Edhe në këtë 13 vjetor të tragjedisë së Gërdecit familjarët e viktimave janë mbledhur të gjithë bashkë për të kujtuar të dashurit e tyre në këto ditë dhimbjeje të madhe.
Ajo që u vu re sot në Gërdec ishte mungesa totale e politikës. Banorët thonë se janë lënë vetëm në dhimbjen e tyre, teksa sjellin në vëmendje ato momente të tmerrshme të 15 marsit 2008.
Me lule në duar dhe me lot në sy dhe me pengun e madh që nuk u vendos kurrë drejtësia disa prej tyre kanë folur për gazetarin e Report Tv Arsen Rusta.
'Më plas shpirti o Arsen ctë të them! Si ikën 13 vite?", prek me fjalët e saj Zamira Durda, mamaja e Edison Durdaj, 7-vjeçarit të vrarë në 15 mars 2008, dhe që prej 13 vitesh nuk ka lënë asnjë seancë në shkallët e ndryshme të gjykatave në vend.
"Vetëm ma kanë përplasur surratit Gërdecin, të gjithë. Kanë qenë një bandë kriminale ata që e kanë bërë Gërdecin. E kam çuar në Gjykatën evropiane të Drejtave të Njeriut. Është një gjyqtar, Ledo Bianku që ma pengon çështjen në Strasburg. Prej vitit 2009 nuk e kam një përgjigje", vijon ajo.
"Unë nga politika nuk pres asgjë, pres nga drejtësia. Edhe këta në pushtet nuk na afrohen. Kjo do të thotë që janë të gjithë njësoj. E përdorën politikisht Gërdecin. Erdhën në pushtet", thotë me forcë Zamira, e cila bën me dije se para 2 javësh e ka riçuar çështjen në SPAK.
Zamira Durda
Për mikrofonin e Report Tv ndalet edhe Fadil, të cilit ai shpërthim i fuqishëm i mori bashkëshorten, e cila kishte vetëm 10 ditë që kishte filluar punë dhe paguhej me 1000 lekë në ditë.
"Ende nuk kemi marrë asnjë përgjigje. Të dhimbshme kanë qenë këto 13 vite. Bashkëshortja për 10 mijë lekë në ditë punonte. Kishte 10 ditë që kishte filluar punë. Kryesorja për mua është të arrihet drejtësia. Ta marrin vesh edhe fëmijët se çfarë ndodhi. Ne e cilësojmë një tragjedi me dijeninë e shtetit", thotë Fadili.
"Kur nuk u bë gjë atëherë s'bëhet tani. Ne vijmë kujtojmë njerëzit tanë, askush nuk na kujton më", thotë një tjetër familjare.
Nga ai shpërthim i fuqishëm i 15 marsit të 2008 rreth orës 12:05 humbën jetën 26 persona, e ndërsa u plagosën mbi 300 të tjerë. Kjo ngjarje përfundoi dhe në dyert e gjykatave shqiptare, ende nuk ka asnjë person pas hekurave.
Shoqata e Familjarëve të Viktimave të Shpërthimit të Gërdecit në 13 vjetorin e kësaj tragjedie thotë se drejtësia ka dështuar. Në deklaratë ata kanë kritikuar organet e drejtësisë duke apeluar për rihapjen e dosjes.
"Shoqata e Familjarëve të Viktimave të Shpërthimit të Gërdecit gjen rastin sot, në vitin e 13-të përkujtimor të tragjedisë së Gërdecit, të falenderojë dashamirësit që nga afër ose nga larg na japin kurajo për të vazhduar jetën dhe për të çuar luftën tonë për të drejtën deri në fund. Tashmë 15 marsi është bërë një ditë simbol për të vlerësuar drejtësinë, politikën dhe njerëzillëkun. Drejtësia u sprovua dhe dështoi. Pavarësisht se disa persona u dënuan, ata tashmë i lanë duart nga drejtësia dhe shumë të tjerë nuk u hetuan. Dëgjuam lloj-lloj emrash kafshësh që u përfolën, që lanë gjurmë mbi letra e fakse, por nuk pati askush kurajon të hetonte e ta zbardhte ngjarjen. Drejtësia e la të pagjykuar edhe ish ministrin që sot kandidon për deputet.
