Lulzim Basha gënjen edhe për BBC: Asnjë polic i lënduar gjatë protestave

Lulzim Basha pas disa protestave që kanë nxjerrë Shqipërinë në mediat e huaja në flakë nga molotovi i militantëve të tij.

Në një intervistë të dhënë për BBC, ajo që bie në sy është që Basha, përballë gazetarit, ka gënjyer sy për sy pothuajse në të gjitha përgjigjet e dhëna. Ai ka deklaruar se gjatë protestave të opozitës, nuk ka mbetur i lënduar asnjë polic, ndërkohë që faktet thonë krejtësisht të kundërtën. Vetëm në protestën e 11 majit kanë mbetur të lënduar 15 efektivë të uniformave blu.

Më poshtë po ju sjellim faktet përballë mashtrimeve publike të Lulzim Bashës në BBC. Arsyet pse Basha gënjen dhe a gënjen njëlloj edhe në Tiranë, gjykojeni vetë. Ne po ju sjellim thjeshtë faktet përballë gënjeshtrave të Bashës:

Basha në BBC: Falë Zotit, as edhe një oficer i vetëm policie nuk lëndua.

Fakti 1: Në protestën e 11 majit janë plagosur 15 policë nga molotovi dhe sendet e forta (në protestat pararendëse poashtu ka patur efektivë të dëmtuar që janë dërguar në spital dhe bërë publike edhe nga ministi Lleshaj dhe mediat.

Basha në BBC: Padyshim (që e dënojmë dhunën)! Partia Demokratike ka bërë përherë thirrje për protesta jo të dhunshme, ajo është distancuar dhe do të distancohet gjithmonë nga dhuna.

Fakti 2: Ndërkohë që Lulzim Basha mbante fjalim në bulevard në 11 maj, militantët e tij godisnin me Molotov, flakadanë, gur, kapsollë etj kryeministrinë dhe policinë.

Basha në BBC: Dy raste të investiguara nga prokuroria e antimafias kanë zbardhur mijra orë përgjime, dhe hetimet tregojnë se kryeministri dhe anëtarë të nivelit të lartë të qeverisë së tij kanë bashkëpunuar me bosat e krimit të organizuar për të vjedhur votat gjatë zgjedhjeve të vitit 2017.

Fakti 3: Nuk ka akoma asnjë përgjim zyrtar që konfirmon zyrtarisht përfshirjen e ndonjë zyrtari të lartë që në bashkëpunim me krimin blen vota. Aq me tepër që në këto përgjime të jetë i përfshirë vetë kryeministri.

Basha në BBC: Protesta vjen si pasojë e një krize të thellë politike në vend, pavarësisht nga raporti i “karamelizuar” i Komisionit Europian.

FAKTI 4: KE është institucioni që ka një rreptësi maksimale kur vjen puna tek ‘korrigjimi’ i provimeve të shteteve në përmbushjen e kushteve. Dhe KE, që vitin që shkoi është shprehur prerazi që Shqipëria dhe Maqedonia e veriut i kanë plotësuar të gjitha kushtet për çeljen e negociatave.

Basha në BBC: Fatkeqësisht, është pothuajse vendosur shtyrja e negociatave. Vendet anëtare kanë arritur në përfundimin se përparimi i Shqipërisë drejt plotësimit të kushteve të BE për hapjen e negociatave, është i pamjaftueshme.

Fakti 5: Akoma nuk ka një vendim për negociatat dhe ato varen nga vendet anëtare dhe politikat e tyre të brendshme ku ekstremistët po rriten ndjeshëm dhe janë kundër zgjerimit të BE-së. Pra, nuk ka të bëjë fare në janë plotësuar apo jo kushtet nga Shqipëria apo Maqedonia e Veriut, por ekstremistët janë kundër BE-së në koncept.
 

Intervista e plotë:

BBC WORLD: Gjatë 3 muajve të fundit në Shqipëri janë zhvilluar protesta antiqeveritare, me protestues që bëjnë thirrje për dorëheqjen e qeverisë dhe për mbajtjen e zgjedhjeve të parakohshme. Ka patur edhe dhunë fundjavën e shkuar, ku mijëra protestues, që mbështesin PD në opozitë, dolën në rrugët e kryeqytetit shqiptar, Tiranës. Zyrat e kryeministrit u goditën me bomba benzine, duke nxitur thirrjet për qetësi të disa vendeve të BE-së dhe SHBA. Në krye të këtyre protestave është lideri i Partisë Demokratike në opozitë, Lulzim Basha, i cili ka shërbyer si Ministër i Jashtëm dhe Ministër i Brendshëm në qeveritë e mëparshme të drejtuara nga PD. Unë e nisa bisedën me të duke e pyetur, nëse e dënon dhunën e ndodhur.

