Itali- Katër vjet burgim, njëzet mijë euro gjobë dhe pesë vjet ndalim për hyrje në vend pas mbarimit të dënimit.
Ky është verdikti i gjyqtares Francesca Pinacchio, në Gjykatën e Sulmona, për shqiptarin Hekuran Kalemi, 24 vjeç.
I riu ishte arrestuar në flagrancë nga karabinierët e kompanisë Sulmona, në prag të 15 Gushtit të këtij viti, me një sasi prej 80 gramësh kokaine të pastër, gati për shitje në tregun ilegal.
![](https://shqiptarja.com/template/img/NO_ALFA_Kuadrate shqiptarja.png)
Arrestimi u bë në Corfinio, në shtëpinë e Hekuranit, ku ushtarakët gjetën sasinë e narkotikut, një peshore precize dhe materiale për paketimin e lëndës, shkruan "Reteabruzzo".
Pavarësisht tentativës së 24-vjeçarit për t'u mbrojtur, duke deklaruar se droga e sekuestruar ishte për përdorim personal, ky argument nuk u pranua nga gjyqtari, teksa procesi u përshpejtua dhe dënimi është dhënë, i konfirmuar sot (6 Shtator) edhe nga mediat.
Gjyqi i drejtpërdrejtë konsiderohet se mbaroi shumë shpejt dhe me një dënim të rëndë për raste të ngjashme, teksa u konfirmua linja e ashpër e ndëshkimeve për narkotrafikun.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)