Pra, drejtësia nuk kapi as baxhanakët e djeshëm dhe as kunetërit e sotëm. Madje drejtësia ngatërroi edhe emrin e personit që i vuri zjarrin barutit. Drejtësia i la të lirë t’i ktheheshin biznesit apo politikës, që të ndërtojnë pallate për të qerasur politikën dhe kjo e fundit të qeverisë rehat pallatet. Jetët e humbura në 15 mars 2008 nuk kthehen më, por drejtësia mund të vendosej, me hir ose pahir. Me refome drejtësie apo jo. E megjithatë, “ortakëria politike” nuk deshi të bëhej drejtësi", thuhet në deklaratë.
Por ndërsa u drejtohet personave përgjegjës duke thënë se pavarësisht se mund të mendojnë që i kanë mbyllur hesapet me drejtësinë apo me ndonjë ambasadë, ata nuk i kanë mbyllur hesapet me ata dhe me popullin e këtij vendi.
"Dhe këtu vijme të e dyta. Politika. Ajo u vu në sprovë dhe dështoi. Nuk u nxor asnjë leksion nga kjo tragjedi. Ligjet nuk u rishikuan për të mos lënë më të ndodhin ngjarje të tilla. Ligjet nuk u rishikuan për të bërë të mundur që hetimet të bëhen ashtu sic duhet. Madje, edhe reforëma në drejtësi i vuri “tapën” çështjeve të vjetra, të kohës para reformës, që të mbyllte hesapet e vjetra me qëllim që t’i hapte rrugë pazareve të reja.
Njerëzillëku u vu gjithashtu në sprovë, por për fat të keq dështoi edhe ky. Dikur politikatë të të gjitha gjatësive e gjinive, zinin rradhën për të bërë paradën e mbështetësve tanë, ndërsa sot kanë harruar cfarë ndodhi në Gërdec. Por, pa harruar që ata që gatuan vdekjen në Gërdec, me mbështetjen e politikës së vjetër, sot gatuajnë beton në Tiranë të bekuar nga politika e sotme e re. Sot, ne denoncojmë shëmtinë e politikes , që bëjnë sikur ishin dhe janë me ne kur në të vërtetë kanë bërë të gjitha përpjekjet për të na penguar në gjykatat vendase apo edhe në Strasburg, që ne të humbim të fundit amanet të atyre që nuk jetojnë më dhe të fitojnë ata që sot riciklohen në politikë si gjoja “kundërshtarët” e tyre.
Sot, ne familjarët e viktimave të shpërthimit të Gërdecit, i themi vrasësve që pavarësisht se mund të mendojnë që i kanë mbyllur hesapet me drejtësinë apo me ndonjë ambasadatë, ata nuk i kanë mbyllur hesapet me ne dhe me popullin e thjeshtë të këtij vendi. Njohja e krimit dhe vënia e drejtësisë në vend i bën nder atyre që e bëjnë këtë dhe na vë në paqe ne viktimave të krimit. Njohja e krimit është hapi i parë i njerëzillëkut, ndëshkimi i tij i shërben drejtësisë dhe nxjerrja e leksioneve i shërben të ardhmes sonë të përbashkët. Deri atëherë, me mend në kokë o popull i thjeshtë i këtij vendi", vijohet më tej në deklaratë.
