Një raport nga Kisha Katolike e Francës ka habitur opinionin publik ku numri i të miturve të abuzuar seksualisht prej 7 dekadash arrinte shifrën mbi 216,000.
Ky raport, përveçse pati një mori reagimesh nga personazhe të ndryshëm publik e jo publik nuk mungoi as reagimi i Papa Franceskut i cili e cilësoi raportimin historik si të turpshëm.
Në fjalimet e tij javore në Vatikan të mërkurën në mëngjes, Papa shprehu turpin e tij që Kisha i ka injoruar viktimat e abuzimit seksual për një kohë të gjatë, duke thënë se ai dëshiron që Kisha të jetë një "shtëpi e sigurt për të gjithë".
Papa nuk i trajtoi drejtpërdrejt akuzat për abuzim të vazhdueshëm në komentet e tij. Megjithatë, ai inkurajoi peshkopët dhe udhëheqësit e Kishës që "të vazhdojnë të bëjnë çdo përpjekje për të siguruar që tragjedi të ngjashme të mos ndodhin përsëri".
Nga ana tjetër Papa siguroi lutjet për të mbijetuarit e abuzimeve seksuale duke shprehur dhumbjen e tij të thellë.
‘Unë dëshiroj t'i shpreh dhimbjen dhe dhimbjen time viktimave për traumat që kanë pësuar dhe gjithashtu turpin tim, turpin tonë, turpin tonë për paaftësinë të stërgjatë të Kishës për t’i vënë këto tragjedi në qendër të vëmendjes së saj”., shprehu Papa.
Sipas raportit, midis 2,900 dhe 3,200 abuzues kanë punuar në Kishën Katolike Franceze midis viteve 1950 dhe 2020, nga gjithsej 115,000 priftërinj dhe klerikë të tjerë. Shumica e të abuzuarve ishin të mitur, brenda mureve të Kishave katolike teksa mbaronin meshat e së dielave! Nën terrorin e heshtjes, duke përfituar nga pushteti që kishte Kisha në vetvete aso kohe, mijëra të rritur sot, vuajnë nga traumat e së kaluarës. E ndërsa francezët u kërkojnë llogari me shifra të tmerrshme si provë nëpër duar, Kishat kanë zgjedhur ta ruajnë reputacionin duke heshtur.
Për mediat e huaja ka pasur një deklaratë zyrtare të njërit prej viktimave Christian Dubreuil i cili sot është 65 vjeç.
"Pedofilia është krimi i përsosur sepse është i vetmi për të cilin krimineli është i sigurt, ose pothuajse i sigurt, se viktima nuk do t'i raportojë ata," i tha ai komisionit në dëshminë publike.
Abuzuesi i Dubreuil u fut në rrethin e familjes nën maskën e avancimit të arsimimit të një djali të ndritshëm, thotë ai. Çdo të enjte, ai e merrte atë dhe ata vizitonin vendet historike së bashku.
"Unë do të vdes me traumën e asaj që ndodhi edhe pse ishte më shumë se gjysmë shekulli më parë! " shtoi ai.
Lajme të tjera
-
Spiropali në Vatikan, pritet nga Papa Françesku: Mirënjohje për kontributin e paçmuar për Shqipërinë
28 Tetor, 15:56 -
Greqi/ Skandal në Kishën Katolike! Dy priftërinj përvetësuan 3 milionë euro dhe i investuan në lokalet e natës
24 Tetor, 15:56 -
Tiranë/ Shpërndante video me përmbajtje pornografike me të mitur, në pranga 28-vjeçari! I hidhte në rrjetet sociale, fëmijët të moshës 9-10 vjeç
24 Tetor, 12:06 -
Milan Kundera në gjuhën e nënës, letërsisë dhe shqipes, përkthyesja Pasho: Ashtu si Kadareja vuajti moskuptimin!
17 Tetor, 11:22
-
Britania thërret takim urgjent në OKB për Gazën, shqyrton sanksionimin e ministrave izraelitë
16 Tetor, 16:58 -
Sulmet e Izraelit ndaj paqeruajtësve të UNIFIL në Liban, Franca thërret ambasadorin izraelit në Paris!
11 Tetor, 16:51 -
Pellegrini dënon Italinë, s'ka fitues kundër Belgjikës! Franca s'pyet për Izraelin, Greqia bën befasinë e madhe në Londër
11 Tetor, 11:15 -
Ka zhgënjim në grup, Deschamps zgjedh kapitenin e ri të Francës
10 Tetor, 15:56 -
Macron kërkon që të ndalen dërgesat me armë për Izraelin
5 Tetor, 17:16 -
Liga e Kombeve/ Deschamps lë jashtë Francës sulmuesin Kylian Mbappe
3 Tetor, 15:16 -
Francë/ Le Pen në gjyq për keqpërdorim të pretenduar të fondeve të BE-së
30 Shtator, 15:22 -
Papa Françesku dënon ashpër abortin e fëmijëve: Mjekët që e kryejnë këtë procedurë janë vrasës
30 Shtator, 14:26
