Ministria e Drejtësisë ka bërë gati draftin për amnistinë e radhës të të burgosurve. Sipas projektligjit, amnistohen personat e dënuar meshkuj me vendim gjyqësor të formës së prerë, me burgim deri në 2 vjet, gjobë, ose shërbim prove, për dënime të dhëna,deri në datën 30.09.2019, pavarësisht nga koha e mbetur nga dënimi. Nga ana tjetër, përfitojnë edhe personat e dënuar meshkuj me burgim, të cilëve, deri në datën e hyrjes në fuqi të këtij ligji, u kanë mbetur pa vuajtur nga ky dënim deri në 2 vjet. Po kështu, amnistohen personat e dënuar femra dhe të mitur me vendim gjyqësor të formës së prerë, me burgim deri në 3 vjet, si dhe personat femra dhe të mitur të dënuar me burgim, të cilëve, deri në datën e hyrjes në fuqi të këtij ligji, u kanë mbetur pa vuajtur nga ky dënim deri në 3 vjet.
Amnistohen personat e dënuar femra, që, në datën e hyrjes në fuqi të këtij ligji, janë baras ose mbi moshën 50 vjeç dhe personat e dënuar meshkuj, që, në datën e hyrjes në fuqi të këtij ligji, janë baras ose mbi moshën 60 vjeç. Nga ana tjetër, drafti parashikon që të amnistohen personat e dënuar me burgim, të cilët, në kohën e kryerjes së veprës penale, kanë qenë baras ose nën moshën 18 vjeç.Të gjithë të dënuarve femra dhe të mitur që nuk plotësojnë kriteret për të përfituar amnisti, u zbritet 1/4 e dënimit të mbetur. Ndërkohë, nuk përfitojnë amnisti personat e dënuar përsëritës të së njëjtës vepër penale, të dënuarit për krime seksuale, krime në familje, terrorizëm, banda të organizuara kriminale, krime kundër shtetit.
Amnistia do të prekë edhe personat që kanë një çështje penale të hapur me drejtësinë shqiptare. Sipas draftit, do të pushohen ndjekjet penale për çështjet në hetime paraprake, për çështjet në proces shqyrtimi në seancë paraprake ose në proces shqyrtimi nga gjykatat në të gjitha nivelet, si dhe për kallëzimet që ndodhen në këto organe procedimi, pavarësisht nga data e regjistrimit të tyre, për veprat penale të kryera deri në datën 30.09.2019, për të cilat Kodi Penal parashikon një dënim me burgim në maksimum deri në 2 vjet, ose çdo lloj dënimi tjetër më të butë. Por nuk përfitojnë funksionarët publikë, të cilët mbajnë apo kanë mbajtur një funksion publik dhe janë subjekt i ligjit “Për garantimin e integritetit të personave që zgjidhen, emërohen ose ushtrojnë funksione publike”, të ndryshuar. Nuk përfitojnë as dhe personat funksionarë publikë, që janë në ndjekje penale në hetime paraprake ose në proces shqyrtimi gjyqësor në çdo fazë apo nivel gjykimi.
Kategoritë e përfituesve
Amnistohen personat e dënuar meshkuj me vendim gjyqësor të formës së prerë, me burgim deri në 2 vjet
Amnistohen personat e dënuar femra dhe të mitur me vendim gjyqësor të formës së prerë, me burgim deri në 3 vjet
Amnistohen personat e dënuar meshkuj me burgim, të cilëve, deri në datën e hyrjes në fuqi të këtij ligji, u kanë mbetur pa vuajtur nga ky dënim deri në 2 vjet.
Amnistohen personat femra dhe të mitur të dënuar me burgim, të cilëve, deri në datën e hyrjes në fuqi të këtij ligji, u kanë mbetur pa vuajtur nga ky dënim deri në 3 vjet.
Amnistohen personat e dënuar femra, që, në datën e hyrjes në fuqi të këtij ligji, janë baras ose mbi moshën 50 vjeç.
Amnistohen personat e dënuar meshkuj, që, në datën e hyrjes në fuqi të këtij ligji, janë baras ose mbi moshën 60 vjeç.
Amnistohen personat e dënuar me burgim, të cilët, në kohën e kryerjes së veprës penale, kanë qenë baras ose nën moshën 18 vjeç.
Të gjithë të dënuarve femra dhe të mitur që nuk plotësojnë kriteret për të përfituar amnisti, u zbritet 1/4 e dënimit të mbetur
Komente
Lajme të tjera
-
Manja i shtrin dorën opozitës për amnistinë: Të bashkojmë votat në Kuvend, t’u japim mundësinë 700 të dënuarve të bashkohen me familjet
12 Janar, 14:41
-
Amnistia/ ‘Përfitojnë edhe personat në ndjekje penale’, Shehu zbulon kategoritë e të dënuarve që përfitojnë: Më së shumti meshkuj, deri në 14 gra! Ja cilët përjashtohen
7 Dhjetor 2023, 14:46 -
Kosova themelon Institutin për krimet e kryera gjatë luftës, Kurti: Nuk mund të ketë amnisti për krimet e kryera nga Serbia
8 Nëntor 2023, 12:52 -
Amnistia, zv.drejtori i Burgjeve: Dalin nga burgu 572 persona, shteti ‘fut në xhep’ më shumë 5 mln euro
7 Nëntor 2023, 20:19 -
Amnistia, përfitojnë 570 të dënuar! Pushojnë çështjet për të dënuarit deri në 3 vite! Përjashtohen të dënuarit përjetë, veprat e rënda dhe të dënuarit e GJKKO
6 Nëntor 2023, 17:55
-
Ndryshimet në Kodit Penal, brenda vitit lançohen për konsultim publik! Manja: Do të kemi edhe aministi penale
28 Tetor 2023, 12:04 -
Emrat/ 32 mln lekë dëmshpërblim 9 ish-të dënuarve politikë, mes tyre Ali Selfo e Razip Zelenaj u pushkatuan pa gjyq në 1944 – 1947
30 Gusht 2023, 09:43 -
32 mln lekë dëmshpërblim 9 ish-të dënuarve politikë! Qeveria akordon fondin, mes tyre 2 të pushkatuar pa gjyq
24 Gusht 2023, 15:47 -
Libri studimor i ish-të dënuarit politik, Agim Musta: Në kënetën e Maliqit, gazetari Koço Semini, u vërsul si i tërbuar, për të ngrënë të vjellët e një të burgosuri
30 Korrik 2023, 09:47 -
Shuhen shpresat e të burgosurve! S’ka amnisti për festa
14 Dhjetor 2022, 15:50 -
Armë si në kohë lufte, deputeti Qefalia: Duhet amnisti për dorëzimin! 9 nga 10 krime ndodhin me armë pa leje të grabitur në '97
9 Qershor 2021, 18:22
-
E pengon Kodi Elektoral, viti 2020 mbyllet pa amnisti për të burgosurit! Festat do i kalojnë në qeli
18 Dhjetor 2020, 11:39
Jo
PërgjigjuKur do te beget amnistiq
Përgjigju