Energjia, shqiptarët me sytë
nga Serbia, KESH merr 2 mld lekë
Serbia njoftoi se nuk po kufizon tranzitimin e energjisë elektrike, të kontraktuar nga shtete të tjerë dhe që kalon përmes saj. Por, një situatë e tillë nuk dihet se sa do të zgjatë. Prurjet në kaskadën e Drinit janë në pikat më të ulëta, pasi rreshjet janë depozituar si dëborë dhe mund të shfrytëzohen vetëm kur të shkrijë.
Korporata Elektroenergjetike e Serbisë ka deklaruar dje, përmes drejtuesve të saj, se nuk po e kufizon kalimin në këtë vend të rrymës elektrike të kontraktuar nga kompani të vendeve të tjera. "Serbia ka kufij shumë të gjatë e me shumë vende. Në secilin prej tyre kufi ka kalimndërkufitar të energjisë që ndahet mes shteteve. Për shembull, mes Kroacisë dhe Serbisë tani janë 500 megavat, 250 I takojnë Serbisë dhe 250 Kroacisë, me Rumaninë kemi 750 megavat, që ndahen, me Hungarinë 800 megavat e kështu me radhë. Ne nuk prekim megavatët që u takojnë shteteve të tjera. Tranziti është ende në fuqi dhe ne kemi marrë pjesën që na takon. Kemi detyrime ndaj konsumatorëve tanë", tha dje zëvendësdrejtori i Korporatës së fuqishme Energjetike serbe EPS, Zoran Manasijeviç. Ndërkohë, energjinë që e prodhon vetë dhe atë që importon për nevojat e saj, Serbia e ka të ndaluar ta eksportojë, si masë ekstreme në një gjendje të jashtëzakonshme. Fakti që Serbia mund të ulë levën e tranzitit të energjisë elektrike ka frikësuar shumicën e shteteve në rajon se mund të kalojnë në një krizë të paparëenergjetike. Deri tani, Serbia ka marrë masa vetëm për tregun e vet, duke detyruar mbylljen e kompanive të ndryshme, që janë konsumatoret më të mëdha të energjisë. Aktualisht, janë mbyllur rreth 1.500 subjekte të tilla prodhuese.
SHTETET"Ne e dimë se ku shkon energjia tranzit, por nuk na intereson adresa e fundit. Të vetmen marrëveshje e kemi me Malin e Zi që është arritur kur shtetet kanë qenë bashkë, nuk kemi marrëveshje direkt me shtetet. Ai që e blen e shet ku të dojë. Energjia shkon gjithandejdhe sigurisht një pjesë shkon edhe në Shqipëri", tha Manasijeviç për Top Channel.
PRODHIMINdërkohë, punët po shkojnë gjithnjë e më keq për prodhimin shqiptar të energjisë. Temperaturat e ulëta, që vijojnë prej ditësh kryesisht në
zonën veriore të vendit, kanë bërë të ulen prurjet në liqenin e Fierzës. Reshjet ishin në formën e borës, e cila nuk i rrit nivelet e baseneve, në rast se nuk ndodh rritje e temperaturës. Edhe ditën e shtunë, prurjet në këtë liqen kanë qenë të njëjta me një ditë më parë. Aktualisht, sipas KESH-it, niveli i ujit në basenin më të madh ujor energjetik është në 257 metra mbi nivelin e detit, një kuotë kjo e pazakontë për këtë periudhë të vitit, Po kështu, prurjet mesatare arrijnë në 40 metër kub ujë në sekondë. Ky nivel prurjesh ka vështirësuar prodhimin e energjisë elektrike gjatë kësaj periudhe.Importi i energjisë vijon të jetë i lartë, ndërkohë që rezervat hidrike janë pakësuar ndjeshëm.
KESH dhe CEZ gjatë gjithë këtyre ditëve kanë arritur të importojnë 12 milionë kilovatorë energji në ditë për të plotësuar nevojat e konsumatorëve,ndërsa prodhimivendas arrin në 14 milionë kilovatorë. Sipas KESH-it, sasia e prurjeve me40 metër kub në sekondë konsiderohet shumë e ulët në krahasim me prurjet e stinës së dimrit, dukshëm nën mesataren shumëvjeçare të regjistruarmë parë në vendin tonë. Problemi që del aktualisht përfurnizimin e vendit me energji elektrike është mosbllokimi I linjave të interkonienksionit, pasi një gjë e tillë do të zhvleftësonte çdo masë financiare tëmarrë nga qeveria për të përballuarsituatën. KESH tashmë ka arkëtuar 2 miliardë lekë tëreja, shifër që mundëson vijimin e importit edhe gjatë marsit, por linjat e huaja duhet të mbeten të lira.
(aq/shqiptarja.com)
Sondazhi i ditës:
Kabineti i ri qeveritar, jeni dakord me ndryshimet e bëra nga Rama?
-
Po
41.2%
-
Jo
48.1%
-
Nuk e di
10.7%
Vota total: 8631
Votat totale janë unike
Lajme të tjera
-
Të gjithë sektorët me mungesë stafi, shkak rënia e popullsisë dhe konkurrenca ndërkombëtare për punonjës të kualifikuar! BSH: Rritja e pagave duhet bërë bazuar në produktivitet
31 Korrik, 18:02
-
SHBA-ja pezullon ndihmën financiare për Gjeorgjinë, njofton Blinken
31 Korrik, 17:48
-
Taksistët e vetëpunësuar në protestë, Bashkia e Sarandës tërhiqet nga vendimi për licencimin e taksive elektrike
31 Korrik, 17:28
-
Fermerët e Maliqit sërish në protestë: Po falimentojmë, gruri e patatja shiten nën kosto, na ‘mbyti’ importi!
31 Korrik, 17:23
-
Rruga e re Elbasan-Qafë Thanë kalon përmes fshatit Hotolisht të Librazhdit! Banorët në protestë: ARRSH-ja të ndryshojë projektin, dëmtohen shtëpitë e tokat
31 Korrik, 17:18
-
Shuhet zjarri në Shëngjin, Mbrojtja Civile: Në 4 ditë u angazhuan 308 efektivë të Forcave të Armatosura
31 Korrik, 17:10
-
SHBA-ja kryen sulm 'mbrojtës' në Irak
31 Korrik, 17:07
-
Gabimet që bëni me ilaçet të cilat dëmtojnë rëndë shëndetin
31 Korrik, 16:49
-
Të shpallur në kërkim për disa vepra penale, ekstradohen tre persona në Shqipëri nga Italia dhe Zvicra (EMRAT)
31 Korrik, 16:45
-
Caktimi i datës së zgjedhjeve në Kosovë, Kurti nuk i shkon në takim Vjosa Osmanit! Presidentja: Mund ta pyesni atë, supozoj se është në zyrë
31 Korrik, 16:19
-
FOTO/ Makina me 2 turistë bie në kanalin e Butrintit, njëri në gjendje kritike, sillen në Tiranë
31 Korrik, 16:11
-
Të dielën votohet në Himarë/ KQZ teston pajisjet e identifikimit biometrik, Pelinku: Dyshime se fryrja e listës ndodhi në kohën kur u dekretuan zgjedhjet
31 Korrik, 16:05