh.p.k”.
Nuk dihet ende se çfarë parashikonte kontrata e familjes me avokatin, nëse do i jepnin para, apo përqindje në pronën e fituar, që përkthehet në apartamente, zyra apo garazhe në një nga kullat te Liqeni. Fakt është, se 7 trashëgimtarë, respektuan kontratën. Ndërsa përballë refuzimit të Dritan Nanos avokati Mëngjesi u detyrua t’i drejtohet gjykatës me padi për mospërmbushje të kontratës, në vijim të së cilës përmbarimi bllokoi pronën e Dritan Nanos te kullat te Diga, të cilën 58-vjeçari nuk e shet dot më. Pikërisht për këtë proces, duket se vjen edhe plani i dhunshëm i Nanos për t’i kërkuar autorëve me të cilët ka lidhje krushqie e shoqërore, të sulmojnë avokatin, si një paralajmërim për të hequr dorë nga padia kundër tij.
Një muaj para rrahjes brutale, palët kanë pasur takim me njëri-tjetrin por pa i dhënë zgjidhje situatës.
Lajme të tjera
-
Përplasje në Kuvend, 'mollë sherri' Bashkim Ulaj dhe interpelanca me Ballukun! Shehaj bllokon 4 orë foltoren, Spiropali e përjashtoi, Noka e shtyn me forcë
19 Dhjetor, 08:07 -
Qeveria i jep OK kompanisë greko-shqiptare për ndërtimin e termocentralit në Roskovec! Mes përfituesve, edhe Bashkim Ulaj, botues pranë Sali Berishës
18 Dhjetor, 18:22 -
KKT miraton lejen për ndërtimin kullave të reja në Tiranë, mes tyre 'Lift Tower' ku do vendoset Kadastra
29 Nëntor, 14:50 -
Dosja e SPAK për Ilir Metën/ Kryemadhi-Shatkut: Kujdes se Bashkimi të regjistron, Iliri e ka frikë! Mos i thuaj emrat tanë, shikoja letrat mirë...!
23 Tetor, 19:05 -
Organizoi dhe porositi sulmin ndaj avokatit Sokol Mëngjesi, Apeli lë në burg Dritan Nanon
22 Tetor, 15:42 -
VIDEO/ Përmbytjet në Vlorë, shihni si dherat kanë bllokuar bypassin e ri drejt Orikumit! Investimi 56 mln euro u inaugurua 2 vite më parë! Punimet u kryen nga Gener 2
5 Tetor, 09:43 -
Organizoi dhe porositi sulmin brutal ndaj tij, avokati Sokol Mëngjesi kërkon që t’i hiqen akuzat Dritan Nanos: I kam rregulluar marrëdhëniet me të
25 Shtator, 13:06
-
‘Afera me serbin Fazlliç, apartamente te Ulaj pa iu gjendur pagesat, banesë Gjicit por deklaroi 4 vite qira, e deri te Prendi që thyente çeqet e Malltezit! Emrat ‘VIP’ në dosjen 500 faqe ‘Partizani’
18 Shtator, 15:01
-
Protestat në Thumanë-Kashar/ PD: Projekti u ndryshua për llogari të 'Gener 2'! Qeveria: Do të ndërtohet një nyje e dedikuar në hyrje të Thumanës! Provizorisht do të hapet mbikalimi i Gramzës
12 Shtator, 12:07 -
Protestat në Thumanë-Kashar, përse Berisha nuk ia përmend fare emrin ndërtuesit, përfituesit dhe botuesit Bashkim Ulaj?
14 Gusht, 15:53
-
Tirana në gusht
10 Gusht, 13:01
-
Pse Belind Këlliçi ndërpreu akuzat për kompaninë Qefalia dhe fshehu firmën e Bashkim Ulajt?
23 Korrik, 13:05
