POP 5

Lajmet më të lexuara të 5 minutave të fundit

Arkiva

Egjipt, 2 të vdekur, 70 të arrestuar
gjatë protestës së mbrëmshme

Qindra njerëz kanë mbushur rrugët e Kajros mbrëmjen e së shtunës në protesta kundër vendimit të gjykatës së Egjiptit, për mos dënimin e ish-presidentit të vendit Hosni Mubarak, i akuzuar për vrasjen e 239 protestuesve në demonstratat e vitit 2011.
KAJRO - Qindra njerëz kanë mbushur rrugët e Kajros mbrëmjen e së shtunës në protesta kundër vendimit të gjykatës së Egjiptit, për mos dënimin e ish-presidentit të vendit Hosni Mubarak, i akuzuar për vrasjen e 239 protestuesve në demonstratat e vitit 2011.
 
Të paktën 2 persona janë vrarë, ndërkohë që rreth 70 persona janë arrestuar nga forcat policore të Egjiptit, pas përplasjeve me gaz lotsjellës e deri dhe të shtëna me plumba të vërtetë nga ana e policisë. Sipas mediave lokale raportohet se qeveria mohon vrasjen e një demonstruesi gjatë përleshjeve të mbrëmshme.

Protestuesit kërkuan rrëzimin e regjimit me slogane të përdorura në demonstratat e pranverës së vitit 2011, ku humbën jetën shumë qytetarë.
Mubarak, 86 vjeçar, u dënua me burgim të përjetshëm në 2012-tën për vrasjen e demonstruesve gjatë kaosit dhe trazirave 18 ditore që hodhën poshtë regjimin e tij 30 vjeçar, me shpresën për një frymë demokratike në vend.
 
Por vendimi u apelua, dhe gjykata në vendimin e djeshëm tha se nuk duhet të kishte pasur asnjëherë akuza kriminale kundër Mubarak, megjithëse ai nuk u lirua nga burgu pasi po vuan një dënim prej tre vitesh për akuza të ndryshme.

Redaksia Online
(a.h/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Rasti Stormy Daniels, dënohet Trump, por nuk do të shkojë në burg

Rasti Stormy Daniels, dënohet Trump, por nuk do të shkojë në burg

10 Janar, 16:21