Receta

Gjellë me speca dhe qofte pule nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 12 Nëntor, 11:20 | Përditesimi: 12 Nëntor, 11:22

Gjellë me speca dhe qofte pule

Përbërësit:

6-7 speca
2 kokrra qepë
1 filxhan kafe oriz
4 thelpinj hudhra
80 ml vaj ulliri
1 lugë gjelle kerri
1 lgj koncentrat domate
2 lugë çaji rigon
2-3 gjethe dafinë
2 gjokse pule
1 kokërr vezë
Pak miell
Pak piper të kuq
Kripë, piper i zi

Përgatitja:

LEXO EDHE:
Kulaç i ngrohtë e i përsosur me djathë nga zonja Albana

Gjokset e pulës i kalojmë në blender, shtojmë vezën, kripën, piperin dhe miellin. Krijojmë qoftet, toptha jo shumë të mëdha që i skuqim pak me yndyrë. Ndërkohë në një tigan tjetër të thellë kaurdisim qepët e prera për së gjati me pak vaj ulliri dhe kripë. Shtojmë më pas specat e prerë në shirita dhe vijojmë me kaurdisjen për rreth 10 minuta derisa të zbuten. Në një tas hedhim salcën koncentrat të domateve, hudhrën e shtypur, rigonin, dafinën, kerrin dhe gati 500 ml ujë të vakët. I përziejmë mirë derisa masa të homogjenizohet. Tek qoftet shtojmë orizin, shtojmë qepët e kaurdisura me specat dhe më pas shtojmë salcën e lëngshme. E lëmë gatimin të ziejë në zjarr të ngadaltë derisa të dalë yndyra sipër dhe orizi të jetë zjerë plotësisht.

MC/Shqiptarja.com

TAG: