POP 5

Lajmet më të lexuara të 5 minutave të fundit

Sociale

Fusha e Torovicës kthehet në ‘liqen’, 400 ha akoma nën ujë! Banori: Në këtë gjendje, e pamundur të mbjellim

Edhe pse reshjet kanë pushuar, 400 hektar tokë bujqësore në Torovicë vazhdojnë të jenë nën ujë, duke penalizuar kështu jetën e banorëve

LEZHË- Ndonëse reshjet e shiut janë ndërprerë, Fusha e Torovicës në Lezhë vijon të jetë nën pushtetin e ujit. Kjo situatë ka krijuar dëme të shumta kosto të lartë financiare për fermerët

Bagëtitë po i kullotë në anë të rrugës. Prej 10 ditësh toka e Marash Bushgjokaj këtu në Torovicë është mbuluar nga uji.

Reshjet e shiut janë ndërprerë prej disa 5 ditësh, por aktualisht fusha e Torovicës të ngjan me një liqen pasi 400 hektarë tokë bujqësore ndodhen nën ujë. Përmbytja ka goditur rëndë sektorin e bujqësisë i cili varen shumë familje.

“Ka një rënie të ujit këtyre dy ditëve, por për të thënë që do mbjellim, në këtë gjendje kjo është e pamundur edhe pasi të kaloj dhjetori. Situata e popullit është kjo që shihni ju. Ne me këtë jetojmë, situata është e rëndë dhe e ndërlikuar”, tha Valentin Lucaj, banor i fshatit Torovicë.

Mosfunksionimi siç duhet i pompave thithëse të hidrovorit të Balldrenit është shkaku kryesor i mos evadimit në kohë të ujerave në Fushën e Torovicës ku niveli i tokës ka rënë me rreth 2 metra.

Mirëpo, Drejtori i Kullimit dhe Ujitjes për Veriun, Fran Mataj thotë se hidrovori ka punuar në mënyrë të pandërprerë dhe kuotat kanë rënë nga 00 në 1.3.  Për 5 ditë javën e kaluar, në fushën e Torovicës kanë rënë rreth 300 mm reshje, sasi kjo e pazakontë.

Si zgjidhje shihet ndërtimi i një hidrovori të ri në këtë zonë, projekti i të cilit është gati prej disa vitesh por ende nuk është financuar nga Ministria e Bujqësisë.

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02