LULZIM BASHA: Absolutisht. PD ka bërë gjithmonë thirrje për protesta jo të dhunshme. Është distancuar dhe do të distancohet gjithmonë nga dhuna. Megjithatë, duhet kuptuar se dhuna e izoluar që, falë Zotit, nuk shkaktoi viktima – asnjë person i vetëm nuk u plagos, asnjë polic nuk u lëndua – është shprehje e zemërimit në rritje. Këto protesta janë pasojë e një krize që ka shpërthyer me të gjithë fuqinë gjatë 4 muajve të fundit: krizë kushtetuese, krizë politike dhe pasojat e saj ekonomike e sociale.

BBC WORLD: Çfarë duhet tē ndodhē me ata që janë përgjegjës për dhunën?

LULZIM BASHA: Siç e thashë, falë Zotit, asnjë polic i vetëm nuk u lëndua. Por numri 3 i PD-së u dhunua brutalisht dhe dhunshëm nga policia. Media ishte në gjendje ta filmonte këtë episod dhe ta transmetonte live. Në vend që këta policë të përballen me përgjegjësitë e tyre, sipas ligjit, ata janë marrë personalisht nën mbrojtje nga kryeminstri.

BBC WORLD: Qeveria i mohon akuzat tuaja, por nē njē kēndvēshtrim mē tē gjerē, ju keni qenë vetë në qeveri dhe tani jeni në opozitë. Ju e dini se akuzat për korrupsion bēhen sa nga njēra palē dhe nga pala tjetēr. Akuzat nga opozita, kushdo qoftë ajo, mohohen nga qeveria kushdo qoftë ajo. Kjo është pjesë e politikës në vendin tuaj, apo jo?

LULZIM BASHA: Ky nuk është rasti tani.

BBC WORLD: Pse është ndryshe tani?

LULZIM BASHA: Dy raste të hetimit nga prokurorēt antimafia kanë zbuluar mijëra orë përgjime, që tregojnë se kryeministri dhe zyrtarë të lartë të qeverisë bashkëpunojnë me bosët e krimit të organizuar për vjedhjen e zgjedhjeve të vtiit 2017. Disa nga këto përgjime janë publikuar nga Zëri i Amerikës dhe dy ditë më parë nga gazeta më e madhe gjermane Bild. Nuk ka absolutisht asnjë veprim në lidhje me këto akuza. Asnjë politikan nuk është thirrur për t’u marrë në pyetje dhe politikanët e përfshirë jo vetëm nuk janë ndëshkuar, por janë promovuar dhe janë mbrojtur nga kryeministri.

BBC WORLD: Ta shohim në një panoramë më të gjerë. Këtë qershor Shqipëria pret një përgjigje nga BE, nëse do të nisin negociatat për anëtarësim. Sa dēm mund t’i shkaktojē procesit e gjithē kjo?

LULZIM BASHA: Protestat janë pasojë e krizës së thellë politike në vend. Kēshtu qē, pavarësisht, raporteve të sheqerosura…

BBC WORLD: Çfarë do të thotë të sheqerosura ?

LULZIM BASHA: Shumë larg realitetit.

BBC WORLD: Për çfarë arsye?

LULZIM BASHA: Shqipëria duhet t’i bashkohet Bashkimit Europian, Shqipëria duhet të hapë negociatat e anëtarësimit. Kjo është ajo për të cilën ne po luftojmë, për vlerat europiane, por Shqipëria nuk mund t’i bashkohet BE-së me gënjeshtra, me fabrikime, me zgjedhje të vjedhura, me bashkëpunim me krimin e organizuar, me korrupsionin në nivelet më të larta të këtyre 29 viteve, me pandëshkueshmërinë e njerëzve me pushtet.

BBC WORLD: Pra, çfarë duhet të thotë dhe tē bējē BE në takimin e qershorit sipas jush?

LULZIM BASHA: Mendoj se në kētë pikë gjërat janë shumë të qarta. Bashkimi Europian është ekstremisht i shqetësuar se realiteti në terren është shumë larg nga përshkrimet e burokratëve në Bruksel. Kjo duhet të jetë edhe një këmbanë alarmi për vetē institucionet e Bashkimit Europian, që t’i japin fund gjuhës së drunjtë se “shumë është bërë, por nevojitet dhe shumë për të bërë” dhe të përqendrohen nē problemet e vērteta, me tē cilat pērballen vendi.

BBC WORLD: Por kjo muhd të çonte në një shtyrje të asaj çfarë planifikon BE. A nuk do të sillte shtyrja një dëm të madh për vendin?

LULZIM BASHA: Për fat të keq, shtyrja, pak a shumë është vendosur. Vende anëtare kanë dalë në përfundimin se progresi i Shqipërisë drejt përmbushjes së kushteve për hapjen e negociatave të anëtarësimit është i pamjaftueshëm. Pyetja shtrohet: çfarë vjen pas kësaj? Problemi më i madh është sesi të kapërcehet kjo krizë e thellë, e cila tani po shpërthen me zemërim nëpër rrugë dhe sheshe./Lexo.al

B.K.//Shqiptarja.com

TAG:
• lulzim basha
• kriza politike
• protesta e opozites 11 maj