Komente
Lajme të tjera
-
Rrëfimi i Packouz për Gërdecin, Doçi në Report Tv: Shkëlzen Berisha pronar 'de facto' i biznesit vdekjeprurës, loboi për ta ngritur! Vdekja e dyshimtë e Trebickës
10 Dhjetor, 18:11 -
Gërdeci/ Rrëfimi tronditës i Packouz për median amerikane: Shkëlzen Berisha në takim kur negociuam çmimin e fishekëve, si ‘hoqëm qafe' Trebickën nga biznesi! Vdekja e tij e dyshimtë! (VIDEO)
9 Dhjetor, 21:03 -
Sali Berisha i cilëson vrasjet e '21 Janarit' e 'Gërdecit' si 'gabime': Rikthimi i tretë do të jetë më i suksesshëm, harrojeni ç’kam bërë dikur
7 Dhjetor, 15:31 -
Mars 2008/ Akuza e rëndë në sallën e kuvendit, Ilir Meta: Ju nuk e dini, por Sali Berisha ka qenë kundër bombardimeve të NATO-s në Kosovë
7 Dhjetor, 11:33 -
Zëri i Amerikës - Fatmir Mediut: Jeni nën hetim për Gërdecin, pse nuk jepni dorëheqjen?
4 Dhjetor, 12:49 -
Ylli Pata: 'Partizani', 'Gërdeci' dhe '21 Janari': Sa humbet opozita nga akuzat ndaj Berishës?!
2 Dhjetor, 19:12
-
'Gërdeci' në GJKKO, Mediu flet pas seancës: Nuk kisha autoritet për kalibrat! Mendimi vjen i fimosur nga shefi i shtabit të përgjithshëm, këshilltar i kryeministrit dhe presidentit
26 Nëntor, 10:02 -
Akt ekspertimi për masakrën e Gërdecit/ Mediu në GJKKO: Ekspertët janë përgjigjur njësoj si në 2008, s’kanë studiuar mbi 80% të dokumenteve! Akuza pa bazë
30 Tetor, 11:07
-
Masakra e Gërdecit/ Mediu pas seancës gjyqësore: Qëndrimi i ekspertëve mbi përfitimet nga demontimi janë të pakuptimta
17 Tetor, 16:37
-
Ditëlindja e Sali Berishës! I pandehur për korrupsion për dosjen 'Partizani', fryn qirinjtë e 80 vjetorit në 'arrest shtëpiak'! Kardiologu që la profesionin për politikën
15 Tetor, 09:35 -
Masakra e Gërdecit, GJKKO rrëzon kërkesën për riekspertim, Mediu: Nxjerrin kot dëm se s’qëndron shpërdorim i detyrës
9 Tetor, 12:57 -
Masakra e Gërdecit, në GJKKO seanca për Fatmir Mediun, avokatët kundërshtojnë akt ekspertimin
2 Tetor, 10:29
E kam gabim apo Fatmir Mediu ne 2017 e vuri kandidaturen afer asaj zone,a mund te verifikohet kjo ? Sa per ate zonjen e keshilloj te bashkoheni te gjithe,se bashkimi ben fuqi,jo te ngrini aktakuza tek e tek.Kerkoini shpjegime gjyqtarit per bllokimin apo zvaritjen.Nese nuk jeni te kenaqur,rihapni gjyq,ndroni skuadren e avokateve,por mos harroni se me te miret kushtojne shume dhe mund t'i perballoni vetem si grup.Ky eshte nje krim qe kerkon patjeter drejtesi!
PërgjigjuËshtë e pa par në këtë kore toke që kriminelët të vazhdojn të kërkojn vota nga ky popull që e kan vjedhur e e kan gjakosur. Po kjo është e pa imagjinushme që kta hajdut kriminel të mos jen në burg po të bëjn politik. Dora ju thaft ati njeriu që i jep vot kryekriminelit salmut bershurrës e evgjitit fatmir kriminel mediut. AMEN.
Përgjigjuketo jane kujtimet me te hidhure te asaj qeveri te hudhehequre nga P D me ne krye Sali Berishen dhe cirakune e tij Fatmire Mediune
PërgjigjuTe hedhesh ne ere nje zone te tere, te vrasesh 25 njerez dhe te vazhdosh te jesh ne politike eshte cmenduria e Berishes te cilet duhet te jene ne burg. Vetem ne Shqiperi ndodhin keto krime.
Përgjigju