Emiratet e Bashkuara Arabe sjellin 460 çadra dimërore për lehtësimin e vështirësive të familjeve të prekura nga tërmeti

Pas tërmeti shkatërrues të 26 nëntorit, Emiratet e Bashkuara Arabe kanë ndihmuar përsëri Shqipërinë duke sjellë 460 çadra dimërore për të lehtësuar sadopak vështirësitë e familjeve të prekura në zonat rurale, të cilat e kanë të pamundur të strehohen nëpër hotele.

Kujtojmë që Emiratet e Bashkuara Arabe dhanë 3 milionë euro për të prekurit nga tërmetit që goditi Shqipërinë në 26 nëntor të këtij viti.

Në fillim ata ofruan ndihma urgjente humanitare, të cilat përfshinin nevojat themelore që variojnë nga ushqimi deri tek furnizimet mjekësore dhe strehimi.

"Solidaritet anekënd botës pas tërmetit të 26 nëntorit.
Emiratet e Bashkuara Arabe u janë bashkuar vendeve që po ndihmojnë në përballimin e pasojave të tërmetit, duke sjellë 460 çadra dimërore për të lehtësuar sadopak vështirësitë e familjeve të prekura në zonat rurale, të cilat e kanë të pamundur të strehohen nëpër hotele", ka shkruar ministrja Xhaçka në profilin e saj.

Lajmi kryesor:

SOLIDARITETI/ Emiratet e Bashkuara Arabe sjellin 460 çadra dimërore për lehtësimin e vështirësive të familjeve të prekura nga tërmeti

TAG:
• solidaritet
• termet me viktima ne Shqiperi