Çdo ditë e nis me dëshirën për t’u zhytur në botën e saj të ngjyrave dhe krijimtarisë. Fabjola Bramo nuk e kishte menduar kurrë që pasioni do të shndërrohej në të vetmin burim të ardhurash për të.
“Unë jam autodidakte. Nuk kam marrë asnjëherë në jetën time ndonjë kurs apo këshillë pikture. Gjithçka është frymëzim i imi dhe talenti që kam trashëguar nga mami. Ka qenë eksperienca ajo që më ka bërë të perfeksionoj dorën. Kur ngrihem për të vajtur në punë, jam shumë e lumtur sepse do bëj një gjë të re”.
Pikturon në telajo, por dashuria e saj e madhe janë muret. Spikat me përrallat dhe personazhet e filmave vizatimor që i risjell me shumë përkushtim në ambiente kopshtesh apo spitale.
“Kopshtin tim të parë e kam pikturuar kur kam qenë 19 vjeç. Pastaj iu riktheva muraleve për fëmijë me kohë të plotë në 2014-n. Dashuria ime e madhe janë muret. Sa më i madh muri, aq më i madh sadisfaksioni për të pikturuar. E kam sfiduar veten me piktura murale të vështirësive të ndryshme, më pëlqen të krijoj dhe në 3D”, shprehet Fabjola.
Asgjë nuk e pengon të realizojë artin e saj, as kushtet e vështira të motit e as lartësitë.“Kam qenë ndër të parat vajza, për të mos thënë e para që pikturoja në mure sepse është profesion pak i vështirë për femra. Një nga sfidat më të mëdha është pjesa e të punuarit në shkallë”.
Disa piktura kanë sjellë buzëqeshje tek fëmijët, ndaj mbeten të preferuarat e Fabjolës.
“Pikturat më të veçanta dhe më të ndjera janë në ‘Shtëpitë e Fëmijës’ dhe nëpër spitale, në pavionet e Pediatrisë dhe Gjinekologjisë.
Unë pikturoj çdo ditë, jo më pak se 7 orë. Mund të kem punuar dhe 14 orë kur kam pasur ndonjë afat për punimin e ndonjë muraleje që ka qenë ndonjë inagurim kopshti, shkolle apo dhuratë për ditëlindje për një fëmijë”, thotë ndër të tjera.
Beson se pavarësisht viteve, secili nga ne mbart shpirtin fëminor.
“Mendoj se tek secili nga ne, sado mund të ecin vitet, ekziston ai shpirti fëminor, ajo dëshira për të ecur zbathur, dëshira për të luajtur apo për t'u rikthyer në vitet e fëmijërisë. Mendoj që puna ime ma mundëson këtë gjë: ta ngre nga gjumi atë pjesën prej fëmije që mund të ketë qenë në gjumë prej vitesh”, tregon për emisionin “Një nga ne” në Report Tv.
Emsionin “Një nga ne” mund ta ndiqni çdo të mërkurë, ora 20:00 në ekranin e Report Tv.
Komente
Lajme të tjera
-
Një nga ne/ Jeta plot vuajtje e Kostandin Qoses: Lashë gërnetën se më vdiq djali, pensioni nuk del, punoj kovaç në Tregan
5 Mars, 20:28
-
Një nga Ne/ Këpucaria drejt zhdukjes, mjeshtri nga Elbasani e thotë troç: Rinia do ta nxjerrë lekun duke ndenjur këmbëkryq
26 Shkurt, 21:42
-
Një nga ne/ La Greqinë për Mësiçkën, Dhimo Kaso i futet blegtorisë: Po vjen drejt tkurrjes, ka shumë shpenzime!
12 Shkurt, 20:03
-
Artistët përkujtojnë piktorin Agim Shami përballë veprave të tij
6 Shkurt, 12:17
-
'Një nga ne'/ Mes akullit dhe jogës, Dorian Zazo zbulon rutinën e pazakontë: Shëron trupin dhe mendjen!
5 Shkurt, 20:36
-
NJË NGA NE/ 30 vite piktor, Hysni Loka rrëfen sfidat: Vështirë të kesh të ardhura, por nuk e ndaloj punën
29 Janar, 21:09
-
10 vite stërvitje dhe dietë ekstreme, njihuni me 25-vjeçarin kampion që sakrifikon për Bodybuilding
22 Janar, 21:47
-
NJË NGA NE/ Artizania fierake rikthen veshjen myzeqare: Duhet mbrojtur nga UNESCO
15 Janar, 21:27
-
NJË NGA NE/ Vlonjati i verbër që mban familjen me punën si DJ: Nëse ngulmojmë, jemi më të aftë se një person normal!
8 Janar, 21:46
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor 2024, 20:04
-
'Një nga ne'/ Kultivon qepë dhe sallatë, njihuni me Bujarin, fermerin e palodhur të Ndroqit: Nëse derdh djersë, merr diçka!
18 Dhjetor 2024, 20:03
-
‘Do shkoj në SHBA për 12 sekonda’, 54-vjeçari flet për garën e shumëpritur: Po investove në sport, s’do ketë spitale
11 Dhjetor 2024, 20:10
